OHÀN 7
Jehovah, Huhlọn Mítọn
1. Jehovah, hiẹ wẹ yin huhlọn mítọn,
Whlẹngántọ ṣie, hiẹ wẹ ’yajẹ mítọn.
Mí Kun’detọ lẹ to ’wẹ̀n t’we lá pé,
Vlavo mẹlẹ sè kavi nọma sè.
(HÀNGBÈPLI)
Jehovah, Osé, Hiẹ huhlọn mítọn,
Mí nọ lá ’yín t’we ’Zán po ’kle po.
Otọ́ Jehovah Ganhunupotọ,
Hiẹ wẹ bẹtẹn mítọn, Hihọ́ mítọn.
2. Mí t’ayajẹ to hinhọ́n towe mẹ;
Nukun mítọn hùn bọ mí mọ nugbo.
Mí mọ osẹ́n t’we to ’We-wiwe mẹ;
Gandudu t’we go wẹ mí dejido.
(HÀNGBÈPLI)
Jehovah, Osé, Hiẹ huhlọn mítọn,
Mí nọ lá ’yín t’we ’Zán po ’kle po.
Otọ́ Jehovah Ganhunupotọ,
Hiẹ wẹ bẹtẹn mítọn, Hihọ́ mítọn.
3. Jah, mí to ’jlo t’we wà po ’yajẹ po.
Lẹgba nọ vlẹ mí kò, ṣo mí deji.
E tlẹ gán hù mí, ganṣo mí vẹ̀ we:
Gọalọna mí nado nọte gligli.
(HÀNGBÈPLI)
Jehovah, Osé, Hiẹ huhlọn mítọn,
Mí nọ lá ’yín t’we ’Zán po ’kle po.
Otọ́ Jehovah Ganhunupotọ,
Hiẹ wẹ bẹtẹn mítọn, Hihọ́ mítọn.
(Sọ pọ́n 2 Sam. 22:3; Salm. 18:2; Isa. 43:12.)