A Gán Yidogọna Ayajẹ to Whẹndo Towe Mẹ

Ojlo Jehovah tọn wẹ yindọ whẹndo lẹ ni do ayajẹ. (Slm 127:3-5; Yẹ 9:9; 11:9) Amọ́, nuhahun aihọn lọ tọn lẹ po nuṣiwa hagbẹ whẹndo tọn lẹ tọn po gán zọ́n bọ ayajẹ na depò to whẹndo mẹ. Etẹwẹ mẹdopodopo gán wà nado yidogọna ayajẹ to whẹndo mẹ?

Asu dona nọ wleyẹyina asi etọn. (1Pi 3:7) Ehe nọ biọ dọ ni nọ zan whenu dopọ hẹ ẹ. E sọ nọ nọ̀ jlẹkaji gando nuhe e nọ donukun sọn e si lẹ go bo nọ do pinpẹn-nutọn-yinyọnẹn hia na nuhe e nọ wà na ẹn lẹ, podọ na whẹndo lọ. (Kol 3:15) Humọ, e nọ dohia dọ emi yiwanna ẹn bosọ nọ pà ẹ.—Hwh 31:28, 31.

Asi dona nọ dín aliho he mẹ e gán nọgodona asu etọn te lẹ. (Hwh 31:12) E nọ yin mẹmẹglọ na ẹn bosọ nọ kọngbedopọ hẹ ẹ. (Kol 3:18) E nọ dọhona ẹn to aliho he jọmẹ de mẹ bosọ nọ dọho etọn dagbe to mẹdevo lẹ dè.—Hwh 31:26.

Mẹjitọ lẹ nọ yí whenu zan hẹ ovi yetọn lẹ. (De 6:6, 7) Yé nọ dọna ovi yetọn lẹ dọ emi yiwanna yé. (Mt 3:17) Yé nọ do owanyi po zinzin po hia to whenue yé jlo na domẹplọnlọ ovi yetọn lẹ go.—Efe 6:4.

Ovi lẹ nọ gbògbéna mẹjitọ yetọn lẹ bosọ nọ setonuna yé. (Hwh 23:22) Yé nọ dọ linlẹn po numọtolanmẹ yetọn lẹ po na mẹjitọ yetọn lẹ. Yé nọ kẹalọyi mẹplọnlọ he mẹjitọ yetọn lẹ do yé go bosọ nọ do sisi hia yé.—Hwh 19:20.

PỌ́N VIDEO LỌ WLEAWUNA AYAJẸ TO WHẸNDO TOWE MẸ, ENẸGODO NA GBLỌNDO NA KANBIỌ HE BỌDEGO:

• Etẹwẹ hagbẹ whẹndo lọ tọn lẹ dopodopo wà nado wleawuna ayajẹ to whẹndo mẹ?