Nudọnamẹ Odò Tọn

a Sinsẹ̀n-nuplọnmẹ Donatus tọn yin hagbẹ klandovo “Klistiani” tọn de heyin owhe kanweko ẹnẹtọ po atọ́ntọ W.M. tọn po. Mẹhe tẹdego lẹ sọalọakọn dọ gbesisọ-yinyin sinsẹ̀n wiwe bibasi tọn sinai do walọyizan wiwe lizọnyizọnwatọ lọ tọn ji podọ dọ ṣọṣi lọ dona dè mẹhe huwhẹ̀ ylando sinsinyẹn tọn lẹ sọn hagbẹ-yinyin etọn mẹ. Sinsẹ̀n-nuplọnmẹ Arius tọn yin afọdide “Klistiani” owhe kanweko ẹnẹtọ tọn de he gbẹ́ dọ Jesu Klisti ma wá sọn olọn mẹ gba. Arius plọnmẹ dọ Jiwheyẹwhe mayin jìjì podọ ma tindo bẹjẹeji de gba. Visunnu lọ, na e yin jìjì wutu, ma sọgan yin Jiwheyẹwhe to linlẹn dopolọ he mẹ Otọ́ lọ yin te gba. Visunnu lọ mayin madopodo gba ṣigba yin didá bosọ tin gbọn ojlo Otọ́ lọ tọn dali.