Be E Sọgbe hẹ Biblu Nado Basi Gbẹdai Ya?

Gblọndo Biblu tọn

Biblu kẹalọyi gbẹdai. Amọ́, Jesu donù whẹwhinwhẹ́n dopo gee he wutu yè sọgan sánkanna haṣinṣan alọwle tọn go, to whenue e dọmọ: “Mẹdepope he gbẹ́ asi etọn dai bọ e ma yin na whẹwhinwhẹ́n fẹnnuwiwa zanhẹmẹ tọn [zanhẹmẹ to gbonu alọwle tọn] wutu, bo wlealọ hẹ devo, e deayọ.”​—Matiu 19:9.

Jiwheyẹwhe gbẹwanna gbẹdai he sinai do whẹjijọ oklọ tọn lẹ ji. Mẹhe kàn ayiha oklọ tọn nado jo alọwlemẹ yetọn do lẹpo wẹ na dogbè na ẹn, titengbe eyin yé wàmọ po linlẹn lọ po nado dà mẹdevo.​—Malaki 2:13-16; Malku 10:9.