Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Août Tọn

Hia Eksọdusi 6:3. Enẹgodo dọmọ: “Sọgbe hẹ wefọ ehe Jiwheyẹwhe tindo yinkọ de. Be hiẹ lẹndọ nujọnu wẹ e yin dọ mí ni nọ yí yinkọ Jiwheyẹwhe tọn zan ya? [Jotẹnna gblọndo.] Pọ́n nuhe linlinnamẹwe ehe dọ.” Ze vọkan Atọ̀họ̀-Nuhihọ́ lọ Tọn juillet-septembre tọn dopo na whétọ lọ bo gbadopọnna nudọnamẹ he tin to hóvila tintan glọ to weda 26 ji hẹ ẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Juillet-Septembre

“Doyiyi akuẹzinzan tọn he tin lẹdo aihọn pé zọ́n bọ azọ́n ko gble do gbẹtọ livi susu he tindo agbasazọ́n he pekuẹ lẹ. E yọnbasi dọ omẹ mọnkọtọn lẹ ni jẹflumẹ. Etẹwẹ a lẹndọ e sọgan gọalọna yé nado pehẹ ninọmẹ lọ? [Jotẹnna gblọndo.] Doayi nuhe wefọ ehe dọ go. [Hia Howhinwhẹn lẹ 24:10.] Linlinnamẹwe ehe na ayinamẹ he yọ́n-na-yizan delẹ do nuhe mẹde sọgan wà to ninọmẹ mọnkọtọn mẹ ji.” Ze hosọ he bẹsọn weda 28tọ ji donukọnnamẹ.

Réveillez-vous! Août

“To egbehe, mẹsusu nọ dibu nado tọ́n yedeṣo, titengbe to zánmẹ. Be a lẹndọ nude sọgan yin bibasi nado de danuwiwa pò to aihọn ehe mẹ ya? [Jotẹnna gblọndo.] Linlinnamẹwe ehe dọhodo onú delẹ he mímẹpo sọgan wà nado tin to jijọho mẹ hẹ mẹdevo lẹ ji. E sọ dọhodo lehe dọdai tulinamẹ tọn ehe na yin hinhẹndi do ji.” Hia Psalm 72:7.