3. Etẹwẹ Jehovah nọ donukun sọn họntọn etọn lẹ si?

Jehovah yiwanna mẹlẹpo, “ṣigba, nugbonọ lẹ wẹ nọ jihọntọn pẹkipẹki hẹ Ẹ.” (Howhinwhẹn lẹ 3:32) Jehovah nọ donukun dọ họntọn etọn lẹ ni dovivẹnu nado wà nuhe sọgbe bo nọla na nuhe ylan to nukun etọn mẹ lẹ. Mẹdelẹ sọgan nọ lẹndọ e na vẹawuna emi nado yìn osẹ́n Jehovah tọn lẹpo. Ṣigba, lẹblanunọ wẹ Jehovah. E nọ kẹalọyi mẹdepope he yiwanna Ẹn nugbonugbo bo nọ wà nuhe go e pé lẹpo nado hẹn homẹ Etọn hùn.—Salmu lẹ 147:11; Owalọ lẹ 10:34, 35.

Mẹlẹpo wẹ nọ jlo na tindo họntọn he nọ dọ nugbo lẹ. Jehovah lọsu nọ donukun dọ họntọn etọn lẹ ni nọ dọ nugbo ga. Amọ́ ehe ma nọ bọawu to aihọn he mẹ gbẹtọ lalonọ susu gọ́ ehe mẹ. Ale tẹlẹ wẹ nugbonọ-yinyin to nulẹpo mẹ nọ hẹnwa?

1. Whẹwhinwhẹ́n titengbe tẹ wutu wẹ nugbonọ-yinyin do yin nujọnu?

Whenue mí dọ nugbo na mẹdevo lẹ, mí nọ dohia Jehovah dọ mí yiwanna ẹn bosọ nọ sí ewọ. Lẹnnupọndo ehe ji: Jehovah yọ́n linlẹn po nuyiwa mítọn lẹpo po. (Heblu lẹ 4:13) Eyin mí de nado dọ nugbo, ewọ nọ doayi e go bọ e nọ vivi na ẹn. Ohó etọn dọmọ: “Jehovah gbẹwanna mẹhe nọ yinuwa po oklọ po, ṣigba, nugbonọ lẹ wẹ nọ jihọntọn pẹkipẹki hẹ Ẹ.”—Howhinwhẹn lẹ 3:32.

2. Aliho tẹlẹ mẹ wẹ mí gán nọ dohia dọ mí yin nugbonọ te to nuyiwa egbesọ tọn mítọn lẹ mẹ?

Jehovah jlo dọ mí ni ‘nọ dọ nugbo na ode awetọ mítọn.’ (Zekalia 8:16, 17) Etẹwẹ ehe zẹẹmẹdo? Vlavo mí to hodọna hẹnnumẹ, azọ́nwatọgbẹ́, mẹmẹsunnu po mẹmẹyọnnu mítọn lẹ po, kavi na ahọluzọnwatọ lẹ, mí ni ma nọ dolalo kavi na nudọnamẹ oklọ tọn lẹ blo. Mẹhe yin nugbonọ lẹ ma nọ jẹajo do mẹdevo lẹ kavi tafu yé. (Hia Howhinwhẹn lẹ 24:28 po Efesunu lẹ 4:28 po.) Podọ yé nọ sú takuẹ yetọn lẹpo. (Lomunu lẹ 13:5-7) To aliho ehelẹ po devo lẹ po mẹ, mí “nọ yinuwa po ahundopo po to nulẹpo mẹ.”—Heblu lẹ 13:18.

3. Ale tẹlẹ wẹ nugbodidọ nọ hẹnwa?

To whenue mẹlẹpo yọ́n mí di nugbodọtọ, yé nọ dejido mí go. Ehe nọ zọ́n bọ hagbẹ agun lọ tọn lẹ nọ voawu dogọ bo nọ mọdọ whẹndo de wẹ mí yin nugbo. Mí nọ tindo ayihadawhẹnamẹnu wiwe de. Nugbonọ-yinyin mítọn sọgan sọ “doaṣọ́na oplọn Mẹwhlẹngántọ mítọn, yèdọ Jiwheyẹwhe tọn,” bo whàn mẹdevo lẹ nado wá sinsẹ̀n-bibasi nugbo lọ mẹ.—Titu 2:10.

