Apotin Kanbiọ Tọn

◼ Nawẹ mí dona plọnnu hẹ Biblu plọntọ he to nukọnyi de dẹnsọ?

E na yọ́n hugan nado to nuplọn hẹ Biblu plọntọ he to nukọnyi de kakajẹ whenue e dotana owe awe ehelẹ: Etẹwẹ Biblu Plọn Mí Taun? po Mì Gbọṣi Owanyi Jiwheyẹwhe Tọn Mẹ po. Mí dona wà ehe eyin nuplọntọ lọ tlẹ yí baptẹm whẹpo do dotana owe awe ehelẹ. To baptẹm etọn godo, mí sọgan gbẹ́ na linlin gànmẹ, gọyìpọn, po plọnmẹ Biblu lọ po tọn. Eyin wẹnlatọ de hodo mí bo tindo mahẹ to oplọn lọ mẹ, ewọ lọsu sọgan na linlin gànmẹ lọ tọn.—Pọ́n Lizọnyizọn Ahọluduta Tọn Mítọn mars 2009, weda 2.

Nujọnu wẹ e yin dọ afọ mẹyọyọ lẹ tọn ni hẹnai ganji to nugbo lọ mẹ whẹpo mí nado doalọtena nupinplọn hẹ yé. Yé dona “doadọ̀do” to Klisti mẹ bo yin “hinhẹn lodo to yise mẹ” nado sọgan nọavùnte sọta whlepọn he yé ma na nọma wá pehẹ lẹ. (Kọl. 2:6, 7; 2 Tim. 3:12; 1 Pita 5:8, 9) Humọ, yé dona tindo “oyọnẹn he pegan nugbo tọn” nado sọgan plọn mẹdevo lẹ ganji. (1 Tim. 2:4) Eyin mí fó owe awe hẹ nuplọntọ mítọn lẹ, afọ yetọn na hẹnai ganji to “aliho lọ he nọ planmẹ yì ogbẹ̀ mẹ” ji.—Mat. 7:14.

Whẹpo mẹho lẹ nado yigbe dọ mẹde ni yí baptẹm, yé dona hẹn ẹn diun dọ mẹlọ mọnukunnujẹ nuplọnmẹ dodonu Biblu tọn lẹ mẹ ganji bosọ to gbẹnọ sọgbe hẹ yé. Mẹho lẹ dona tin to aṣeji taun to whenue nuplọntọ he ma ko dotana owe nupinplọn tọn tintan de ze yinkọ dai na baptẹm. Eyin e họnwun dọ mẹde ma ko pegan na baptẹm, mẹho lẹ dona tẹnpọn bọ mẹlọ na mọ alọgọ he jẹ yí nado sọgan pegan na baptẹm to nukọn mẹ.—Pọ́n Mí Yin Tito-Basina Nado Wà Ojlo Jehovah Tọn, weda 217-218.

[Nudọnamẹ Tangan lẹ to weda 2]

Nujọnu wẹ e yin dọ afọ mẹyọyọ lẹ tọn ni hẹnai ganji to nugbo lọ m