Jesu Na Hẹn Ohẹ́n Wá Opodo

To whenue Jesu to aigba ji, e do owanyi sisosiso hia gbẹtọ lẹ, titengbe hia wamọnọ lẹ po mẹhe to ayimajai mẹ lẹ po. (Matiu 9:36) E tlẹ yí ogbẹ̀ etọn do sanvọ́ na dagbe mẹdevo lẹ tọn wutu. (Matiu 20:28; Johanu 15:13) To madẹnmẹ, e nasọ do owanyi he e tindo na gbẹtọ lẹ hia gbọn aṣẹpipa po huhlọn etọn po yiyizan taidi Ahọlu Ahọluduta Jiwheyẹwhe tọn dali nado hẹn opodo wá na ohẹ́n lẹdo aihọn pé.

Biblu yí hogbe milomilo lẹ zan nado basi zẹẹmẹ nuhe Jesu na wà tọn dole:

• “Gbọ e ni nọ yiavùnlọna agbátọnọ he tin to gbẹtọ lẹ ṣẹnṣẹn, gbọ e ni nọ whlẹn visunnu wamọnọ tọn lẹ.”—Salmu lẹ 72:4.

Nawẹ mí gán dohia dọ mí yọ́n pinpẹn nuhe Jesu ko wà na mí lẹpo tọn gọna nuhe e na gbẹ́ wà na mí lẹ tọn gbọn? Aliho dopo wẹ nado plọnnu dogọ gando “wẹndagbe Ahọluduta Jiwheyẹwhe tọn” go, yèdọ owẹ̀n he Jesu lá. (Luku 4:43) Hia hosọ lọ “Etẹwẹ Ahọluduta Jiwheyẹwhe Tọn Yin?”