Nọ Hẹn Huhlọn Wuntuntun Tọn Towe Pọnte

Eyin mẹhe nọ daihun lanmẹyiya tọn de jlo na to azọ́nyọnẹntọ yin zọnmii, e dona to azọ́nplọn agbasakàn etọn lẹ. Mọdopolọ, mílọsu dona nọ to vivẹnudo zọnmii nado to huhlọn wuntuntun tọn mítọn hẹn pọnte. (Heb 5:14) Nugbo wẹ dọ mí gán nọ jlo na hodo nudide mẹdevo lẹ tọn, amọ́ mílọsu wẹ dona nọ zan nugopipe nulẹnpọn tọn mítọn nado nọ basi nudide mítọn titi lẹ. Etẹwutu? Nulọ wẹ yindọ dopodopo mítọn wẹ na dogbè nudide he mí basi lẹ tọn.—Lo 14:12.

Mí ma dona nọ lẹndọ mí na basi nudide dagbe lẹ na mí ko to nugbo lọ mẹ na owhe susu wutu. Eyin mí jlo na basi nudide nuyọnẹn tọn, nujọnu wẹ e yin dọ mí ni nọ dejido Jehovah, Ohó etọn po titobasinanu etọn po go mlẹnmlẹn.—Jọṣ 1:7, 8; Hwh 3:5, 6; Mt 24:45.

PỌ́N VIDEO LỌ “HẸN AYIHADAWHẸNAMẸNU DAGBE DE GO,” ENẸGODO NA GBLỌNDO NA KANBIỌ HE BỌDEGO LẸ:

• 

  Nudide tẹwẹ Emma pannukọn?

• 

  Na nue dù whẹho ayihadawhẹnamẹnu tọn lẹ, naegbọn e ma do yin nuyọnẹnnu dọ mí ni nọ zín linlẹn mítọn do mẹdevo lẹ ji?

• 

  Ayinamẹ dagbe tẹwẹ asu po asi po de na Emma?

• 

  Fie wẹ Emma mọ ayinamẹ dagbe gando ninọmẹ etọn go te?