Wleawudaina Adà Godo Tọn “Azán Godo Tọn lẹ” Tọn

Mí yọnẹn dọ na mí to adà godo tọn “azán godo tọn lẹ” tọn mẹ wutu, nuhahun he mí nọ pehẹ lẹ na fọ́n bo to sinsinyẹn deji. (2Ti 3:1; “awufiẹsa he taidi ajipanu tọn lẹ” adà nupinplọn tọn do Mt 24:8, nwtsty ji) Eyin nugbajẹmẹji lẹ wá aimẹ, omẹ Jehovah tọn lẹ nọ saba mọ anademẹ gbẹwhlẹngán tọn lẹ yí to ojlẹ sisọ mẹ. Enẹwutu, eyin a nọ setonu bo nọ wleawudai to gbigbọ-liho podọ to agbasa-liho todin, enẹ gán gọalọna we to nukọn mẹ nado luntọ́n.—Luk 16:10.

• Wleawudai to gbigbọ-liho: Wleawuna aṣa gbigbọmẹ tọn dagbe lẹ. Jẹakọ hẹ aliho kunnudide tọn voovo lẹ. Eyin a wá mọ dewe to ninọmẹ de mẹ he zọ́n bọ a ma gán kọnawudopọ hẹ mẹmẹsunnu lẹ na ojlẹ de, ayiha towe ni ma gbàdo blo. (Isa 30:15) Hẹn do ayiha mẹ dọ Jehovah po Jesu po ma dẹn do we.—od 176 huk. 15-17

• Wleawudai to agbasa-liho: Gbọnvona saki he bẹ onú dandan tọn delẹ hẹn he whẹndo dopodopo dona wleawuna dote, nujọnu wẹ e sọ yin nado wleawuna núdùdù he pemẹnu jẹ obá de mẹ, osin, amasin, po onú mọnkọ devo lẹ po he yè gán do hudo etọn eyin e wá biọ dọ yè ni nọ fide na ojlẹ susu.—Hwh 22:3; g17.5-F 4, 6

PỌ́N VIDEO LỌ BE HIẸ KO WLEAWUDAINA NUGBAJẸMẸJI LẸ YA? ENẸGODO NA GBLỌNDO NA KANBIỌ HE BỌDEGO LẸ:

• 

  Nawẹ mí gán wleawudai to gbigbọ-liho jẹnukọnna nugbajẹmẹji lẹ gbọn?

• 

  Naegbọn mí dona . . .

  • dike hodọdopọ dagbe ni nọ tin to míwlẹ po mẹho lẹ po ṣẹnṣẹn?

  • wleawuna saki he bẹ onú dandan tọn delẹ hẹn he mí gán ze nado yawu họ̀n?

  • lẹnnupọndo nugbajẹmẹji wunmẹ he gán jọ po nuhe mí na wà to ninọmẹ dopodopo mẹ po ji?

• 

  Aliho atọ̀n tẹlẹ mẹ wẹ mí gán gọalọna mẹdevo lẹ te to whenue yé pehẹ nugbajẹmẹji?

KANSE DEWE DỌ, ‘Etẹlẹ wẹ azọ̀n bẹplamẹ COVID-19 tọn plọn mi gando nujọnu-yinyin awuwiwledai tọn go?’