Apajlẹ Kọmẹnu Samalianu lọ Tọn

10:25-37

Jesu na apajlẹ ehe nado na gblọndo na kanbiọ lọ: “Mẹnu wẹ kọmẹnu ṣie taun?” (Luk 10:25-29) E yọnẹn dọ agun Klistiani tọn na wá bẹ gbẹtọ “wunmẹ lẹpo” hẹn, kakajẹ Samalianu po Kosi lẹ po ji. (Joh 12:32) Apajlẹ ehe plọn hodotọ etọn lẹ dọ yé dona nọ dovivẹnu vonọtaun nado yiwanna mẹdevo lẹ, etlẹ yin mẹhe gbọnvona yé taun lẹ.

KANSE DEWE DỌ:

• ‘Nukun tẹwẹ n’nọ yí do pọ́n mẹmẹsunnu po mẹmẹyọnnu he wá sọn akọ̀ devo lẹ mẹ po?’

• ‘Be mẹhe n’má do lẹ kẹdẹ wẹ n’nọ dogbẹ́ hẹ ya?’

• ‘Be n’gán hùndonuvo na Klistiani hatọ he ma wá sọn akọ̀ dopolọ mẹ hẹ mi lẹ ya?’ (2Kọ 6:13)

Mẹnu wẹ n’gán bayi oylọna nado . . .

• wazọ́n hẹ mi to kunnudegbe?

• wá dùnú to whé ṣie gbè?

• wá nọpọ́ hẹ whẹndo ṣie to sinsẹ̀n-bibasi whẹndo tọn whenu?