GBẸZAN KLISTIANI TỌN
Nọ Yinuwa hẹ Yọnnu Mẹhomẹ lẹ Di Onọ̀, Podọ Jọja Yọnnu lẹ Di Nọviyọnnu
Owe-wiwe lẹ biọ to mí si nado nọ yinuwa hẹ Klistiani mẹhomẹ lẹ di otọ́ po onọ̀ mítọn lẹ po, podọ hẹ jọja lẹ di nọvi mítọn lẹ. (Hia 1 Timoti 5:1, 2.) Na taun tọn, mẹmẹsunnu lẹ dona nọ hẹn ẹn diun dọ nuyiwa yetọn hẹ mẹmẹyọnnu lẹ do yẹyi po sisi po hia.
Mẹmẹsunnu de ma dona daihun gblewa tọn hẹ mẹmẹyọnnu de kavi wà nude he na zọ́n bọ mẹmẹyọnnu lọ ma na voawu to apá na ẹn. (Job 31:1) Eyin mẹmẹsunnu tlẹnnọ de ma jlo na biọ họntọn mẹ hẹ mẹmẹyọnnu tlẹnnọ de, e dona dapana nuyiwa he na zọ́n bọ mẹmẹyọnnu lọ na tindo numọtolanmẹ owanyi tọn na ẹn. Eyin e ma yinmọ, numọtolanmẹ mẹmẹyọnnu lọ tọn wẹ e yí do to aihunda.
Eyin mẹmẹyọnnu de yí sisi do kàn nude biọ kavi tlẹ dọ̀n ayiha wá whẹho titengbe de ji, homẹdagbe nọ whàn mẹho lẹ nado ylọ whẹho lọ dọ nujọnu. Onú mẹhe ma do asu nado basi hihọ́na yé lẹ tọn nọ duahunmẹna mẹho lẹ taun.—Lut 2:8, 9.
PỌ́N VIDEO LỌ NỌ DO OWANYI HE MA NỌ GBOAWUPO HIA TO AGUN MẸ—HLAN ASUṢIỌSI PO TỌṢIỌVI LẸ PO, ENẸGODO NA GBLỌNDO NA KANBIỌ HE BỌDEGO LẸ:
Nawẹ mẹmẹsunnu lẹ do owanyi ayidego tọn hia Mẹmẹyọnnu Myint gbọn?
Nawẹ owanyi he mẹmẹsunnu lẹ dohia yin kunnudide dagbe to gbétatò lọ mẹ gbọn?
Nawẹ owanyi he mẹmẹsunnu lẹ dohia whàn viyọnnu Mẹmẹyọnnu Myint tọn lẹ gbọn?
Aliho tẹlẹ mẹ wẹ a gán dohia te dọ onú mẹmẹyọnnu he to agun towe mẹ lẹ tọn nọ duahunmẹna we?