2. Nawẹ mí sọgan nọ do kadaninọ mítọn hia gbọn?

Taidi Jesu, mí ma nọ doalọ to tonudidọ mẹ. Whenue gbẹtọ lẹ mọ dopo to azọ́njiawu he Jesu wà lẹ mẹ, bo tẹnpọn nado yí i do duahọlu to aigba ji, e gbẹ́ na yé. (Johanu 6:15) Etẹwutu e do wàmọ? E wá dọ to godo mẹ dọ: “Ahọluduta ṣie ma yin apadewhe aihọn ehe tọn.” (Johanu 18:36) Taidi devi Jesu tọn lẹ, mí nọ do kadaninọ mítọn hia to aliho voovo lẹ mẹ. Di apajlẹ, mí ma nọ funawhàn. (Hia Mika 4:3.) Mí nọ na sisi ohia otò tọn lẹ—taidi asia lẹ—amọ́ mí ma nọ sẹ̀n yé. (1 Johanu 5:21) Podọ mí ma nọ nọgodona tonudọtọ de kavi pipli tonudidọ tọn depope, mọ mí ma nọ diọnukunsọ yé. To aliho ehe po devo lẹ po mẹ, mí nọ dohia dọ mí yin nugbonọ na gandudu Jiwheyẹwhe tọn mlẹnmlẹn, yèdọ Ahọluduta etọn.

4. Linlẹn po nuyiwa towe lẹ po ni nọ dohia dọ a to kada

Hia 1 Johanu 5:21. Enẹgodo, hò VIDEO lọ bo dọhodo kanbiọ he bọdego lẹ ji.

VIDEO: Nuhewutu Klistiani Nugbo lẹ Do Hudo Adọgbigbo Tọn—Nado Nọ Kada (2:49)

• To video lọ mẹ, naegbọn Ayenge basi dide ma nado kọnawudopọ hẹ tonudọgbẹ́ de kavi nado tindo mahẹ to hùnwhẹ otò tọn lẹ mẹ, taidi nudidọ do asia?

• Be a lẹndọ nudide nuyọnẹn tọn wẹ e basi ya?

Ninọmẹ devo tẹlẹ wẹ sọgan whlé kadaninọ mítọn pọ́n? Hò VIDEO lọ, enẹgodo dọhodo kanbiọ he bọdego lẹ ji.

VIDEO: Nuplọnmẹ Delẹ sọn Atọ̀họ̀-Nuhihọ́ lọ Tọn Mẹ—Kadaninọ to Aihọn He Klan de Mẹ (5:16)

• Nawẹ mí sọgan hẹn kadaninọ mítọn go to aihundida lanmẹyiya tọn he nọ kọ̀n otò voovo lẹ dopọ lẹ whenu gbọn?

• Nawẹ mí sọgan gbọṣi kada gbọn etlẹ yin to whenue tonudọtọ lẹ basi nudide delẹ he gando mí go tlọlọ?

• Nawẹ nuhe linlinnamẹnu lẹ kavi hagbẹ mítọn lẹ nọ dọ lẹ sọgan whlé kadaninọ mítọn pọ́n gbọn?