Nudọnamẹ Odò Tọn

a To whenue Jesu dọ dọ lẹngbọ emitọn lẹ na dotoaina ogbè emitọn, nuhe dọ e te wẹ yindọ devi emitọn lẹ na dotoaina nuplọnmẹ emitọn lẹ bosọ yí yé do yizan mẹ to gbẹzan yetọn mẹ. To hosọ ehe mẹ, mí na gbadopọnna nuplọnmẹ titengbe Jesu tọn awe delẹ, enẹ wẹ, nado doalọtena magbọjẹnọ-yinyin gando onú agbasa tọn lẹ go, podọ nado doalọtena whẹdida na mẹdevo lẹ. Mí nasọ dọhodo lehe mí gán yí ayinamẹ etọn lẹ do yizan mẹ do ji.