NUHỌAKUẸ LẸ SỌN OHÓ JIWHEYẸWHE TỌN MẸ | EKSỌDUSI 10-11

Mose po Aalọn po Gboadọ

10:3-6, 24-26, 28; 11:4-8

Mose po Aalọn po do adọgbigbo ayidego tọn hia bo dọhona Falo madibu, dile etlẹ yindọ ewọ wẹ mẹhe dohuhlọn hugan to aihọn mẹ to whenẹnu. Etẹwẹ gọalọna yé? Biblu dọ gando Mose go dọmọ: “Gbọn yise dali, ewọ tọ́n sọn Egipti, ṣigba e ma dibuna homẹgble ahọlu tọn, na e gbọṣi tenọgli mẹ taidi dọ e to Mẹlọ he yin mayinukundomọ lọ mọ wẹ nkọ.” (Heb 11:27) Mose po Aalọn po tindo yise dolido to Jehovah mẹ bosọ ganjẹ ewọ go.

Ninọmẹ tẹlẹ wẹ nọ biọ dọ yè ni yí adọgbigbo do dọho gando nuyise mẹtọn go to aṣẹpatọ de nukọn?

Yẹdide debọdo-dego lẹ: Ninọmẹ he mẹ mí gán do adọgbigbo hia te lẹ. 1. Jọja sunnu de ṣite abọẹ bọ mẹhe pò lẹ to nudọdo asia. 2. Mẹmẹsunnu de ṣite to owhẹ̀ nukọn. 3. Mẹmẹsunnu jọja de ze alọnuwe pẹvi de donukọnnamẹ bọ ponọ de to pinpọn ẹn sọn olá.