Nọ Má “Onú Dagbe lẹ” Gbọn Johẹmẹ Didohia Dali (Mat. 12:35a)

Ayihaawe ma tin dọ mímẹpo wẹ jlo nado má “onú dagbe lẹ” hẹ mẹdevo lẹ gbọn ‘aliho johẹmẹ tọn hihodo’ dali. (Lom. 12:13) Anademẹ yin nina mẹho lẹ nado yin nukọntọ to adà ehe mẹ gbọn nukunpipedo húnkuẹ hodọtọ jonọ lẹ tọn go po awuwiwlena núdùdù de na yé po dali. Etomọṣo, mí sọgan whleawu nado hẹjómẹ, na mí ma tindo nususu wutu. Kavi mí sọgan hanú nado ylọ mẹdevo lẹ wá owhé mítọn gbè. Ṣigba, ayihamẹlinlẹnpọn do ayinamẹ he Jesu na Malta ji sọgan gọalọ. (Luku 10:39-42) Jesu zinnudeji dọ gbẹdido po tulinamẹ he yè nọ duvivi etọn po wẹ “adà he yọ́n hugan” lọ, e ma yin núdùdù vonọtaun de kavi whanpẹ owhé de tọn. Eyin mí hodo ayinamẹ ehe, mímẹpo wẹ na má “onú dagbe lẹ” hẹ mẹmẹsunnu mítọn lẹ dile Biblu dọ do.—3 Joh. 5-8.