“Asu Etọn Nọ Yin Yinyọnẹn Ganji to Họngbo Tòdaho lọ Tọn lẹ Ji”

Asi nugopetọ de nọ yidogọna yinkọ dagbe asu etọn tọn. To azán Ahọlu Lemuẹli tọn gbè, asu he tindo asi nugopetọ de nọ “yin yinyọnẹn ganji to họngbo tòdaho lọ tọn lẹ ji.” (Hwh 31:23) To egbehe, sunnu he whèwhín lẹ nọ sẹ̀n taidi mẹho agun tọn podọ devizọnwatọ lizọnyizọnwiwa tọn. To whenue yé wlealọ, nugopipe yetọn nado sẹ̀n nọ sinai do walọyizan dagbe po godonọnamẹ dagbe asi yetọn lẹ tọn po ji. (1Ti 3:4, 11) Asi nugopetọ mọnkọtọn lẹ jẹna pipà taun, e ma yin gbọn asu yetọn lẹ kẹdẹ dali gba, ṣigba gbọn agun lọ lọsu dali.

Asi nugopetọ de nọ gọalọna asu etọn nado sẹ̀n gbọn . . .

• hogbe he jọmẹ lẹ yíyí do na tuli i dali.—Hwh 31:26

• dotẹnmẹ nina ẹn nado yí ede zan na agun lọ dali.—1Tẹ 2:7, 8

• gbẹzan jlẹkaji tọn zinzan dali.—1Ti 6:8

• didapana aṣli agun tọn lẹ kinkanse e dali.—1Ti 2:11, 12; 1Pi 4:15