Kanbiọ Oplọn Tọn lẹ Na Owe Ṣie He Bẹ Otàn Biblu Tọn lẹ Hẹn

Otàn 1

Jiwheyẹwhe Jẹ Nulẹ Basi Ji

1. Mẹnu dè wẹ onú dagbe lẹpo wá sọn, podọ be a sọgan na apajlẹ de ya?

2. Etẹwẹ Jiwheyẹwhe dá jẹnukọn?

3. Naegbọn angẹli tintan lọ do gbọnvo?

4. Basi zẹẹmẹ lehe aigba te do to bẹjẹeji tọn. (Pọ́n yẹdide.)

5. Nawẹ Jiwheyẹwhe jẹ awuwlena aigba ji na kanlin lẹ po gbẹtọ lẹ po gbọn?

Kanbiọ devo lẹ:

1. Hia Jelemia 10:12.

   Jẹhẹnu Jiwheyẹwhe tọn tẹlẹ wẹ sọawuhia to nudida etọn lẹ mẹ? (Isa. 40:26; Lom. 11:33)

2. Hia Kọlọsinu lẹ 1:15-17.

   Adà tẹwẹ Jesu yiwà to azọ́n nudida tọn lẹ mẹ, podọ nawẹ ehe dona yinuwado lehe mí nọ pọ́n ẹn hlan do ji gbọn? (Kọl. 1:15-17)

3. Hia Gẹnẹsisi 1:1-10.

   1. Nawẹ aigba bẹjẹeji gbọn? (Gẹn. 1:1)

   2. Etẹwẹ jọ to azán nudida tọn tintan gbè? (Gẹn. 1:3-5)

   3. Basi zẹẹmẹ nuhe jọ to azán nudida tọn awetọ gbè tọn. (Gẹn. 1:7, 8)

Otàn 2

Jipa Whanpẹnọ

1. Nawẹ Jiwheyẹwhe wleawuna aigba nado lẹzun fininọ mítọn gbọn?

2. Basi zẹẹmẹ kanlin wunmẹ voovo he Jiwheyẹwhe dá lẹ tọn. (Pọ́n yẹdide.)

3. Naegbọn jipa Edẹni tọn do gbọnvo taun na fie pò lẹpo?

4. Etẹwẹ Jiwheyẹwhe jlo dọ aigba lọ blebu ni lẹzun?

Kanbiọ devo lẹ:

1. Hia Gẹnẹsisi 1:11-25.

   1. Etẹwẹ Jiwheyẹwhe dá to azán nudida tọn atọ̀ntọ gbè? (Gẹn. 1:12)

   2. Etẹwẹ jọ to azán nudida tọn ẹnẹtọ gbè? (Gẹn. 1:16)

   3. Kanlin wunmẹ tẹlẹ wẹ Jiwheyẹwhe dá to azán atọ́ntọ po ṣidopotọ po gbè? (Gẹn. 1:20, 21, 25)

2. Hia Gẹnẹsisi 2:8, 9.

   Atin vonọtaun awe tẹlẹ wẹ Jiwheyẹwhe zedo jipa lọ mẹ, podọ etẹwẹ yé nọtena?

Otàn 3

Sunnu Tintan po Yọnnu Tintan Po

1. Vogbingbọn tẹwẹ tin to yẹdide otàn 3tọ po 2tọ po tọn ṣẹnṣẹn?

2. Mẹnu wẹ dá sunnu tintan lọ, podọ nawẹ sunnu lọ nọ yin?

3. Azọ́n tẹwẹ Jiwheyẹwhe dena Adam nado wà?

4. Naegbọn Jiwheyẹwhe do hẹn Adam nado damlọn yìkànmẹ?

5. Nawẹ Adam po Evi po sọgan ko nọgbẹ̀ dẹnsọ, podọ azọ́n tẹwẹ Jehovah jlo dọ yé ni wà?

Kanbiọ devo lẹ:

1. Hia Psalm 83:18.

   Nawẹ Jiwheyẹwhe nọ yin, podọ aṣẹpipa vonọtaun tẹwẹ e tindo do aigba ji? (Jel. 16:21; Dan. 4:17)

2. Hia Gẹnẹsisi 1:26-31.

   1. Nudida tẹwẹ Jiwheyẹwhe yí do dotana azán nudida tọn ṣidopotọ, podọ etẹwẹ nudida ehe yí do gbọnvo na kanlin lẹ? (Gẹn. 1:26)

   2. Núdùdù tẹwẹ Jehovah wleawu etọn na gbẹtọ po kanlin lẹ po? (Gẹn. 1:30)

3. Hia Gẹnẹsisi 2:7-25.

   1. Etẹwẹ azọ́n he yin didena Adam nado na yinkọ kanlin lẹ bẹhẹn? (Gẹn. 2:19)

   2. Nawẹ Gẹnẹsisi 2:24 gọalọna mí gbọn nado mọnukunnujẹ pọndohlan Jehovah tọn mẹ gando alọwle, kinklan, po gbẹdai po go? (Mat. 19:4-6, 9)

Otàn 4

Nuhewutu Yé Do Yin Yinyan sọn Jipa lọ Mẹ

1. To yẹdide lọ mẹ, etẹwẹ jọ do Adam po Evi po go?

2. Naegbọn Jehovah do domẹplọnlọ yé go?

3. Etẹwẹ odàn de dọna Evi?

4. Mẹnu wẹ dọhona Evi gbọn odàn lọ gblamẹ?

5. Naegbọn Adam po Evi po do yin yinyan sọn jipa whanpẹnọ yetọn mẹ?

Kanbiọ devo lẹ:

1. Hia Gẹnẹsisi 2:16, 17 po 3:1-13, 24 po.

   1. Nawẹ kanbiọ he odàn lọ kanse Evi do Jehovah hia to aliho agọ̀ mẹ gbọn? (Gẹn. 3:1-5; 1 Joh. 5:3)

   2. Avase tẹwẹ mí mọyi sọn nuṣiwa Evi tọn mẹ? (Flp. 4:8; Jak. 1:14, 15; 1 Joh. 2:16)

   3. Nawẹ Adam po Evi po gboawupo nado kẹalọyi nuṣiwa yetọn gbọn? (Gẹn. 3:12, 13)

   4. Nawẹ kelubimi he yin dide do whèzẹtẹn jipa Edẹni tọn lẹ nọgodona nupojipetọ-yinyin Jehovah tọn gbọn? (Gẹn. 3:24)

2. Hia Osọhia 12:9.

   Obá tẹ mẹ wẹ Satani ko tindo kọdetọn dagbe jẹ to vivẹnudido etọn mẹ nado hẹn gbẹtọvi lẹ jẹagọdo gandudu Jiwheyẹwhe tọn? (1 Joh. 5:19)

