Aliho Dagbe de Nado Duvivi Ohàn Ahọluduta Tọn lẹ Tọn
Devizọnwatọ Jiwheyẹwhe tọn lẹ nọ pọ́n nuhiho hlan taidi nunina dagbedagbe de sọn Jehovah dè. (Jak. 1:17) Agun susu wẹ nọ duvivi ohàn Ahọluduta tọn lẹ hihò dẹẹdẹ tọn jẹnukọnna opli agun tọn lẹ podọ to godo yetọn. Ohàn yẹwhehọluduta tọn lẹ hihò yin aliho dagbe de nado dokuavọna mí wá opli lẹ ji. E nọ gọalọna mí nado wleawudaina ahun mítọn jẹnukọnna sinsẹ̀n-bibasi. Humọ ohàn yọyọ he tin to ohanwe mítọn mẹ lẹ hihò nọ zọ́n bọ mí nọ jẹakọ hẹ yé bo nọ gọalọna mí nado ji ohàn lọ lẹ ganji. Ohàn mọnkọtọn lẹ hihò to opli godo nọ zọ́n bọ ninọmẹ mẹjlọdote tọn he mẹ mí sọgan duvivi gbẹdido mẹjlọdote tọn te de nọ zindonukọn. Enẹwutu, pipli mẹho lẹ tọn dona basi tito na agun lọ nido nọ hò ohàn lẹ jẹnukọnna opli lẹ podọ to godo yetọn gbọn CD he hosọ etọn yin Chantons à Jéhovah—Accompagnement au piano yiyizan dali. Yé dona hẹn ẹn diun dọ ogbè nuhiho lọ tọn tin to jlẹkaji bo ma na hẹn ẹn vẹawuna mẹmẹsunnu lẹ nado dọhodopọ.