Alọdlẹndonu Nuplọnwe Opli Gbẹzan po Lizọnyizọn po Tọn — WESẸDOTẸN INTẸNẸT JI TỌN Watchtower Tọn

Alọdlẹndonu Nuplọnwe Opli Gbẹzan po Lizọnyizọn po Tọn

3-9 JUILLET

NUHỌAKUẸ LẸ SỌN OHÓ JIWHEYẸWHE TỌN MẸ | ẸZLA 4-6

“Mì Glọnalina Azọ́n He to Yìyì” Blo

w86-F 1/2 29, apotin huk. 2-3

Jehovah “to Hihọ́-Basina Mẹho” Ju lẹ Tọn Lẹ

To whenue Ju lẹ lẹkọ sọn kanlinmọgbenu to Babilọni godo, yé gbẹ́ dovọ́na tẹmpli lọ na owhe 16 plipli. Yẹwhegán Hagai po yẹwhegán Zekalia po na tuli akọta lọ bọ yé gọjẹ tẹmpli Jehovah tọn gbá ji. Amọ́, e ma dẹn bọ aṣẹpatọ Pẹlsianu lẹ jẹ homẹkẹndo yé ji. Yé kanse dọ: “Mẹnu wẹ nagbè mì nado gbá ohọ̀ ehe?”—Ẹzla 5:1-3.

E biọ zinzin nado na gblọndo. Eyin mẹho lọ lẹ joawuna nukunvandomẹ lọ, tlolo wẹ akọta lọ na do azọ́n te. To ojlẹ dopolọ mẹ, eyin mẹho lọ lẹ diọnukunsọ aṣẹpatọ lọ lẹ, yé gán degbe dọ Ju lẹ ni do azọ́n lọ dote to afọdopolọji. Enẹwutu, mẹho lọ lẹ yí zinzin do gblọnho to aliho he sọgbe mẹ, podọ ayihaawe ma tin dọ yé wàmọ to anademẹ Ayimatẹn-gán Zelubabẹli po Yẹwhenọ Daho Jọṣua po tọn glọ. Yé flinnu aṣẹpatọ lọ lẹ dọ Ahọlu Kilusi ko de gbedide de tọ́n hoho dai he na Ju lẹ jlọjẹ nado wazọ́n lọ. Na aṣẹpatọ ehelẹ yọnẹn hezeheze dọ gandudu Pẹlsia tọn ma nọ de osẹ́n de tọ́n bosọ nọ wá zẹhudeji to nukọn mẹ wutu, yé yawu johodo bo ma diọnukunsọ gbedide ahọlu tọn. Gbọnmọ dali, azọ́n lọ zindonukọn bọ Ahọlu Daliusi sọ wá nagbè dọ yé ni vọ́ tẹmpli lọ gbá.—Ẹzla 5:11-17; 6:6-12.

10-16 JUILLET

NUHỌAKUẸ LẸ SỌN OHÓ JIWHEYẸWHE TỌN MẸ | ẸZLA 7-8

“Walọyizan Ẹzla Tọn Pagigona Jehovah”

si-F 76 huk. 5

Owe Biblu Tọn Sọha 13—1 Otànnugbo Lẹ

⁵ Ẹzla to otẹn dagbe mẹ nado basi kandai whenuho he sọgbe bọ yè gán dejidego ehe tọn. “Ẹzla ko wleawuna ahun etọn nado nọ gbadopọnna Osẹ́n Jehovah tọn, nado nọ yí i do yizan mẹ podọ nado nọ plọnmẹ aṣẹdai po whẹdida etọn lẹ po to Islaeli.” (Ẹzla 7:10) Jehovah yí gbigbọ wiwe etọn do gọalọna ẹn. Na Ahọlu Pẹlsia tọn wẹ paṣẹ do ogbẹ̀ lọ ji bo doayi e go dọ nuyọnẹn Jiwheyẹwhe tọn nọ deanana Ẹzla wutu, e na ẹn aṣẹ do agbegbe fidugando Juda tọn lẹ ji, yèdọ aṣẹpipa de he gbloada taun. (Ẹzla 7:12-26) Na Jiwheyẹwhe po ahọluigbagán lọ po to godona Ẹzla wutu, e gán yí owe dagbe hugan he tin-to-aimẹ lẹ do wleawuna kandai etọn.

it-1-F 1155 huk. 10

Whiwhẹ

Nọ Gọalọ Nado Mọ Anademẹ He Sọgbe. Mẹhe nọ whiwhẹ yede to Jiwheyẹwhe nukọn lẹ wẹ e nọ deanana. Ẹzla wẹ do azọngban pinpẹn lọ nado deanana sunnu 1500 linlán sọn Babilọni wá Jelusalẹm, gọna yẹwhenọ lẹ, Netinimi lẹ, yọnnu lẹ po yọpọ lẹ po. Humọ, yé hẹn sika po fataka susugege po nado doasọ́na tẹmpli lọ to Jelusalẹm. Yé do hudo mẹhe na basi hihọ́na yé to gbejizọnlin lọ whenu tọn. Etomọṣo, Ẹzla ma jlo na biọ awhànfuntọ lẹ ahọlu Pẹlsia tọn, na enẹ na dohia dọ e dejido huhlọn gbẹtọvi tọn go. E ko dọna ahọlu dai dọmọ: “Alọ dagbe Jiwheyẹwhe mítọn tọn tin to mẹhe to dindin in lẹpo ji.” Enẹwutu, e lá nùbibla de, na akọta lọ nido whiwhẹ ede to Jehovah nukọn. Yé vẹ̀ Jiwheyẹwhe bọ e sè yetọn bo basi hihọ́na yé sọn alọ kẹntọ he tọ̀pọwuna yé to aliji lẹ tọn mẹ bọ yé jẹ owhé awuyẹyẹ-afọyẹyẹ. (Ẹzla 8:1-14, 21-32) To whenue yẹwhegán Daniẹli to kanlinmọgbenu to Babilọni, e whiwhẹ ede to Jiwheyẹwhe nukọn bo biọ anademẹ po nukunnumọjẹnumẹ po. Homẹ Jiwheyẹwhe tọn hùn do e go taun bọ e na ẹn numimọ de gbọn angẹli de gblamẹ.—Daniẹli 10:12.

