Be A Gán Ze Dewe Jo Ya?

Dile Isaia dọ dọdai etọn do, adà aigba ji tọn titobasinanu Jehovah tọn to jijideji hugan gbede pọ́n. (Isa 54:2) Enẹwutu, Plitẹnhọ Ahọluduta tọn, Plitẹnhọ Plidopọ tọn gọna wekantẹn alahọ tọn yọyọ lẹ dona yin gbigbá. To whenue ohọ̀ enẹlẹ ko yin gbigbá godo, yé dona nọ yin nukunpedego, podọ e na wá biọ dọ delẹ ni yin vivọjlado. Dotẹnmẹ tẹlẹ wẹ ehe hundote na we nado yí whenu po huhlọn towe po zan na Jehovah?

• A gán nọ kọnawudopọ hẹ pipli kunnudegbe tọn towe to whenue mì yin azọ́ndena nado hẹn Plitẹnhọ Ahọluduta tọn mìtọn do wiweji

• A gán ze dewe jo bo mọ azọ́nplọnmẹ yí nado nọ penukundo Plitẹnhọ Ahọluduta tọn mìtọn go

• A gán kanwe gọ́ alọdowemẹwe lọ le service local développement/construction (DC-50), bo nọ yì gọalọ to nọtẹn sinsẹ̀n-bibasi tọn lẹ gbigbá po nukunpipedo yé go po mẹ sọn ojlẹ de mẹ jẹ devo mẹ to lẹdo towe mẹ

• A gán kanwe gọ́ alọdowemẹwe lọ Demande d’admission comme volontaire (A-19) nado nọ gọalọ na osẹ dopo kavi humọ to alahọ he glọ otò towe te kavi to alahọ devo mẹ

PỌ́N VIDEO LỌ MÍ TO TITO HỌ̀GBIGBÁ TỌN YỌYỌ DE BASI—ADÀ KLEUN DE, ENẸGODO NA GBLỌNDO NA KANBIỌ HE BỌDEGO LẸ:

• Bẹsọn 2014, jideji ayidego tọn tẹwẹ wá aimẹ na nuhe dù video lẹ yiyizan?

• Nado sudo nuhudo video tọn he fọ́n bo to jijideji, tito họ̀gbigbá tọn tẹwẹ to aimẹ, whetẹnu wẹ tito lọ na bẹjẹeji podọ whetẹnu wẹ e na fó?

• Nawẹ mẹdezejotọ lẹ gán gọalọ gbọn?

• Eyin a jlo na gọalọ to tito họ̀gbigbá Ramapo tọn mẹ, naegbọn a dona kanwe gọ́ alọdowemẹwe de (DC-50) bo gọalọna Azọ́nwatẹn Họ̀gbigbá tọn to lẹdo towe mẹ?

• Kunnudenu tẹwẹ mí tindo dọ Jehovah to anadena tito ehe?

• Eyin ninọmẹ towe ma tlẹ hẹn yọnbasi na we nado gọalọ tlọlọ, nawẹ a gán nọgodona tito ehe gbọn?