NUHỌAKUẸ LẸ SỌN OHÓ JIWHEYẸWHE TỌN MẸ | EKSỌDUSI 35-36

Jehovah Gán Hẹn We Pegan

Jehovah na anademẹ susu lẹ gando lehe gòhọtúntún lọ na yin gbigbá do go, amọ́ gbigbọ wiwe etọn gọalọna Bezalẹli po Oholiabi po nado penukundo azọ́n ehe go. To egbehe, Jehovah gbẹ́ nọ yí gbigbọ wiwe etọn zan nado na huhlọn devizọnwatọ etọn lẹ. Nawẹ mí gán mọ alọgọ enẹ yí gbọn?

Mí dona nọ hodẹ̀ dọ gbigbọ wiwe Jehovah tọn ni gọalọna mí nado zan nugopipe mítọn lẹ ganji to sinsẹ̀nzọn etọn mẹ
Mí dona nọ plọn Ohó gbọdo Jiwheyẹwhe tọn po sọwhiwhe po
Mí dona nọ ze míde jo mlẹnmlẹn na azọ́n depope he yin didena mí

Yẹdide debọdo-dego lẹ: Kunnudetọ Jehovah tọn lẹ to mahẹ tindo to tito gbigbọmẹ tọn voovo lẹ mẹ. 1. Mẹmẹyọnnu lẹ to azọ́nwa to tito họ̀gbigbá tọn de whenu. 2. Mẹmẹsunnu de to awuwle nado deanana Oplọn ‘Atọ̀họ̀-Nuhihọ́ lọ Tọn.’ 3. Mẹmẹsunnu de to yẹwhehodọ na ogán ṣọfu de tọn bọ mẹmẹsunnu he zọnhẹ ẹ to kẹntọ lẹ ṣọ́. 4. Asu po asi po de to Wehọmẹ Wẹndagbe-Jlatọ Ahọluduta lọ tọn lẹ tọn.

Azọ́ndenamẹ tẹlẹ wẹ Jehovah gán hẹn we pegan na?