Odẹ̀ Pẹdido Tọn

1. Tọ́ lẹblanunọ, hiẹ jẹna pipà,

Ganhunupotọ, hiẹ mí dawhá ylọ.

Mí gbògbéna we, hiẹ he nọ sè ’dẹ̀,

Bo ze míde do alọ towe mẹ.

Mape mítọn nọ hẹn mí ṣinuwa;

Mí to jona ylando mítọn tọn biọ.

Ohùn Ovi towe tọn wẹ họ̀ mí.

Ojlo mítọn wẹ dọ hiẹ ni plọn mí.

2. Ayajẹnọ wẹ mẹhe hiẹ nọ ylọ

Wá hinhọ́n anademẹ t’we tọn nù.

Yí Hó t’we do plọn mí nado yọ́n we.

Tẹmpli towe mẹ wẹ mí jlo na nọ.

Le alọ huhlọnnọ t’we jiawu sọ,

E nọ na mí jide nado nọte.

Whlẹngántọ mítọn mí pà Họl’du t’we.

Mí dona lá ẹ, na e ma na gọ̀n.

3. Mẹtọnhopọn t’we ni hẹn yajẹ fla;

Sinsẹ̀n bibasi t’we ni gbayipe.

Dagbewà t’we mẹ, hiẹ hẹn Họl’du wá,

Nado de ’kú, wubla p’azọ̀n po sẹ̀.

Vi t’we na và mẹylankan lẹ sudo;

Donanọ lẹ na dawhá na yajẹ.

Gbọ mí ni jihàn awhàngba tọn dọ:

“Mì pà Jehovah, Họlu gigonọ!”