Otàn 5

Yajiji Bẹ

1. Gbẹzan tẹwẹ Adam po Evi po zan to gbonu jipa Edẹni tọn?

2. Etẹwẹ jọ do Adam po Evi po go, podọ etẹwutu?

3. Naegbọn ovi Adam po Evi po tọn lẹpo dona poyọnho bo kú?

4. Eyin Adam po Evi po ko setonuna Jehovah wẹ, nawẹ gbẹzan yetọn po ovi yetọn lẹ po tọn na ko te?

5. Nawẹ tolivivẹ Evi tọn hẹn awufiẹsa wá na ẹn gbọn?

6. Nawẹ visunnu Adam po Evi po tọn tintan po awetọ po nọ yin?

7. Ovi devo tẹlẹ wẹ tin to yẹdide lọ mẹ?

Kanbiọ devo lẹ:

1. Hia Gẹnẹsisi 3:16-23 po 4:1, 2 po.

   1. Nawẹ odẹ̀ he yin hihodo aigba yinuwado gbẹzan Adam tọn ji gbọn? (Gẹn. 3:17-19; Lom. 8:20, 22)

   2. Naegbọn e do sọgbe dọ yọnnu lọ ni yin yiylọdọ Evi, he zẹẹmẹdo “Mẹhe to Ogbẹ̀”? (Gẹn. 3:20)

   3. Nawẹ Jehovah do mẹtọnhopọn hia Adam po Evi po to whenuena yé tlẹ ko waylando godo gbọn? (Gẹn. 3:7, 21)

2. Hia Osọhia 21:3, 4.

   “Onú tintan” tẹlẹ wẹ hiẹ to nukundo dọ yé na yin didesẹ?

Otàn 6

Visunnu Dagbe po Visunnu Ylankan de Po

1. Azọ́n tẹlẹ wẹ Kaini po Abẹli po nọ wà?

2. Nunina tẹlẹ wẹ Kaini po Abẹli po hẹnwana Jehovah?

3. Naegbọn Jehovah kẹalọyi nunina Abẹli tọn, podọ naegbọn e ma kẹalọyi Kaini tọn?

4. Gbẹtọ nankọ wẹ Kaini yin, podọ nawẹ Jehovah tẹnpọn nado jla pọndohlan etọn do gbọn?

5. Etẹwẹ Kaini wà to whenuena ewọ po nọvi etọn po yì glemẹ bọ mẹde ma to finẹ?

6. Etẹwẹ jọ do Kaini go to whenuena e ko hù nọvi etọn godo?

Kanbiọ devo lẹ:

1. Hia Gẹnẹsisi 4:2-26.

   1. Nawẹ Jehovah basi zẹẹmẹ owù he mẹ Kaini tin te tọn gbọn? (Gẹn. 4:7)

   2. Nawẹ Kaini do nuhe tin to ahun etọn mẹ hia gbọn? (Gẹn. 4:9)

   3. Etẹwẹ yin pọndohlan Jehovah tọn gando ohùn homẹvọnọ tọn kinkọndai go? (Gẹn. 4:10; Isa. 26:21)

2. Hia 1 Johanu 3:11, 12.

   1. Naegbọn Kaini do gblehomẹ tlala, podọ nawẹ ehe yin avase de na mí to egbehe gbọn? (Gẹn. 4:4, 5; Howh. 14:30; 28:22)

   2. Nawẹ Biblu dohia gbọn dọ eyin hagbẹ whẹndo mítọn tọn lẹpo tlẹ diọnukunsọ Jehovah, mí gbẹ́ sọgan hẹn tenọgli mítọn go? (Ps. 27:10; Mat. 10:21, 22)

3. Hia Johanu 11:25.

   Jidide tẹwẹ Jehovah na mí gando mẹhe kú na dodo tọn wutu lẹpo go? (Joh. 5:24)

Otàn 7

Dawe Adọgbotọ De

1. Aliho tẹ mẹ wẹ Enọku gbọnvo te?

2. Naegbọn mẹhe nọgbẹ̀ to ojlẹ Enọku tọn mẹ lẹ do wà nuylankan susu sọmọ?

3. Nuylankan tẹlẹ wẹ gbẹtọ lẹ to wiwà? (Pọ́n yẹdide.)

4. Naegbọn Enọku do tindo nuhudo adọgbigbo tọn?

5. Nawẹ gbẹtọ lẹ nọ nọgbẹ̀ dẹnsọ to whenẹnu, ṣigba nawẹ Enọku nọgbẹ̀ dẹnsọ?

6. Etẹwẹ jọ to okú Enọku tọn godo?

Kanbiọ devo lẹ:

1. Hia Gẹnẹsisi 5:21-24, 27.

   1. Haṣinṣan tẹwẹ Enọku tindo hẹ Jehovah? (Gẹn. 5:24)

   2. Sọgbe hẹ Biblu, mẹnu wẹ nọgbẹ̀ dẹn hugan to aigba ji, podọ owhe nẹmu wẹ e tindo whẹpo do kú? (Gẹn. 5:27)

2. Hia Gẹnẹsisi 6:5.

   Obá tẹ mẹ wẹ ninọmẹ lẹ ylan jẹ to aigba ji to okú Enọku tọn godo, podọ nawẹ ehe sọgbe hẹ nuhe to jijọ to azán mítọn gbè gbọn? (2 Tim. 3:13)

3. Hia Heblu lẹ 11:5.

   Jẹhẹnu Enọku tọn tẹwẹ “hẹn homẹ Jiwheyẹwhe tọn hùn,” podọ etẹ mẹ wẹ ehe dekọtọn do? (Gẹn. 5:22)

4. Hia Juda 14, 15.

   Nawẹ Klistiani egbehe tọn lẹ sọgan hodo apajlẹ adọgbigbo Enọku tọn gbọn to whenuena yé to avase na gbẹtọ lẹ gando awhàn Amagẹdọni tọn he ja go? (2 Tim. 4:2; Heb. 13:6)

