Zinnudo Plọnmẹ Biblu lẹ Bibẹjẹeji to Sibigbe Tintan Ji

Bẹsọn mai 2011, wẹnlatọ lẹ yin tulina nado nọ dovivẹnu nado bẹ plọnmẹ Biblu lẹ jẹeji to Sibigbe tintan osun dopodopo tọn. Nado sọgan jẹ yanwle ehe kọ̀n, adà de he hosọ etọn yin “Kanbiọ Sinai Do Biblu Ji” he nọ tọ́n to zinjẹgbonu mẹlẹpo tọn Atọ̀họ̀-Nuhihọ́ lọ Tọn mẹ ko yin awuwlena. Enẹwutu, opli sinsẹ̀nzọn kunnudegbe tọn he nọ yin bibasi to Sibigbe tintan dona nọ do lehe adà ehe sọgan yin yiyizan nado bẹ plọnmẹ Biblu lẹ jẹeji do hia bosọ dona nọ bẹ wadohia nuzedonukọnnamẹ tọn de hẹn.

Mẹho lẹ sọgan basi dide dọ pipli sinsẹ̀nzọn kunnudegbe tọn dopodopo na nọ basi opli sinsẹ̀nzọn kunnudegbe tọn etọn dovo to Sibigbe tintan kavi dọ pipli lọ lẹ na nọ basi opli lọ dopọ, podọ e sọgan yin to Plitẹnhọ Ahọluduta tọn mẹ. Ṣigba, eyin agun susu wẹ nọ zan Plitẹnhọ Ahọluduta tọn lọ, agun de ma dona diọ azán vonọtaun he yin dide nado bẹ plọnmẹ Biblu lẹ jẹeji ehe do azán devo ji, po yanwle lọ po dọ pipli kunnudegbe tọn agun lọ tọn lẹ na basi opli lọ to pọmẹ gba.