Nudọnamẹ Odò Tọn

a Mí mẹhe to Jehovah sẹ̀n lẹpo wẹ nọ dovivẹnu nado hia Ohó etọn egbesọegbesọ. Mẹsusu devo lẹ nọ hia Biblu, amọ́ yé ma nọ mọnukunnujẹ nuhe hia yé te mẹ nugbonugbo. Nudopolọ wẹ jọ do mẹdelẹ go to azán Jesu tọn gbè. Dogbigbapọnna nuhe Jesu dọna mẹhe nọ hia Ohó Jiwheyẹwhe tọn lẹ na zọ́n bọ mí na mọ nuplọnmẹ delẹ he gán gọalọna mí nado nọ mọaleyi to gigọ́ mẹ sọn Biblu hihia mítọn mẹ.