Otàn 8

Asuka lẹ to Aigba Ji

1. Etẹwẹ jọ to whenuena angẹli Jiwheyẹwhe tọn delẹ dotoaina Satani?

2. Naegbọn angẹli delẹ doalọtena azọ́n yetọn to olọn mẹ bo jẹte wá aigba ji?

3. Naegbọn e ma sọgbe dọ angẹli lọ lẹ ni wá aigba ji bo ze agbasa gbẹtọ tọn do?

4. Etẹwẹ ovi angẹli lọ lẹ tọn lẹ yí do gbọnvo na mẹdevo lẹ?

5. Dile yẹdide lọ dohia do, etẹwẹ ovi angẹli lọ lẹ tọn lẹ wà to whenuena yé lẹzun asuka?

6. Dawe jijọ dagbenọ tẹwẹ nọ aigba ji to Enọku godo, podọ naegbọn Jiwheyẹwhe yiwanna ẹn?

Kanbiọ devo lẹ:

1. Hia Gẹnẹsisi 6:1-8.

   Etẹwẹ Gẹnẹsisi 6:6 dohia gando lehe walọ mítọn sọgan yinuwado numọtolanmẹ Jehovah tọn lẹ ji do go? (Ps. 78:40, 41; Howh. 27:11)

2. Hia Juda 6.

   Nawẹ nuyiwa angẹli he “ma gbọṣi otẹn dowhenu tọn yetọn mẹ” to azán Noa tọn gbè lẹ tọn yin nuflinmẹ de na mí to egbehe gbọn? (1 Kọl. 3:5-9; 2 Pita 2:4, 9, 10)

Otàn 9

Noa Basi Aki De

1. Omẹ nẹmu wẹ tin to whẹndo Noa tọn mẹ, podọ nawẹ visunnu etọn atọ̀n lẹ nọ yin?

2. Nuhe mẹde ma ko wà pọ́n tẹwẹ Jiwheyẹwhe biọ to Noa si nado wà, podọ etẹwutu?

3. Nawẹ kọmẹnu Noa tọn lẹ yinuwa gbọn to whenuena e dọhona yé gando aki lọ go?

4. Etẹwẹ Jiwheyẹwhe biọ to Noa si nado wà na kanlin lẹ?

5. Etẹwẹ Noa po whẹndo etọn po dona wà, to whenuena Jiwheyẹwhe sú ohọ̀n aki lọ tọn godo?

Kanbiọ devo lẹ:

1. Hia Gẹnẹsisi 6:9-22.

   1. Etẹwutu Noa do yin sinsẹ̀n-basitọ Jiwheyẹwhe nugbo lọ tọn he jẹna ayidego de? (Gẹn. 6:9, 22)

   2. Nukun tẹwẹ Jehovah nọ yí do pọ́n danuwiwa, podọ nawẹ ehe dona yinuwado nudide ayidedai tọn mítọn ji gbọn? (Gẹn. 6:11, 12; Ps. 11:5)

   3. Nawẹ mí sọgan hodo apajlẹ Noa tọn to whenuena mí mọ anademẹ yí gbọn titobasinanu Jehovah tọn gblamẹ gbọn? (Gẹn. 6:22; 1 Joh. 5:3)

2. Hia Gẹnẹsisi 7:1-9.

   Nawẹ nugbo lọ dọ Jehovah pọ́n Noa he yin mapenọ hlan taidi omẹ dodonọ de na tuli mí to egbehe gbọn? (Gẹn. 7:1; Howh. 10:16; Isa. 26:7)

Otàn 10

Singigọ Daho Lọ

1. Naegbọn mẹdepope ma sọgan biọ aki lọ mẹ to whenuena jikun lọ jẹ jijà ji?

2. Okle nẹmu po ozán nẹmu po wẹ jikun he Jehovah hẹnwa lọ ja na, podọ nawẹ osin lọ siso sọ?

3. Etẹwẹ jọ do aki lọ go to whenuena osin lọ jẹ gigọ́ aigba nukunmẹ ji?

4. Be asuka lọ lẹ lùn Singigọ lọ tọ́n ya, podọ etẹwẹ jọ do otọ́ yetọn lẹ go?

5. Etẹwẹ jọ do aki lọ go to osun atọ́n godo?

6. Naegbọn Noa do de ohọ́n de tọ́n sọn aki lọ mẹ?

7. Nawẹ Noa wagbọn do yọnẹn dọ osin ko hú sọn aigba ji?

8. Etẹwẹ Jiwheyẹwhe dọna Noa to whenuena ewọ po whẹndo etọn po ko nọ aki lọ mẹ na nuhe hugan owhe dopo?

Kanbiọ devo lẹ:

1. Hia Gẹnẹsisi 7:10-24.

   1. Obá tẹ mẹ wẹ nutogbẹ̀ he tin to aigba ji lẹ yin vivasudo mlẹnmlẹn jẹ? (Gẹn. 7:23)

   2. Nawẹ e dẹnsọ whẹpo osin Singigọ lọ tọn do hú? (Gẹn. 7:24)

2. Hia Gẹnẹsisi 8:1-17.

   Nawẹ Gẹnẹsisi 8:17 dohia gbọn dọ lẹndai tintan Jehovah tọn na aigba ma diọ? (Gẹn. 1:22)

3. Hia 1 Pita 3:19, 20.

   1. To whenuena angẹli atẹṣitọ lẹ lẹkọyi olọn mẹ, owhẹ̀ tẹwẹ yin didá na yé? (Juda 6)

   2. Nawẹ otàn Noa po whẹndo etọn po tọn hẹn mí deji dogọ dọ Jehovah penugo nado whlẹn omẹ etọn lẹ gán gbọn? (2 Pita 2:9)

Otàn 11

Aidowhẹdo Tintan Lọ

1. Dile yẹdide lọ dohia do, etẹwẹ yin onú tintan he Noa wà to whenuena e tọ́n sọn aki lọ mẹ?

2. Gbedide tẹwẹ Jiwheyẹwhe na Noa po whẹndo etọn po to Singigọ lọ godo?

3. Opagbe tẹwẹ Jiwheyẹwhe do?

4. Eyin mí mọ aidowhẹdo, etẹwẹ e dona nọ flin mí?

Kanbiọ devo lẹ:

1. Hia Gẹnẹsisi 8:18-22.

   1. Nawẹ mí sọgan wleawuna ‘owán gbọjẹ tọn’ de hlan Jehovah to egbehe gbọn? (Gẹn. 8:21; Heb. 13:15, 16)

   2. Etẹwẹ Jehovah dọ gando ninọmẹ ahun mẹ tọn gbẹtọvi tọn go, podọ aṣejininọ tẹwẹ ehe biọ to mí si? (Gẹn. 8:21; Mat. 15:18, 19)

2. Hia Gẹnẹsisi 9:9-17.

   1. Alẹnu tẹwẹ Jehovah basi hẹ nudida aigba ji tọn lẹpo? (Gẹn. 9:10, 11)

   2. Nawẹ alẹnu aidowhẹdo tọn lọ na dẹn-to-aimẹ sọ? (Gẹn. 9:16)

Otàn 12

Gbẹtọ lẹ Gbá Atọ̀họ̀ Daho De

1. Mẹnu wẹ Nimlọdi, podọ nukun tẹwẹ Jiwheyẹwhe yí do pọ́n ẹn?

2. Naegbọn gbẹtọ lẹ do to bliki sún to yẹdide lọ mẹ?

3. Naegbọn homẹ Jehovah tọn ma hùn do azọ́n họgbigbá tọn lọ go?

4. Nawẹ Jiwheyẹwhe hẹnalọdotena mẹhe to atọ̀họ̀ lọ gbá lẹ gbọn?

5. Nawẹ tòdaho lọ yin yiylọdọ, podọ etẹwẹ yinkọ enẹ zẹẹmẹdo?

6. Etẹwẹ jọ do gbẹtọ lọ lẹ go to whenue Jiwheyẹwhe wlu ogbè do kọ̀nu na yé?

Kanbiọ devo lẹ:

1. Hia Gẹnẹsisi 10:1, 8-10.

   Jijọ tẹwẹ Nimlọdi tindo, podọ avase tẹwẹ mí mọyi sọn ehe mẹ? (Howh. 3:31)

2. Hia Gẹnẹsisi 11:1-9.

   Etẹwutu wẹ gbẹtọ lẹ jlo na gbá atọ̀họ̀ lọ, podọ naegbọn azọ́n lọ dona gboawupo dandan? (Gẹn. 11:4; Howh. 16:18; Joh. 5:44)

Otàn 13

Ablaham—Họntọn Jiwheyẹwhe Tọn

1. Gbẹtọ nankọtọn lẹ wẹ nọ nọ̀ tòdaho Uli tọn mẹ?

2. Mẹnu wẹ tin to yẹdide lọ mẹ, whetẹnu wẹ e yin jiji, podọ otò tẹ mẹ wẹ e nọ?

3. Etẹwẹ Jiwheyẹwhe dọna Ablaham nado wà?

4. Naegbọn Ablaham do yin yiylọdọ họntọn Jiwheyẹwhe tọn?

5. Mẹnu lẹ wẹ hodo Ablaham to whenuena e tọ́n sọn Uli?

6. Etẹwẹ Jiwheyẹwhe dọna Ablaham to whenuena e jẹ aigba Kenani tọn ji?

7. Opagbe tẹwẹ Jiwheyẹwhe do na Ablaham to whenuena e tindo owhe 99?

Kanbiọ devo lẹ:

1. Hia Gẹnẹsisi 11:27-32.

   1. Kanṣiṣa whẹndo tọn tẹwẹ tin to Ablaham po Lọti po ṣẹnṣẹn? (Gẹn. 11:27)

   2. Dile etlẹ yindọ Tela wẹ Biblu dlẹnalọdo taidi mẹhe plan whẹndo etọn yì Kenani, nawẹ mí wagbọn do yọnẹn dọ Ablaham wẹ basi dide tẹnsisẹ enẹ tọn na taun tọn, podọ naegbọn e do wàmọ? (Gẹn. 11:31; Owalọ 7:2-4)

2. Hia Gẹnẹsisi 12:1-7.

   Etẹwẹ Jehovah yidogọ alẹnu Ablaham tọn to whenuena Ablaham jẹ aigba Kenani tọn ji godo? (Gẹn. 12:7)

3. Hia Gẹnẹsisi 17:1-8, 15-17.

   1. Nawẹ yinkọ Ablam tọn yin didiọ do to whenuena e tindo owhe 99, podọ etẹwutu? (Gẹn. 17:5)

   2. Dona sọgodo tọn tẹlẹ wẹ Jehovah dopagbe etọn na Sala? (Gẹn. 17:15, 16)

4. Hia Gẹnẹsisi 18:9-19.

   1. Azọngban tẹlẹ wẹ yin didena otọ́ lẹ to Gẹnẹsisi 18:19 mẹ? (Deut. 6:6, 7; Efe. 6:4)

   2. Numimọ he Sala tindo tẹwẹ dohia dọ mí ma sọgan whlá nudepope do Jehovah? (Gẹn. 18:12, 15; Ps. 44:21)

Otàn 14

Jiwheyẹwhe Whlé Yise Ablaham Tọn Pọ́n

1. Opagbe tẹwẹ Jiwheyẹwhe do na Ablaham, podọ nawẹ Jiwheyẹwhe hẹn opagbe etọn di gbọn?

2. Dile e yin didohia do to yẹdide lọ mẹ, nawẹ Jiwheyẹwhe whlé yise Ablaham tọn pọ́n gbọn?

3. Etẹwẹ Ablaham wà, dile etlẹ yindọ e ma mọnukunnujẹ nuhewutu Jiwheyẹwhe do degbena ẹn mẹ?

4. Etẹwẹ jọ to whenuena Ablaham de ohí tọ́n nado hù visunnu etọn?

5. Obá tẹ mẹ wẹ yise Ablaham tọn to Jiwheyẹwhe mẹ lodo jẹ?

6. Etẹwẹ Jiwheyẹwhe na Ablaham nado yí do sanvọ́, podọ gbọnna?

Kanbiọ devo lẹ:

1. Hia Gẹnẹsisi 21:1-7.

   Naegbọn Ablaham do gbowhẹ kavi gboadà na visunnu etọn to azán ṣinatọ̀ntọ gbè? (Gẹn. 17:10-12; 21:4 )

2. Hia Gẹnẹsisi 22:1-18.

   Nawẹ Isaki litaina otọ́ etọn Ablaham gbọn, podọ nawẹ ehe do nujijọ titengbe he na wá jọ to nukọn mẹ de hia gbọn? (Gẹn. 22:7-9; 1 Kọl. 5:7; Flp. 2:8, 9)