DINDONANU DOGỌ

4. Nugbonọ-yinyin towe nọ hẹn homẹhun Jehovah

Hia Salmu lẹ 44:21 gọna Malaki 3:16, enẹgodo dọhodo kanbiọ ehelẹ ji:

• Naegbọn e do yin nulunu nado yise dọ mí gán whlá nugbo lọ?

• Numọtolanmẹ tẹwẹ a lẹndọ Jehovah nọ tindo eyin mí de nado dọ nugbo, etlẹ yin to whenue mọwiwà vẹawu?

5. Nọ yinuwa po nugbonọ-yinyin po to whelẹponu

VIDEO: Etẹwẹ Nọ Yidogọna Ayajẹ?—Ayihadawhẹnamẹnu Wiwe De (2:32)

Hia Heblu lẹ 13:18, enẹgodo dọhodo lehe mí sọgan yin nugbonọ do ji . . .

• to whẹndo mítọn mẹ.

• to azọ́nmẹ kavi wehọmẹ.

• to ninọmẹ devo lẹ mẹ.

6. Nugbonọ-yinyin nọ hẹn ale wá na mí

Mí gán nọ lẹndọ nugbodidọ na dọ̀n mí do nuhahun delẹ mẹ. Amọ́ to nukọn mẹ, mí nọ wá mọdọ nuhe sọgbe hugan lọ niyẹn. Hia Salmu lẹ 34:12-16, enẹgodo dọhodo kanbiọ ehe ji:

• Nawẹ nugbodidọ nọ hẹn gbẹzan towe pọnte dogọ gbọn?

1. Alọwle de nọ lodo eyin asu po asi po lọ nọ dọ nugbo na ode awetọ

2. Azọ́nmẹyimẹdotọ lẹ nọ dejido azọ́nwatọ he nọ dọ nugbo lẹ go

3. Tòvi nugbonọ lẹ nọ tindo yinkọ dagbe to ahọluzọnwatọ lẹ dè

BLADOPỌ

Jehovah nọ jlo dọ họntọn etọn lẹ ni nọ yin nugbonọ to hodidọ po nuyiwa yetọn lẹpo po mẹ.

Dogbapọn

• Aliho tẹlẹ mẹ wẹ a sọgan dohia dọ a yin nugbonọ te?

• Naegbọn e do yin nulunu nado lẹndọ mí gán whlá nugbo lọ?

• Naegbọn e na jlo we nado nọ yin nugbonọ to whelẹponu?

PỌ́N NUDỌNAMẸ DEVO LẸ

Nawẹ mẹjitọ lẹ sọgan plọn ovi yetọn lẹ nado yin nugbonọ gbọn?

Nọ Dọ Nugbo (1:44)

Eyin a nọ dopà lẹ bosọ nọ de yé, ale tẹlẹ wẹ e nọ hẹnwa?

Nọ Depà Towe lẹ bo Mọ Dona Susu Yí (9:09)

Pọ́n eyin e biọ dọ mí ni sú takuẹ lẹ, eyin akuẹ lọ tlẹ nọ wá yin yiyizan to aliho agọ̀ mẹ.

“Be Mí Dona Sú Takuẹ Wẹ Ya?” (Alọnuwe Atọ̀họ̀-Nuhihọ́ lọ Tọn, 1^er septembre 2011 tọn)

Etẹwẹ whàn dawe he nọ hòmẹdu dai de nado diọ jijọ bo jẹ nugbo dọ ji?

“N’Plọn Dọ Jehovah Yin Lẹblanunọ bo Nọ Jonamẹ” (Alọnuwe Atọ̀họ̀-Nuhihọ́ lọ Tọn, 1^er mai 2015 tọn)

2. Naegbọn Jehovah nọ tindo ojlo to mẹhe a nọ jihọntọn hẹ lẹ mẹ?

Jehovah nọ yí sọwhiwhe do de họntọn etọn lẹ. “Nugbonọ lẹ wẹ nọ jihọntọn pẹkipẹki hẹ Ẹ.” (Howhinwhẹn lẹ 3:32) Nawẹ e na ṣí na Jehovah eyin mí de nado jihọntọn hẹ mẹhe ma yiwanna ẹn lẹ? Homẹ etọn ma na hùn depope! (Hia Jakọbu 4:4.) To alọ devo mẹ, homẹ Jehovah tọn na hùn do mí go bọ e nasọ kẹalọyi mí di họntọn etọn lẹ, eyin mí ma dogbẹ́ ylankan lẹ bo dọnsẹpọ ewọ po mẹhe yiwanna ẹn lẹ po.—Salmu lẹ 15:1-4.