Nudọnamẹ Odò Tọn

b ZẸẸMẸ HOGBE LẸ TỌN: “Paladisi gbigbọmẹ tọn” nọ dlẹnalọdo ninọmẹ hihọ́ tọn de he mẹ mí nọ basi sinsẹ̀n hlan Jehovah to kọndopọ mẹ te. To ninọmẹ ehe mẹ, mí tindo núdùdù gbigbọmẹ tọn susugege he ma yin hinhẹnflu po lalo sinsẹ̀n tọn lẹ po, podọ mí tindo nuwiwa pekọhẹnwanamẹ tọn susu nado wà to azọ́n wẹndagbe Ahọluduta Jiwheyẹwhe tọn lilá tọn mẹ. Mí nọ duvivi haṣinṣan pẹkipẹki de tọn hẹ Jehovah, podọ mí nọ nọ̀ jijọho mẹ hẹ mẹmẹsunnu po mẹmẹyọnnu yiwanna mítọn lẹ po, yèdọ mẹhe nọ gọalọna mí nado doakọnna avùnnukundiọsọmẹnu gbẹ̀mẹ tọn lẹ po ayajẹ po. Mí nọ biọ paladisi gbigbọmẹ tọn lọ mẹ whenue mí jẹ Jehovah sẹ̀n ji to aliho dagbe lọ mẹ, podọ whenue mí wà nuhe go mí pé lẹpo nado hodo apajlẹ etọn.