Otàn 15

Asi Lọti Tọn Pọ́n Godo

1. Naegbọn Ablaham po Lọti po do klan?

2. Naegbọn Lọti de nado nọ Sọdọmi?

3. Gbẹtọ nankọ wẹ Sọdọminu lẹ yin?

4. Avase tẹwẹ angẹli awe delẹ na Lọti?

5. Naegbọn asi Lọti tọn lẹzun dòtin ojẹ̀ tọn?

6. Etẹwẹ mí sọgan plọn sọn nuhe jọ do asi Lọti tọn go mẹ?

Kanbiọ devo lẹ:

1. Hia Gẹnẹsisi 13:5-13.

   Na nuhe dù nuhahun lẹ dididẹ to ode awetọ ṣẹnṣẹn, etẹwẹ mí sọgan plọn sọn Ablaham dè? (Gẹn. 13:8, 9; Lom. 12:10; Flp.2:3, 4)

2. Hia Gẹnẹsisi 18:20-33.

   Nawẹ aliho he mẹ Jehovah yinuwa hẹ Ablaham te na mí jide dọ Jehovah po Jesu po na dawhẹ to dodo mẹ gbọn? (Gẹn. 18:25, 26; Mat. 25:31-33)

3. Hia Gẹnẹsisi 19:1-29.

   1. Etẹwẹ kandai Biblu tọn ehe dohia gando pọndohlan Jiwheyẹwhe tọn go na nuhe dù zanhẹmẹ to omẹ vijinu dopolọ tọn lẹ ṣẹnṣẹn? (Gẹn. 19:5, 13; Lev. 20:13)

   2. Vogbingbọn tẹwẹ tin to aliho he mẹ Lọti po Ablaham po yinuwa hlan anademẹ Jiwheyẹwhe tọn te mẹ, podọ etẹwẹ mí sọgan plọn sọn ehe mẹ? (Gẹn. 19:15, 16, 19, 20; 22:3)

4. Hia Luku 17:28-32.

   Pọndohlan tẹwẹ asi Lọti tọn tindo gando agbasanu lẹ go, podọ nawẹ ehe yin avase de na mí gbọn? (Luku 12:15; 17:31, 32; Mat. 6:19-21, 25)

5. Hia 2 Pita 2:6-8.

   To apajlẹ Lọti tọn hihodo mẹ, nukun tẹwẹ mí dona nọ yí do pọ́n aihọn ylankan he lẹdo mí? (Ezek. 9:4; 1 Joh. 2:15-17)

Otàn 16

Isaki Mọ Asi Dagbe De

1. Mẹnu wẹ sunnu po yọnnu po he tin to yẹdide ehe mẹ lẹ yin?

2. Etẹwẹ Ablaham wà nado mọ asi de na visunnu etọn, podọ etẹwutu?

3. Nawẹ odẹ̀ he devi Ablaham tọn hò mọ gblọndo gbọn?

4. Etẹwẹ yin gblọndo Lebeka tọn to whenuena e yin kinkanse eyin e jlo na dà Isaki?

5. Etẹwẹ hẹn ayajẹ Isaki tọn gọwá?

Kanbiọ devo lẹ:

1. Hia Gẹnẹsisi 24:1-67.

   1. Jẹhẹnu dagbe tẹlẹ wẹ Lebeka dohia to whenuena e dukosọ hẹ devi Ablaham tọn to dotọ̀ kọ̀n? (Gẹn. 24:17-20; Howh. 31:17, 31)

   2. Apajlẹ dagbe tẹwẹ tito he Ablaham basi na Isaki lọ zedai na Klistiani lẹ to egbehe? (Gẹn. 24:37, 38; 1 Kọl. 7:39; 2 Kọl. 6:14)

   3. Naegbọn mí dona nọ dín whenu na ayihamẹlinlẹnpọn dile Isaki wà do? (Gẹn. 24:63; Ps. 77:12; Flp. 4:8)

Otàn 17

Ahoho He Gbọnvo Lẹ

1. Mẹnu wẹ Esau po Jakọbu po yin, podọ nawẹ yé gbọnvo na yede gbọn?

2. Owhe nẹmu wẹ Esau po Jakọbu po tindo to whenuena babadaho yetọn Ablaham kú?

3. Etẹwẹ Esau wà he hẹn awubla wá na onọ̀ etọn po otọ́ etọn po tlala?

4. Naegbọn Esau do gblehomẹ sinsinyẹn do nọvi etọn Jakọbu go?

5. Anademẹ tẹwẹ Isaki na visunnu etọn Jakọbu?

Kanbiọ devo lẹ:

1. Hia Gẹnẹsisi 25:5-11, 20-34.

   1. Dọdai tẹwẹ Jehovah dọ gando visunnu Lebeka tọn awe lẹ go? (Gẹn. 25:23)

   2. Nawẹ pọndohlan he Jakọbu tindo gando jlọjẹ viplọnji tọn go gbọnvo na Esau tọn gbọn? (Gẹn. 25:31-34)

2. Hia Gẹnẹsisi 26:34, 35; 27:1-46; po 28:1-5 po.

   1. Etẹwẹ dohia dọ Esau ma yọ́n pinpẹn gbigbọnu lẹ tọn? (Gẹn. 26:34, 35; 27:46)

   2. Etẹwẹ Isaki dọna Jakọbu nado wà nado sọgan mọ dona Jiwheyẹwhe tọn yí? (Gẹn. 28:1-4)

3. Hia Heblu lẹ 12:16, 17.

   Etẹwẹ apajlẹ Esau tọn dohia gando nuhe nọ jọ do mẹhe yí nukunpẹvi do pọ́n gbigbọnu lẹ go?

