Basi Dide Nado Sẹ̀n Jehovah

Eyin jọja he ma ko yí baptẹm kavi Biblu plọntọ de wẹ a yin, be a ko yí do dó yanwle nado yí baptẹm ya? Naegbọn ehe do yin nujọnu? Klandowiwe po baptẹm po nọ hẹn mí biọ haṣinṣan vonọtaun de mẹ hẹ Jehovah. (Slm 91:1) Yé sọ nọ hùnali whlẹngán tọn. (1Pi 3:21) Nawẹ a gán jẹ nubiọtomẹsi ehelẹ kọ̀n gbọn?

Nọ plọnnu nado kudeji dọ nugbo lọ die. Eyin kanbiọ de wá ayiha mẹ na we, nọ bayi dodinnanu. (Lo 12:2) Tẹnpọn bo yọ́n fie a dona bayi vọjlado te lẹ bo basi vọjlado lọ lẹ nado hẹn homẹ Jehovah tọn hùn. (Hwh 27:11; Efe 4:23, 24) Nọ hodẹ̀ bo nọ biọ alọgọ etọn to whepoponu. Deji dọ Jehovah na na we huhlọn bo na gọalọna we gbọn gbigbọ wiwe etọn gblamẹ. (1Pi 5:10, 11) Vivẹnudido towe lẹ ma na yin ovọ́. Nudide dagbe hugan he mẹde gán bayi to gbẹ̀mẹ wẹ nado sẹ̀n Jehovah!—Slm 16:11.

PỌ́N VIDEO LỌ ALI HE NỌ PLANMẸ JẸ BAPTẸM KỌ̀N, ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹlẹ ji wẹ mẹdelẹ dù te whẹpo do yí baptẹm?

• Nawẹ a gán wleawuna yise he klandowiwe hlan Jehovah nọ biọ gbọn?

• Etẹwẹ whàn mẹdelẹ nado pegan na baptẹm?

• Dona tẹlẹ wẹ mẹhe de nado sẹ̀n Jehovah lẹ nọ mọyi?

• Etẹwẹ klandowiwe po baptẹm po zẹẹmẹdo?