Biblu—Huhlọn Etọn to Gbẹzan Towe Mẹ
Biblu ko gọalọna gbẹtọ livi susu lẹ nado diọ gbẹzan yetọn do dagbe ji. Etẹwẹ yin delẹ to nunọwhinnusẹ́n Biblu tọn lẹ mẹ he na gọalọna mí nado duto nuhahun egbezangbe tọn lẹ ji eyin mí yí yé do yizan mẹ? Matin ayihaawe, homẹ towe na hùn nado mọ gblọndo na kanbiọ ehe gbọn dogbigbapọnna La Bible—Une force dans votre vie [Biblu—Huhlọn Etọn to Gbẹzan Towe Mẹ] he yin hosọ awetọ to nuzedonukọnnamẹ atọ̀n he tin to DVD lọ La Bible—Un livre historique et prophétique ji dali. To video ehe pinpọn godo, be a sọgan na gblọndo kanbiọ ehelẹ tọn ya?
(1) Naegbọn mí sọgan dọ dọ Biblu bẹ nususu hẹn hugan owe dagbe de poun? (Heb. 4:12) (2) Eyin Biblu sọgan gọalọna gbẹtọ lẹ nado hẹn gbẹzan yetọn pọnte, naegbọn gbẹtọvi lẹ do tindo nuhahun sọmọ? (3) Etẹwẹ yin hosọ tangan Biblu tọn? (4) Wefọ Biblu tọn tẹlẹ wẹ yin nùdego to video/DVD lọ ji he sọgan gọalọna alọwlemẹ lẹ (a) nado hẹn hodọdopọ yetọn pọnte dogọ podọ (b) nado nọ dava homẹgble yetọn? (5) Nawẹ pọndohlan Klistiani tọn gando alọwle go nọ diọ gbẹzan whẹndo tọn do dagbe ji gbọn? (Efe. 5:28, 29) (6) Nawẹ Jehovah ze apajlẹ pipé dai na mẹjitọ lẹ gbọn? (Malku 1:9-11) (7) Nawẹ mẹjitọ lẹ sọgan hẹn oplọn whẹndo tọn yin awuvivinu gbọn? (8) Gbọnvona Biblu pinplọn, onú devo tẹwẹ Ohó Jiwheyẹwhe tọn na tuli mẹjitọ lẹ nado wleawu etọn na ovi yetọn lẹ? (9) Nawẹ ayinamẹ Biblu tọn sọgan gọalọna whẹndo lẹ nado pehẹ nuhahun akuẹzinzan tọn gbọn? (10) Nunọwhinnusẹ́n Biblu tọn he gando wiwejininọ, amasin adinọ, ahànnunu zẹjlẹgo, po apọṣimẹ po go tẹlẹ yiyizan wẹ sọgan gọalọ nado de nuhahun agbasamalo tọn lẹ pò? (11) Opagbe Biblu tọn tẹlẹ wẹ sọgan gọalọna mí nado to nukọnzindo? (Job 33:25; Ps. 145:16) (12) Nawẹ nuplọnmẹ he tin to Ohó Jiwheyẹwhe tọn mẹ lẹ ko gọalọna we nado hẹn gbẹzan towe pọnte dogọ gbọn? (13) Nawẹ hiẹ sọgan yí video ehe zan nado gọalọna mẹdevo lẹ gbọn?