Otàn 18

Jakọbu Yì Halani

1. Mẹnu wẹ yin awhli he tin to yẹdide lọ mẹ, podọ etẹwẹ Jakọbu wà na ẹn?

2. Etẹwẹ Jakọbu wleawufo nado wà nado sọgan dà Laheli?

3. Etẹwẹ Labani wà to whenuena ojlẹ lọ sọ̀ na Jakọbu nado plan Laheli taidi asi?

4. Etẹwẹ Jakọbu yigbe nado wà nado sọgan dà Laheli?

Kanbiọ devo lẹ:

1. Hia Gẹnẹsisi 29:1-30.

   1. Etlẹ yin to whenuena Labani blu Jakọbu, nawẹ Jakọbu do ede hia di walọ dagbenọ gbọn, podọ etẹwẹ mí sọgan plọn sọn ehe mẹ? (Gẹn. 25:27; 29:26-28; Mat. 5:37)

   2. Nawẹ apajlẹ Jakọbu tọn do vogbingbọn he tin to owanyi nujọnu tọn po nukunta tọn po ṣẹnṣẹn hia gbọn? (Gẹn. 29:18, 20, 30; Ohàn 8:6)

   3. Yọnnu ẹnẹ tẹlẹ wẹ wá lẹzun hagbẹ whẹndo Jakọbu tọn bo jivi na ẹn to godo mẹ? (Gẹn. 29:23, 24, 28, 29)

Otàn 19

Jakọbu Tindo Whẹndo Daho De

1. Nawẹ visunnu ṣidopo he asi tintan Jakọbu tọn Lea ji na ẹn lẹ nọ yin?

2. Visunnu awe tẹlẹ wẹ deviyọnnu Lea tọn Zilpa ji na Jakọbu?

3. Nawẹ visunnu awe he deviyọnnu Laheli tọn Bilha ji na Jakọbu lẹ nọ yin?

4. Visunnu awe tẹlẹ wẹ Laheli ji, ṣigba etẹwẹ jọ to whenuena visunnu awetọ lọ yin jiji?

5. Sọgbe hẹ yẹdide lọ, visunnu nẹmu wẹ Jakọbu tindo, podọ etẹwẹ wá sọn yé mẹ?

Kanbiọ devo lẹ:

1. Hia Gẹnẹsisi 29:32-35; 30:1-26; po 35:16-19 po.

   Dile e yin didohia to whẹho visunnu 12 Jakọbu tọn lẹ tọn mẹ do, nawẹ Heblu lẹ nọ saba do yinkọ na visunnu lẹ gbọn to hohowhenu?

2. Hia Gẹnẹsisi 37:35.

   Dile etlẹ yindọ yinkọ Dina tọn kẹdẹ wẹ sọawuhia to Biblu mẹ, nawẹ mí wagbọn do yọnẹn dọ Jakọbu tindo viyọnnu hugan dopo? (Gẹn. 37:34, 35)

Otàn 20

Dina Biọ Tukla Mẹ

1. Naegbọn Ablaham po Isaki po ma jlo dọ ovi yetọn lẹ ni wlealọ hẹ omẹ Kenani tọn lẹ?

2. Be homẹ Jakọbu tọn hùn dọ viyọnnu etọn jihọntọn hẹ viyọnnu Kenani tọn lẹ wẹ ya?

3. Dẹpẹ tẹwẹ to Dina pọ́n to yẹdide lọ mẹ, podọ nuylankan tẹwẹ e wà?

4. Etẹwẹ nọvisunnu Dina tọn Simeọni po Levi po wà to whenuena yé sè nuhe jọ lọ?

5. Be Jakọbu kọngbedopọ hẹ nuhe Simeọni po Levi po wà ya?

6. Etẹwẹ hẹn tukla whẹndo lọ tọn lẹpo wá?

Kanbiọ devo lẹ:

1. Hia Gẹnẹsisi 34:1-31.

   1. Be dopodopo vlavo wẹ Dina nọ yì viyọnnu Kenani tọn lẹ dè ya? Basi zẹẹmẹ. (Gẹn. 34:1, NW)

   2. Naegbọn mí sọgan gblewhẹdo Dina jẹ obá de mẹ na alọji-ninọ etọn hinhẹnbu? (Gal. 6:7)

   3. Nawẹ jọja lẹ to egbehe sọgan dohia dọ nuhe jọ do Dina go yin avase de na yé gbọn? (Howh. 13:20; 1 Kọl. 15:33; 1 Joh. 5:19)

Otàn 21

Nọvisunnu Josẹfu Tọn lẹ Gbẹwanna Ẹn

1. Naegbọn nọvisunnu Josẹfu tọn lẹ do nọ whànwu i, podọ etẹwẹ yé wà?

2. Etẹwẹ nọvisunnu Josẹfu tọn lẹ jlo na wà na ẹn, ṣigba etẹwẹ Lẹubeni dọ?

3. Etẹwẹ jọ to whenuena ajọwatọ Iṣmaelinu lẹ wá jei?

4. Etẹwẹ nọvisunnu Josẹfu tọn lẹ wà na otọ́ yetọn nido yise dọ Josẹfu ko kú?

Kanbiọ devo lẹ:

1. Hia Gẹnẹsisi 37:1-35.

   1. Nawẹ Klistiani lẹ sọgan hodo apajlẹ Josẹfu tọn bo nọ dọ ylando he mẹdevo lẹ wà to agun lọ mẹ lẹ gbọn? (Gẹn. 37:2; Lev. 5:1; 1 Kọl. 1:11)

   2. Etẹwẹ hẹn nọvisunnu Josẹfu tọn lẹ nado wà danú do e? (Gẹn. 37:11, 18; Howh. 27:4; Jak. 3:14-16)

   3. Etẹwẹ Jakọbu wà he yin aliho jọwamọ tọn de nado do awubla hia? (Gẹn. 37:35)

Otàn 22

Josẹfu Yin Wiwle Do Gànpamẹ

1. Owhe nẹmu wẹ Josẹfu tindo to whenuena e yin hinhẹn yì Egipti, podọ etẹwẹ jọ to whenuena e jẹ dọ́n?

2. Nawẹ Josẹfu wá mọ ede to gànpamẹ gbọn?

3. Azọngban tẹwẹ Josẹfu mọyi to gànpamẹ?

4. To whenuena Josẹfu tin to gànpamẹ, etẹwẹ e wà na ahànkọnnọtọ po nudàtọ Falo tọn po?

5. Etẹwẹ jọ to whenuena ahànkọnnọtọ lọ yin didesọn gànpamẹ godo?

Kanbiọ devo lẹ:

1. Hia Gẹnẹsisi 39:1-23.

   To whenuena e yindọ kandai osẹ́n tọn de sọn Jiwheyẹwhe dè ma tin to azán Josẹfu tọn gbè he gbẹ́ galilọ, etẹwẹ whàn ẹn nado họ̀nna asi Pọtifali tọn? (Gẹn. 2:24; 20:3; 39:9)

