Nudọnamẹ Odò Tọn

a Hosọ owhe tọn he yin dide na 2019, na mí whẹwhinwhẹ́n atọ̀n he wutu ahun mítọn ma na gbàdo etlẹ yin to whenue nuylankan lẹ to jijọ to aihọn mẹ kavi do mílọsu go. Hosọ ehe na dọhodo whẹwhinwhẹ́n enẹlẹ ji, bo na gọalọna mí nado de magbọjẹ mítọn lẹ pò, bosọ wleawufo dogọ nado dejido Jehovah go. Nọ lẹnayihamẹpọn do hosọ owhe tọn lọ ji. Plọn ẹn do tamẹ eyin a penugo. E na na we huhlọn nado pehẹ avùnnukundiọsọmẹnu he to nukọn ja lẹ.