Doafọna Nuplọnmẹ Jiwheyẹwhe Tọn

NUHEWUTU E DO YIN NUJỌNU: Jehovah he yin Nuplọnmẹtọ Daho lọ, nọ plọn mí to aliho dagbe hugan mẹ. E nọ plọn mí lehe mí sọgan hẹn gbẹzan mítọn pọnte bo wleawudaina sọgodo dagbe de do, podọ vọnu wẹ e nọ wàmọ. (Isa 11:6-9; 30:20, 21; Osọ 22:17) Jehovah sọ nọ plọn mí nado pegan bo lá owẹ̀n gbẹwhlẹngán tọn lọ na mẹdevo lẹ.—2Kọ 3:5.

LEHE MÍ SỌGAN WÀMỌ DO:

• Nọ wleawuna whiwhẹ po homẹmimiọn po.—Slm 25:8, 9

• Nọ kẹalọyi azọ́nplọnmẹ he a nọ mọyi todin lẹ, taidi azọ́ndenamẹ wehọmẹvi tọn lẹ to opli osẹ ṣẹnṣẹn tọn lẹ whenu

• Nọ ze yanwle gbigbọmẹ tọn lẹ dai na dewe.—Flp 3:13

• Nọ basi avọ́sinsan lẹ nado sọgan mọ azọ́nplọnmẹ yí dogọ.—Flp 3:8

PỌ́N VIDEO LỌ NUPLỌNMẸ JEHOVAH TỌN HẸN YÉ JẸ ADỌKUN TO GBIGBỌ-LIHO, ENẸGODO NA GBLỌNDO NA KANBIỌ HE BỌDEGO LẸ:

• Avùnnukundiọsọmẹnu tẹlẹ ji wẹ wẹnlatọ delẹ dù te nado sọgan yì Wehọmẹ Wẹndagbe-Jlatọ Ahọluduta lọ tọn lẹ tọn?

• Azọ́nplọnmẹ tẹwẹ yè nọ mọyi to Wehọmẹ Wẹndagbe-Jlatọ Ahọluduta lọ tọn lẹ tọn?

• Nawẹ hagbẹ agun tọn lẹ ko gọalọna mẹhe mọ gbedewema yí bo yin didohlan agun yetọn mẹ lẹ gbọn?

• Nubiọtomẹsi tẹlẹ kọ̀n wẹ yè nọ jẹ nado yì Wehọmẹ Wẹndagbe-Jlatọ Ahọluduta lọ tọn lẹ tọn? (kr 189)

• Azọ́nplọnmẹ devo tẹwẹ a sọgan doafọna to titobasinanu Jehovah tọn mẹ?