2. Hia Gẹnẹsisi 40:1-23.

   1. Dọ odlọ ahànkọnnọtọ lọ tọn po zẹẹmẹ he Jehovah na Josẹfu po to kleun mẹ. (Gẹn. 40:9-13)

   2. Odlọ tẹwẹ nudàtọ lọ kú, podọ etẹwẹ e zẹẹmẹdo? (Gẹn. 40:16-19)

   3. Nawẹ pipli afanumẹ nugbonọ nuyọnẹntọ lọ tọn nọ do gbigbọ dopolọ hia taidi Josẹfu to egbehe gbọn? (Gẹn. 40:8; Ps. 36:9; Joh. 17:17; Owalọ 17:2, 3)

   4. Nawẹ Gẹnẹsisi 40:20 tá hinhọ́n do pọndohlan Klistiani lẹ tọn ji gando hùnwhẹ jijizan tọn lẹ go gbọn? (Yẹwh. 7:1; Malku 6:21-28)

Otàn 23

Odlọ Falo Tọn Lẹ

1. Etẹwẹ jọ do Falo go to zánmẹ gbèdopo?

2. Naegbọn ahànkọnnọtọ lọ wá flin Josẹfu to godo mẹ?

3. Dile e yin didohia do to yẹdide lọ mẹ, odlọ awe tẹlẹ wẹ Falo kú?

4. Etẹwẹ Josẹfu dọ dọ odlọ lọ lẹ zẹẹmẹdo?

5. Nawẹ Josẹfu wá lẹzun omẹ titengbe hugan he bọdo Falo go to Egipti gbọn?

6. Etẹwẹ hẹn nọvisunnu Josẹfu tọn lẹ wá Egipti, podọ naegbọn yé ma do yọ́n ẹn ba?

7. Odlọ tẹwẹ Josẹfu flin, podọ etẹ mẹ wẹ enẹ gọalọna ẹn nado mọnukunnujẹ?

Kanbiọ devo lẹ:

1. Hia Gẹnẹsisi 41:1-57.

   1. Nawẹ Josẹfu dọ̀n ayidonugo wá Jehovah ji gbọn, podọ aliho tẹ mẹ wẹ Klistiani lẹ sọgan hodo apajlẹ etọn te to egbehe? (Gẹn. 41:16, 25, 28; Mat. 5:16; 1 Pita 2:12)

   2. Nawẹ owhe núdùdù susu tọn to Egipti po owhe huvẹ tọn he bọdego lẹ po do vogbingbọn he tin to ninọmẹ gbigbọmẹ tọn omẹ Jehovah tọn lẹ tọn po Mẹylọhodotọklisti tọn po ṣẹnṣẹn to egbehe hia to aliho he sọgbe mẹ gbọn? (Gẹn. 41:29, 30; Amọ. 8:11, 12)

2. Hia Gẹnẹsisi 42:1-8 po 50:20 po.

   Be e ylan dọ sinsẹ̀n-basitọ Jehovah tọn lẹ ni litai to gbẹtọ de nukọn nado gbògbéna ẹn bo na sisi otẹn he mẹ e tin te eyin aṣa lẹdo lọ tọn wẹ e yin nado nọ wàmọ ya? (Gẹn. 42:6)

Otàn 24

Josẹfu Whlé Nọvisunnu Etọn lẹ Pọ́n

1. Naegbọn Josẹfu do sawhẹdokọna nọvisunnu etọn lẹ dọ amẹ́ wẹ yé yin?

2. Naegbọn Jakọbu do dike bọ visunnu pòdevi etọn Bẹnjamini yì Egipti?

3. Nawẹ kọfo fataka tọn Josẹfu tọn wá tọ́n to apò Bẹnjamini tọn mẹ gbọn?

4. Etẹwẹ Juda ze ede jo nado wà na Bẹnjamini nido yin tuntundote?

5. Aliho tẹ mẹ wẹ mẹdaho Josẹfu tọn lẹ diọ te?

Kanbiọ devo lẹ:

1. Hia Gẹnẹsisi 42:9-38.

   Nawẹ hogbe Josẹfu tọn he tin to Gẹnẹsisi 42:18 mẹ lẹ yin nuflinmẹ dagbe de na mẹhe tin to otẹn azọngban tọn mẹ to titobasinanu Jehovah tọn mẹ to egbehe lẹ gbọn? (Nẹh. 5:15; 2 Kọl. 7:1, 2)

2. Hia Gẹnẹsisi 43:1-34.

   1. Dile etlẹ yindọ Lẹubeni wẹ yin viplọnji, nawẹ e họnwun dọ Juda wẹ lẹzun hoyidọtọ nọvisunnu etọn lẹ tọn gbọn? (Gẹn. 43:3, 8, 9; 44:14, 18; 1 Otan. 5:2)

   2. Nawẹ Josẹfu whlé nọvisunnu etọn lẹ pọ́n gbọn, podọ naegbọn e do wàmọ? (Gẹn. 43:33, 34)

3. Hia Gẹnẹsisi 44:1-34.

   1. To ayiha kinkàn nado ze mẹhe ewọ yin na nugbo tọn whlá, gbẹtọ nankọtọn wẹ Josẹfu do ede hia nọvisunnu etọn lẹ nado yin? (Gẹn. 44:5, 15; Lev. 19:26)

   2. Nawẹ mẹdaho Josẹfu tọn lẹ dohia dọ yé ko jo gbigbọ awuwhàn tọn he yé tindo dai gando nọvi yetọn go do gbọn? (Gẹn. 44:13, 33, 34)

Otàn 25

Whẹndo lọ Sẹtẹn Yì Egipti

1. Etẹwẹ jọ to whenuena Josẹfu do ede hia nọvisunnu etọn lẹ?

2. Zẹẹmẹ tẹwẹ Josẹfu gbọn homẹdagbe dali basi na nọvisunnu etọn lẹ?

3. Etẹwẹ Falo dọ to whenuena e sè dogbọn nọvisunnu Josẹfu tọn lẹ dali?

4. Nawẹ whẹndo Jakọbu tọn klo sọ to whenuena yé sẹtẹn yì Egipti?

5. Nawẹ whẹndo Jakọbu tọn wá yin yiylọdọ to godo mẹ podọ etẹwutu?

Kanbiọ devo lẹ:

1. Hia Gẹnẹsisi 45:1-28.

   Nawẹ kandai Biblu tọn he gando Josẹfu go dohia dọ Jehovah sọgan diọ nuhe na gbleawuna devizọnwatọ etọn lẹ to aliho de mẹ bọ e na hẹn kọdetọn dagbe wá gbọn? (Gẹn. 45:5-8; Isa. 8:10; Flp. 1:12-14)

