Azọ́njiawu Jiwheyẹwhe Tọn Lẹ

1. Jẹwhe, hiẹ yọ́n ali ṣie lẹpo,

Aimimlọn po teṣiṣi ṣie po.

Hiẹ dindona linlẹn ’hò ṣie mẹ tọn lẹ,

Ohó ṣie lẹ, zọnlin ṣie,

a sọ yọ́n yé ga.

Hiẹ mọ le yè dá mi to nuglọ,

Ohú ṣie lẹ ma yin whiwhla do we.

’Wutugonu ṣie lẹ tin to ’we t’we mẹ.

Le huhlọn t’we p’ali t’we lẹ

po jiawu sọ!

Jiwheyẹwhe, oyọnẹn t’we jiawu tlala;

Alindọn ṣie sọ yọ́n ehe ganji.

Yin n’tlẹ dibu dọ zinvlu na ṣinyọ́n mi,

Gbigbọ towe na mọ mi to finẹ.

Fie wẹ yẹn gán whlá do, Jehovah,

Kavi họnbẹ do bọ hiẹ ma na mọ?

E ma gán yin ’lọn mẹ kavi Yọdò mẹ,

Zinvlu mẹ, kavi ohù mẹ;

fide ma tin.