Gọalọna Yé Nado “Lodo to Yise Mẹ”

Ayajẹnu wẹ e yin nado mọ lehe Jehovah to didona azọ́n jibẹwawhé tọn lọ do, na gbẹtọ 250 000 linlán wẹ nọ yí baptẹm to whemẹwhemẹ. (Deut. 28:2) To whenue wẹnlatọ de plọnnu hẹ nuplọntọ de bọ e yí baptẹm godo, wẹnlatọ lọ sọgan lẹndọ, todin emi sọgan doalọtena nupinplọn hẹ nuplọntọ enẹ bo na ayidonugo nuplọntọ devo lẹ. Nuplọntọ lọ lọsu sọgan lẹn nado jo oplọn lọ do nado sọgan yí whenu susu zan to lizọnyizọn lọ mẹ. Ṣigba, nujọnu taun wẹ e yin dọ nuplọntọ lẹ ni tindo dodonu dagbe de to yise mẹ. Yé dona “doadọ̀do” to Klisti mẹ bosọ dona “lodo to yise mẹ.” (Kọl. 2:6, 7; 2 Tim. 3:12) Enẹwutu, to whenue nuplọntọ de yí baptẹm godo, ewọ dona zindonukọn to oplọn Biblu tọn etọn mẹ kakajẹ whenue ewọ na dotana owe Biblu Plọn Mí po owe Owanyi po.—Pọ́n Lizọnyizọn Ahọluduta Tọn Mítọn avril 2011, weda 2.