Ohàn 116
Hinhọ́n lọ to Wunhọ́n Dogọ
1. Yẹwhegán lẹ jlo nado yọ́n Klisti lọ,
Todido nudida lẹpo tọn.
Gbigbọ Jah tọn dehia dọ Mẹssia na wá,
Bo hùn ali whlẹngán tọn na mí.
Ojlẹ lọ ko sọ, Mẹssia to gandu,
Tintin tofi etọn họnwun.
Dona nankọ die nado yọ́n nú helẹ;
He angẹli lẹ to dodinna!
(HÀNGBEPLI)
Omọ́ mítọn họ́n dogọ todin;
Mí to zọnlinzin hinhọ́n mẹ.
Pọ́n nuhe Jẹwhe to didehia;
Ewọ wẹ t’anadena mí.
2. Klunọ mítọn ko de afanumẹ de,
He gblamẹ E nọ na mí núdù.
Nugbo lọ ko họnwun le jlẹ to yìyì,
Bo whàn ayiha, ahun mítọn.
Omọ́ mítọn họ́n, afọ mítọn hẹnai,
Mí to zọnlinzin hinhọ́n mẹ.
Mí dopẹna Jah, Asisa nugbo tọn,
Mí na gbọṣi ali etọn ji.
(HÀNGBEPLI)
Omọ́ mítọn họ́n dogọ todin;
Mí to zọnlinzin hinhọ́n mẹ.
Pọ́n nuhe Jẹwhe to didehia;
Ewọ wẹ t’anadena mí.
(Sọ pọ́n Lom. 8:22; 1 Kọl. 2:10; 1 Pita 1:12.)