Nudọnamẹ Odò Tọn

a Jẹnukọnna gufinfọn Bolchevique tọn to octobre 1917, sunzanhiawe hoho Julien tọn (calendrier julien) wẹ nọ yin yiyizan to Russie, ṣigba suhugan otò lẹ tọn ko diọ jẹ sunzanhiawe Grégorien tọn (calendrier Grégorien) ji. To 1917 sunzanhiawe Grégorien tọn yí azán 13 do jẹnukọnna Julien tọn. To gufinfọn lọ godo, gandutọ Union Soviétique tọn lẹ diọ jẹ sunzanhiawe Grégorien tọn ji, bo gbọnmọ dali hẹn Russie nado zan sunzanhiawe dopolọ hẹ otò he pò lẹ. Ṣigba, Ṣọṣi Orthodoxe tọn gbẹ́ nọ hodo sunzanhiawe Julien tọn na hùnwhẹ etọn lẹ, bo nọ ylọ ẹ dọ sunzanhiawe “Wunmẹ Hoho” lọ. Hiẹ sọgan sè dọ hùnwhẹ Noẹli tọn to yinyin bibasi to 7 janvier to Russie. Ṣigba, hẹn do ayiha mẹ dọ 7 janvier to sunzanhiawe Grégorien tọn mẹ wẹ yin 25 décembre to sunzanhiawe Julien tọn mẹ. Enẹwutu, Russie-nu susu nọ basi titona ojlẹ whedudu tọn yetọn to aliho ehe mẹ: 25 décembre, Noẹli Whèyihọ-waji tọn; 1^er janvier, Owhe Yọyọ mẹlẹpo tọn; 7 janvier, Noẹli sinsẹ̀n Orthodoxe tọn; 14 janvier, Owhe Yọyọ Wunmẹ Hoho tọn.