Nuhahun lẹ Na Vọ̀ Gbèdopo

E bọawu dọ nuhahun mítọn lẹ ni nọ húagbọ́ mí titengbe eyin yé wá to dindẹn to aimẹ. Dile etlẹ yindọ Ahọlu Sauli to ogbé Davidi tọn yàn, Davidi yise dọ ninọmẹ lọ na wá doalọte gbèdopo bọ emi na lẹzun ahọlu sọgbe hẹ opagbe Jehovah tọn. (1Sa 16:13) Enẹ gọalọna ẹn nado fahomẹ bo nọtẹpọn Jehovah.

To whenue mí to whlepọn mẹ, mí gán yí zinzin, nuyọnẹn kavi nugopipe nulẹnpọn tọn mítọn zan do mọ pọngbọ. (1Sa 21:12-14; Hwh 1:4) Amọ́, eyin mí tlẹ wà nuhe go mí pé lẹpo sọgbe hẹ nunọwhinnusẹ́n Biblu tọn lẹ, nuhahun delẹ tin he mí ma na penugo gbede nado didẹ. Ninọmẹ enẹlẹ mẹ wẹ mí dona nọ fahomẹ bo nọtepọn Jehovah te. Zande din, e na doalọtena yajiji lẹpo bo na “súnsún dasin lẹpo sẹ̀” sọn nukun mítọn mẹ. (Osọ 21:4) Amọ́ todin whẹ́, vlavo mí mọ pọngbọ na nuhahun mítọn po alọgọ Jehovah tọn po, kavi na whẹwhinwhẹ́n devo lẹ wutu, nuhe họnwun wẹ yindọ: Nuhahun lẹ na vọ̀ gbèdopo. Ehe nọ miọnhomẹna mí jẹ obá de mẹ.

PỌ́N VIDEO LỌ AKỌTA DE HE TOPỌ TO AIHỌN HE KLAN DE MẸ,” ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹlẹ wẹ mẹmẹsunnu po mẹmẹyọnnu he to hùwaji États-Unis tọn delẹ po pehẹ?

• Nawẹ yé do homẹfa po owanyi po hia gbọn?

• Nawẹ yé ze ayiha do “nuhe yin nujọnu hugan lẹ” ji gbọn?—Flp 1:10