Nọ Wlebòna Haṣinṣan Towe hẹ Jehovah

Kunnudetọ Jehovah tọn lẹ tindo lẹblanulọkẹyi vonọtaun de. Taidi Klistiani he ko basi klandowiwe bosọ yí baptẹm, mí nọ zindonukọn nado to haṣinṣan he mí tindo hẹ Oklunọ Nupojipetọ Jehovah hẹn lodo. Ewọ ko dọ̀n mí wá ede dè gbọn Visunnu etọn gblamẹ. (Joh 6:44) E nọ dotoaina odẹ̀ mítọn lẹ.—Slm 34:15.

Nawẹ mí gán basi hihọ́na haṣinṣan họakuẹ he mí tindo hẹ Jiwheyẹwhe gbọn? Onú dopo wẹ nado dapana nuylankan he Islaelivi lẹ wà lẹ. Ojlẹ vude to whenue yé ko basi alẹnu de hẹ Jehovah godo, yé basi oyìnvu sika tọn de bo jẹ sinsẹ̀n ji. (Eks 32:7, 8; 1Kọ 10:7, 11, 14) Nọ Kanse dewe dọ: ‘Nawẹ n’nọ yinuwa gbọn to whenue n’yin whiwhlepọn nado wà nuhe ma sọgbe? Be nuyiwa ṣie lẹ nọ dohia dọ n’to bowlena haṣinṣan ṣie hẹ Jehovah ya?’ Eyin mí tindo owanyi sisosiso na Otọ́ olọn mẹ tọn mítọn, mí na nọ họ̀nna nuhe e gbẹwanna lẹ.—Slm 97:10.

PỌ́N VIDEO LỌ NỌ WLEBÒNA HAṢINṢAN TOWE HẸ JEHOVAH (KOL. 3:5), ENẸGODO NA GBLỌNDO NA KANBIỌ HE BỌDEGO LẸ:

• Etẹwẹ nukunkẹn zẹẹmẹdo?

• Naegbọn mí dona nọ nọla na nukunkẹn po boṣiọ-sinsẹ̀n po?

• Kanṣiṣa tẹwẹ tin to ayọdide po boṣiọ-sinsẹ̀n po ṣẹnṣẹn?

• Naegbọn mẹhe tin to otẹn azọngban tọn mẹ lẹ dona nọ na ayidonugo nuhudo alọwlemẹ yetọn tọn lẹ?