Lehe a gán mọaleyi to gigọ́ mẹ sọn nupinplọn sinai do Biblu ji ehelẹ mẹ do
Dike mẹplọntọ de ni gọalọna we: Biọ to mẹhe na we alọnuwe ehe si nado plọn Biblu hẹ we, kavi kanwehlan mí to nọtẹn Intẹnẹt tọn mítọn jw.org ji.
ADÀ BẸJẸEJI TỌN
Nọ hia hukan dopodopo, po kanbiọ (A) he yè yí wekun titli do kàn lẹ po, gọna wefọ (B) he zinnudo nuagokun tangan lẹ ji lẹ. Doayi e go dọ yè kàn hogbe lọ “hia” donukọnna wefọ delẹ.
ADÀ ṢẸNṢẸN MẸ TỌN
Hodidọ bẹjẹeji tọn (C) he nọ tin to adà lọ Dindonanu Dogọ glọ nọ basi zẹẹmẹ nuhe na yin dogbapọnna bọdego lẹ tọn. Hóvila lẹ (D) nọ do nuhe na yin hodọdeji taun hia. Nọ hia wefọ lẹ, nọ na gblọndo na kanbiọ lẹ, bo nọ pọ́n video lẹ (E).
Nọ dọhodo yẹdide lẹ po zẹẹmẹ yetọn lẹ po (F) ji, bosọ nọ dín gblọndo he a na na to adà lọ Mẹdelẹ Nọ Dọ Dọ glọ (G).
ADÀ GODO TỌN
Bladopọ po Dogbapọn po (H) wẹ nọ hẹn nupinplọn lọ wá vivọnu. Nọ kàn azán he gbè nupinplọn lọ wá vivọnu. Adà lọ Yanwle (I) nọ bẹ nuhe ji a dona wazọ́n do lẹ hẹn. Adà lọ Pọ́n Nudọnamẹ Devo lẹ (J) nọ bẹ nudọnamẹ dogọ delẹ hẹn, ehe a gán de nado hia kavi nado pọ́n.
Lehe a sọgan dín wefọ lẹ to Biblu mẹ do
Wefọ he yin sislẹ lẹ nọ bẹ owe Biblu tọn de (A), weta de (B), po wefọ dopo kavi susu (C) po hẹn. Di apajlẹ, Johanu 17:3 dlẹnalọdo owe Johanu tọn, weta 17, wefọ 3.