Mì Yí Zohunhun Do Whàn Ode Awetọ Hlan Azọ́n Dagbe lẹ Kọ̀n

Heblu lẹ 10:24 dotuhomẹna mí nado “nọ lẹn ode awetọ tọn pọ́n nado nọ whàn mídelẹ hlan owanyi po azọ́n dagbe lẹ po kọ̀n.” Mí sọgan whàn mẹmẹsunnu mítọn lẹ gbọn apajlẹ he mí nọ zedai podọ gbọn yise didohia dali. Nọ dọ numimọ dagbe he a tindo lẹ na mẹdevo lẹ to agun lọ mẹ. Dike yé ni nọ doayi ayajẹ he Jehovah sinsẹ̀n nọ hẹnwa na we go. To ojlẹ dopolọ mẹ, ma nọ yí dewe jlẹdo yé go kavi do mẹdevo lẹ go. (Gal. 6:4) Nọ tẹnpọn nado yí nugopipe towe lẹ zan nado whàn mẹdevo lẹ hlan “owanyi po azọ́n dagbe lẹ po” kọ̀n, e ma yin hlan numọtolanmẹ whẹhuhu tọn po azọ́n dagbe lẹ po kọ̀n. (Pọ́n owe Mọaleyi, w. 158, huk. 4.) Eyin mí nọ whànmẹ hlan owanyi kọ̀n, azọ́n lọ lẹ na bọdego, enẹ wẹ nado nọ yí nutindo mítọn lẹ do gọalọna mẹdevo lẹ kavi nado nọ dọyẹwheho.—2 Kọl. 1:24.