Biblu—Kandai Whenuho Tọn He Sọgbe, Owe Dọdai Dejidego lẹ Tọn
Kunnudenu tẹwẹ dohia dọ Biblu sọgbe to whenuho-liho? Dọdai Biblu tọn he ko mọ hẹndi tẹlẹ wẹ hẹn mí deji dọ dọdai he gando sọgodo go lẹ lọsu na mọ hẹndi? Kanbiọ ehelẹ na yin hodọdeji to video lọ La Bible: un récit historique exact, des prophéties dignes de foi [Biblu—Kandai Whenuho Tọn He Sọgbe, Owe Dọdai Dejidego lẹ Tọn] mẹ, he yin adà atọ̀ntọ DVD lọ La Bible: un livre historique et prophétique tọn. To video ehe pinpọn godo, be hiẹ sọgan na gblọndo kanbiọ he bọdego lẹ tọn ya?
(1) Mẹnu wẹ yin Asisa nudọnamẹ dejidego Biblu tọn lẹ tọn? (Dan. 2:28) (2) Nawẹ Biblu do Egipti hohowhenu tọn hia po gbesisọ po gbọn, podọ nawẹ dọdai he yin kinkandai to Isaia 19:3, 4 mọ hẹndi yí gbọn? (3) Nawẹ dodinnanu dòkunkun tọn lẹ dohia dọ nuhe Biblu dọ gando Asilianu lẹ, ahọlu yetọn lẹ, po vasudo Asilia tọn po go yin nugbo gbọn? (Nah. 3:1, 7, 13) (4) Dọdai he gando Babilọni go tẹlẹ wẹ sọawuhia nado yin nuhe go yè sọgan dejido? (Jel. 20:4; 50:38; 51:30) (5) Dọdai he gando Medo-Pẹlsia go tẹwẹ ko mọ hẹndi? (Isa. 44:28) (6) Nawẹ Daniẹli 7:6 po 8:5, 8 po mọ hẹndi gando Grèce go gbọn? (7) Nawẹ Daniẹli 7:7 mọ hẹndi to whenue Lomu lẹzun huhlọn aihọn tọn gbọn? (8) Sesali tẹlẹ go wẹ Biblu donù? (9) Etẹwẹ jọ do Klistiani lẹ go to gandudu Néron tọn glọ? (10) Nawẹ dọdai he yin mimọ to Osọhia 13:11 po 17:10 po mẹ lẹ yin hinhẹndi gbọn? (11) Etẹwẹ ahọlu ṣinatọ̀ntọ lọ nọtena? (12) Nujijọ tẹlẹ to video lọ mẹ wẹ do nugbo-yinyin Yẹwhehodọtọ 8:9 tọn hia? (13) Hẹndi dọdai he gando sọgodo go tẹlẹ tọn wẹ hiẹ to jejeji nado mọ? (14) Nawẹ hiẹ sọgan yí video ehe zan nado gọalọna mẹdevo lẹ na yé nido kudeji dọ Jiwheyẹwhe wẹ dowatọ Biblu tọn gbọn?