Mì Flin Asi Lọti Tọn

Naegbọn asi Lọti tọn pọ́n godo to whenue e to tintọ́n sọn Sodọmi? Biblu ma dọ. (Jen 19:17, 26) Lẹdo hodidọ Jesu tọn dohia dọ e sọgan ko to nuhe e jodo godo lẹ flin. (Luk 17:31, 32) Nawẹ mí gán dapana nukundagbe Jiwheyẹwhe tọn hinhẹnbu taidi asi Lọti tọn gbọn? Mí ma dona dike vivomẹninọ to agbasa-liho ni lẹzun nujọnu hugan na mí. (Mt 6:33) Jesu dọ dọ mí “ma sọgan yin afanumẹ na Jiwheyẹwhe podọ na Adọkunnu lẹ.” (Mt 6:24) Amọ́, eyin mí ka wá doayi e go dọ agbasanu lẹ jẹ otẹn yí sọn gbigbọnu lẹ si ji to gbẹzan mítọn mẹ lo? Mí gán hodẹ̀ hlan Jehovah nado na mí wuntuntun, na mí nido mọ fie mí dona basi vọjlado te, podọ nado na mí adọgbigbo po huhlọn po nado wàmọ.

FLIN VIDEO ADÀ ATỌ̀N-NỌ LỌ MÌ FLIN ASI LỌTI TỌN, ENẸGODO NA GBLỌNDO NA KANBIỌ HE BỌDEGO LẸ:

• 

  Nawẹ kọgbidinamẹ nado dín akuẹ dogọ yinuwado nulẹnpọn, hodidọ po nuyiwa Lea tọn lẹ po ji gbọn?

• Nawẹ nuhe jọ do asi Lọti tọn go yin avase de na mí to egbehe gbọn?

• Nawẹ nunọwhinnusẹ́n Biblu tọn lẹ yíyí-do-yizan mẹ gọalọna Jo po whẹndo etọn po gbọn?

• Nawẹ mẹhe Anna nọ dogbẹ́ hẹ to azọ́nmẹ lẹ yinuwado gbigbọnọ-yinyin etọn ji gbọn?

• Naegbọn mí do hudo adọgbigbo tọn eyin yè to kọgbidina mí nado ze akuẹ dindin do otẹn tintan mẹ?

• Nawẹ Viyọ́n po Lea po wagbọn do wá gọ̀ gbigbọnu lẹ do otẹn tintan mẹ?

• Nunọwhinnusẹ́n Biblu tọn tẹlẹ ji wẹ video lọ zinnudo?