“Po Nunina de po to Alọmẹ Hlan Jehovah”

Nawẹ mí gán “sẹwá nukọn po nunina de po to alọmẹ hlan Jehovah” to egbehe gbọn? (1Ot 29:5, 9, 14) Aliho delẹ die he mẹ mí gán basi nunina te nado nọgodona azọ́n Kunnudetọ Jehovah tọn lẹ tọn to agun mítọn mẹ podọ lẹdo aihọn pé.

NUNINA HE NỌ YIN BIBASI TO INTẸNẸT JI KAVI DO APOTIN NUNINA TỌN MẸ LẸ NỌ NỌGODONA:

• 

  AZỌ́N LẸDO AIHỌN PÉ TỌN

  alahọ lẹ po azọ́nwatẹn lẹdogbedevomẹ tọn he to olá lẹ po gbigbá gọna nukunpipedo yé go

  wehọmẹ yẹwhehọluduta tọn lẹ

  mẹhe to sinsẹ̀nzọn whenu-gigọ́ tọn vonọtaun mẹ lẹ

  alọgọ to nugbajẹmẹji lẹ whenu

  owe lẹ zínzín, awuwiwlena video lẹ gọna nudọnamẹ lẹ bibẹdo Intẹnẹt ji

• 

  AKUẸZINZAN AGUN TỌN LẸ

  akuẹzinzan agun tọn lẹ, ehe bẹ onú flinflin delẹ hihọ̀ po nukunpipedo Plitẹnhọ Ahọluduta tọn po go hẹn

  gbemima he agun lọ basi lẹ nado nọ do akuẹ delẹ hlan alahọ mẹ, na nuhe dù:

  • Plitẹnhọ Ahọluduta tọn po Plitẹnhọ Plidopọ tọn lẹ po gbigbá lẹdo aihọn pé

  • alọgọ na owù-nujijọ lẹ lẹdo aihọn pé

  • nuwiwa devo lẹ lẹdo aihọn pé

PLIDOPỌ DAHO PO LẸDO TỌN LẸ PO

Nunina he nọ yin bibasi gando plidopọ daho mítọn go lẹ nọ yin didohlan na azọ́n lẹdo aihọn pé tọn. To alọ devo mẹ, akuẹ he nọ yin zinzan na plidopọ daho, vonọtaun po akọjọpli tọn lẹ po nọ yin nukunpedego sọn nunina azọ́n lẹdo aihọn pé tọn mẹ.

Nunina he nọ yin bibasi do lẹdo de tamẹ lẹ nọ yin yiyizan nado haya kavi penukundo nọtẹn plidopọ tọn lẹ go gọna akuẹzinzan devo he gando lẹdo lọ go lẹ. Lẹdo de gán magbe nado do nunina de hlan nado nọgodona azọ́n lẹdo aihọn pé Kunnudetọ Jehovah tọn lẹ tọn.