Nọ Yí Mẹpọ́nnu lọ Zan to Aliho Dagbe Mẹ

Devi Jakọbu yí Biblu jlẹdo mẹpọ́nnu de go, ehe nọ hẹn ẹn yọnbasi na mí nado yọ́n mẹhe mí yin to homẹ. (Jak. 1:22-25) Nawẹ mí gán yí Biblu zan to aliho dagbe mẹ taidi mẹpọ́nnu de gbọn?

Nọ yí sọwhiwhe do hia ẹ. Eyin mí nọ yìnnukunpọn míde to mẹpọ́nnu de mẹ poun, mí gán dovọ́na onú titengbe delẹ he jẹdò to awusọhia mítọn go. Nado mọ adà gbẹtọ-yinyin homẹ tọn mítọn he biọ ayidonugo lẹ, mí na wà dagbe nado zín nukun do Ohó Jiwheyẹwhe tọn mẹ gbọn sọwhiwhe yíyí do hia ẹ dali.

Nọ mọ dewe demẹ kakati ni yin mẹdevo lẹ. Mẹpọ́nnu he yin zizedo agosu de mẹ gán do mẹdevo po nuhe jẹdò to awusọhia etọn go lẹ po hia. Mọdopolọ, mí gán yí Biblu zan nado doayi awugbopo mẹdevo lẹ tọn go. Amọ́, ehe ma na gọalọna mí dandan nado basi vọjlado gando míde go.

Yin lẹnpọn dagbenọ. Eyin mí nọ na ayidonugo glanglan nuhe mẹpọ́nnu de dohia dọ e jẹdò to awusọhia mítọn go lẹ, mí gán gbọjọ. Mí dona yin lẹnpọn dagbenọ whenue mí to Ohó Jiwheyẹwhe tọn hia bo ma nọ donukun nususu sọn míde si hú nuhe Jehovah nọ donukun sọn mí si.—Jak. 3:17.