Ale He Dẹ̀hiho Gán Hẹnwa Na We
Kansẹẹ-zọ̀n doyana Pamela bọ e yì dotowhé na yè nido penukundo azọ̀n etọn go. Amọ́, e sọ hodẹ̀ na Jiwheyẹwhe nido gọalọna ẹn. Be odẹ̀ he e hò diọ nude a?
Pamela dọmọ: “To whenue doto lẹ to nukunpedo go e na kansẹẹ-zọ̀n he jẹ n’te wutu, n’nọ dibu taun. Amọ́, eyin n’hodẹ̀ hlan Jehovah Jiwheyẹwhe, ayiha ṣie nọ jai bọ n’nọ vò. N’gbẹ́ to vivẹ́ sè taun, amọ́ dẹ̀ nọ gọalọna mi ma nado nọ to nuhà glanglan. Eyin mẹlẹ kanbiọ mi dọ ‘Na a te do?’ n’nọ dọna yé dọ, ‘N’ma to ganji sọmọ, amọ́ pẹdido wẹ!’”
Eyin azọ̀n ma tlẹ blá mí kavi adán ma gbò mí, mí gán nọ hodẹ̀. Amọ́, mímẹpo janwẹ adán de nọ gbò bọ mí nọ do hudo alọgọ tọn nado jugbọn ninọmẹ lọ mẹ. Be odẹ̀ gán gọalọ ya?
Biblu dọmọ: “Ze agbàn pinpẹn towe dlan Jehovah ji, ewọ nasọ penukundo gowe. Ewọ ma na dike dodonọ ni jai gbede.” (Salmu lẹ 55:22) Hogbe ehelẹ miọnhomẹnamẹ taun. Bọ nawẹ dẹ̀ gán gọalọna we gbọn? Eyin a nọ hodẹ̀ hlan Jiwheyẹwhe dile ewọ jlo do, ewọ na gọalọna we to nuhahun towe lẹ mẹ.—Pọ́n apotin lọ “Lehe Dẹ̀hiho Gán Gọalọna We Do.”