Nuhewutu Mí Do Nọ Jaya

1. Nuhe nọ hẹn mí jaya lẹ sù,

Di adọkun he to susu.

Onú họakuẹ akọta lẹ tọn

T’awukọndopọ hẹ míwlẹ.

Asisa ayajẹ mítọn tọn

Tin to Hó Jehovah tọn mẹ.

Mí nọ plọnnu t’e mẹ egbesọ

Bo nọ yí nuhe mí plọn sè.

Kẹdẹdi zòkán he to jiji,

Mọ wẹ ayajẹ mítọn te.

Le mí tlẹ nọ pehẹ whlepọn lẹ,

Jah nọ hẹn mí doakọnna.

2. Mí jaya do pọ́n azọ́n ’tọn lẹ,

Olọn, ohù p’aigba po.

Mí nọ pọ́n nudida etọn lẹ,

Bo nọ pà alọnuzọ́n ’tọn.

Mí hùnhomẹ nado dekunnu,

Bo lá Họl’duta Jẹwhe tọn.

Jiji po dona etọn lẹ po

Wẹ mí to lilá lẹdo pé.

Le zán nọ kú bọ ’wùn nọ kẹ̀n do,

Mọ wẹ yajẹ mavọ ja do.

Aigba po ’lọn yọyọ lẹ po

Nasọ hẹn yajẹ mavọ wá.