Nuhe Klistiani lẹ Gán Plọn sọn Juwayi lọ Mẹ

12:5-7, 12, 13, 24-27

Jehovah na Islaelivi lẹ anademẹ delẹ he yé dona hodo na azọ̀nylankan aotọ nikaa bẹpla yé. (Eks 12:28) Anademẹ yin nina whẹndo lẹ dọ to ozán Nisan 14tọ tọn mẹ, yé dona pli to owhé yetọn titi le gbè. Yé dona hù lẹngbọ asu kavi gbọgbọẹ asu de he to gángán bo tindo owhe dopo. Podọ, yé dona mimí ohùn kanlin lọ tọn do dòtin ohọ̀n yetọn lẹ tọn go podọ do aga ohọ̀n lọ tọn. Enẹgodo, yé dona hì kanlin lọ blebu bo dù i to niyaniya mẹ. Mẹdepope to whẹndo lọ mẹ ma dona tọ́n sọn owhé lọ gbè kakajẹ wunkẹngbe.—Eks 12:9-11, 22.

Adà titengbe tẹlẹ mẹ wẹ tonusise nọ basi hihọ́na mí te to egbehe?