21-27 AOÛT

NUHỌAKUẸ LẸ SỌN OHÓ JIWHEYẸWHE TỌN MẸ | NẸHEMIA 10-11

“Yé Bayi Avọ́sinsan lẹ Nado Setonuna Jehovah”

w86-F 15/2 26 huk. 13

Sinsẹ̀n-Bibasi Nugbo Tọ́nta

E ma na ko bọawuna mẹlẹ nado jo ogú yetọn lẹ do bo yì Jelusalẹm, na ehe na ko biọ akuẹzinzan delẹ bosọ hẹn nuhahun delẹ wá. Humọ, mẹhe to Jelusalẹm lẹ lọsu gán to owù mẹ. Enẹwutu, mẹdelẹ mọdọ mẹhe yigbe nado yì Jelusalẹm lẹ jẹna pipà, podọ yé na ko hodẹ̀, na Jehovah nido dona omẹ enẹlẹ.

28 AOÛT–3 SEPTEMBRE

NUHỌAKUẸ LẸ SỌN OHÓ JIWHEYẸWHE TỌN MẸ | NẸHEMIA 12-13

“Nọ Yin Nugbonọ Na Jehovah Whenue A to Họntọn lẹ De”

it-1-F 100 huk. 8

Amọninu Lẹ

To whenue Tobia yin yinyan sọn tẹmpli mẹ godo, osẹ́n Jiwheyẹwhe tọn he to Deutelonomi 23:3-6 mẹ bo gbẹ́ dọ Amọninu lẹ po Moabinu lẹ po ma dona biọ agun Islaeli tọn mẹ yin hihia bọ yè sọ hodo nuhe Osẹ́n lọ dọ. (Nẹ 13:1-3) Jiwheyẹwhe ko na anademẹ ehe nudi owhe 1000 jẹnukọn, na Amọninu lẹ po Moabinu lẹ po gbẹ́ nado gọalọna Islaelivi lẹ to whenue yé sẹpọ Aigba Pagbe tọn wutu. Mẹlẹ lẹndọ anademẹ ehe to didohia dọ akọta enẹlẹ ma gán lẹzun apadewhe agun Islaeli tọn bo duvivi jlọjẹ po ale he enẹ bẹhẹn lẹpo po tọn. Osẹ́n lọ ma zẹẹmẹdo dandan dọ mẹhe yin Amọninu po Moabinu po ma gán kọnawudopọ hẹ Islaelivi lẹ kavi wá nọ ṣẹnṣẹn yetọn bo duvivi dona he Jiwheyẹwhe nọ kọ̀n do akọta etọn ji lẹ tọn. Ehe họnwun to whẹho Zelẹki he go mí donù wayi tọn mẹ, yèdọ dopo to awhànfuntọ-gán Davidi tọn lẹ mẹ, podọ kandai he gando Luti Moabinu lọ go sọ do ehe hia ga.—Lut 1:4, 16-18.

Onú Sisosiso Gbigbọmẹ Tọn Lẹ

it-2-F 359 huk. 8

Ohàn

Ayidonugo vonọtaun nọ yin nina hànjiji to tẹmpli mẹ. Kunnudenu he do ehe hia wẹ yindọ whlasusu wẹ Owe-wiwe lẹ nọ dlẹnalọdo hànjitọ lẹ bosọ dohia dọ “azọngban devo” he Levinu lẹ nọ saba hẹndi to paa mẹ lẹ “ma nọ yin didena” yé, na yé nido ze ayiha lẹpo do azọ́ndenamẹ yetọn ji. (1Ot 9:33) Pipli vonọtaun Levinu lẹ tọn he yin didoai de wẹ yé yin, na yé yin sislẹ dovo to todohukanji mẹhe lẹkọ sọn Babilọni lẹ tọn mẹ. (Ẹzl 2:40, 41) Ahọlu Altakẹlikesi Pẹlsia tọn (Longue-Main) tlẹ de gbedide de tọ́n do ota yetọn mẹ bọ yewlẹ po pipli vonọtaun devo lẹ po ma nọ sú ‘tòkuẹ, takuẹ po aliji-kuẹ po.’ (Ẹzl 7:24) To nukọn mẹ, ahọlu lọ degbe dọ “awuwledainanu tangan de [ni] nọ yin nina hànjitọ lẹ sọgbe hẹ nuhudo yetọn egbesọegbesọ tọn.” Mẹlẹ lẹndọ Altakẹlikesi wẹ de gbedide ehe tọ́n, amọ́ e yọnbasi taun dọ gbedide Ẹzla tọn wẹ, na aṣẹ he Altakẹlikesi na ẹn wutu. (Nẹ 11:23; Ẹzl 7:18-26) E họnwun dọ Levinu wẹ hànjitọ lẹpo yin bọ Biblu nọ dlẹnalọdo yé taidi pipli vonọtaun de. Abajọ e do zan hodidọ lọ “hànjitọ lẹ po Levinu lẹ po.”—Nẹ 7:1; 13:10.