2. Hia Gẹnẹsisi 46:1-27.

   Jidevọnamẹ tẹwẹ Jakọbu mọyi sọn Jehovah dè to whenuena e to aliji jei Egipti? (Gẹn. 46:1-4)

Otàn 26

Job Yin Nugbonọ Na Jiwheyẹwhe

1. Mẹnu wẹ yin Job?

2. Etẹwẹ Satani tẹnpọn nado wà, ṣigba be e pà ẹ ya?

3. Etẹwẹ Jehovah na dotẹnmẹ Satani nado wà, podọ etẹwutu?

4. Naegbọn asi Job tọn do dọna ẹn dọ ni “gbẹ́ Jiwheyẹwhe dai, bo kú”? (Pọ́n yẹdide.)

5. Dile hiẹ sọgan mọ to yẹdide awetọ mẹ do, nawẹ Jehovah dona Job gbọn, podọ etẹwutu?

6. Eyin mílọsu yin nugbonọ na Jehovah taidi Job, dona tẹlẹ wẹ mí na mọyi?

Kanbiọ devo lẹ:

1. Hia Job 1:1-22.

   Nawẹ Klistiani lẹ sọgan hodo apajlẹ Job tọn to egbehe gbọn? (Job 1:1; Flp. 2:15; 2 Pita 3:14)

2. Hia Job 2:1-13.

   Nawẹ aliho he mẹ Job yinuwa hlan homẹkẹn Satani tọn te gbọnvo na asi etọn tọn gbọn? (Job 2:9, 10; Howh. 19:3; Mika 7:7; Mal. 3:14)

3. Hia Job 42:10-17.

   1. Dopolọ-yinyin tẹlẹ wẹ tin to dona he Job mọyi po dehe Jesu mọyi na gbẹzan nugbonọ-yinyin tọn etọn po ṣẹnṣẹn? (Job 42:12; Flp. 2:9-11)

   2. Nawẹ dona he Job mọyi na tenọgligo-hinhẹn etọn hlan Jiwheyẹwhe yin tulinamẹnu de na mí gbọn? (Job 42:10, 12; Heb. 6:10; Jak. 1:2-4, 12; 5:11)

Otàn 27

Ahọlu Ylankan de Dugán to Egipti

1. Mẹnu wẹ yin dawe he hẹn obá to yẹdide lọ mẹ, podọ mẹnu hò wẹ e te?

2. Etẹwẹ jọ do Islaelivi lẹ go to okú Josẹfu tọn godo?

3. Naegbọn Egiptinu lẹ do jẹ budina Islaelivi lẹ ji?

4. Gbedide tẹwẹ Falo na yọnnu he nọ gọalọna Islaelivi yọnnu lẹ nado jivi lẹ?

Kanbiọ devo lẹ:

1. Hia Eksọdusi 1:6-22.

   1. Aliho tẹ mẹ wẹ Jehovah jẹ opagbe he e do na Ablaham lọ hẹndi ji te? (Eks. 1:7; Gẹn. 12:2; Owalọ 7:17)

   2. Nawẹ yọnnu Heblu he nọ gọalọnamẹ nado jivi lẹ do sisi hia na wiwe-yinyin ogbẹ̀ tọn gbọn? (Eks. 1:17; Gẹn. 9:6)

   3. Nawẹ yọnnu he nọ gọalọnamẹ nado jivi lọ lẹ yin didona na nugbonọ-yinyin yetọn na Jehovah gbọn? (Eks. 1:20, 21; Howh. 19:17)

   4. Nawẹ Satani tẹnpọn nado glọnalina lẹndai Jehovah tọn gando okún dopagbe Ablaham tọn lọ go gbọn? (Eks. 1:22; Mat. 2:16)

Otàn 28

Lehe Viyẹyẹ Mose Yin Whinwhlẹngán Do

1. Mẹnu wẹ viyẹyẹ he tin to yẹdide lọ mẹ, podọ alọvi mẹnu tọn go wẹ e hẹn?

2. Etẹwẹ onọ̀ Mose tọn wà nado whlẹn ẹn gán?

3. Mẹnu wẹ yin viyọnnu pẹvi he tin to yẹdide lọ mẹ, podọ etẹwẹ e wà?

4. To whenuena viyọnnu Falo tọn mọ viyẹyẹ lọ, etẹwẹ Miliami biọ nado wà?

5. Etẹwẹ ahọvi lọ dọna onọ̀ Mose tọn?

Kanbiọ devo lẹ:

1. Hia Eksọdusi 2:1-10.

   Dotẹnmẹ tẹwẹ onọ̀ Mose tọn tindo nado pọ́n ovi etọn go whẹ́n bo plọn ẹn to ovu-whenu etọn, podọ nawẹ mẹjitọ lẹ sọgan hodo apajlẹ ehe to egbehe gbọn? (Eks. 2:9, 10; Deut. 6:6-9; Howh. 22:6; Efe. 6:4; 2 Tim. 3:15)

Otàn 29

Nuhewutu Mose Họnyi

1. Fie wẹ Mose whẹ́n te, ṣigba etẹwẹ e yọnẹn gando mẹjitọ etọn lẹ go?

2. Etẹwẹ Mose wà to whenuena e tindo owhe 40?

3. Etẹwẹ Mose dọna Islaelivi he to avùnho de, podọ etẹwẹ dawe lọ gblọnna ẹn?

4. Naegbọn Mose do họnyi sọn Egipti?

5. Fie wẹ Mose họnyi, podọ mẹnu wẹ e mọ to finẹ?

6. Etẹwẹ Mose wà to owhe 40 he bọdego lẹ gblamẹ to whenuena e họnyi sọn Egipti godo?

Kanbiọ devo lẹ:

1. Hia Eksọdusi 2:11-25.

   Mahopọnna owhe susu he Mose yí do plọn nuyọnẹn Egiptinu lẹ tọn, nawẹ e do nugbonọ-yinyin etọn na Jehovah po omẹ etọn lẹ po hia gbọn? (Eks. 2:11, 12; Heb. 11:24)

2. Hia Owalọ lẹ 7:22-29.

   Etẹwẹ mí sọgan plọn sọn nuyiwa Mose tọn mẹ to whenuena e tẹnpọn nado tún Islaeli dote sọn kanlinmọgbenu Egipti tọn mẹ na ede? (Owalọ 7:23-25; 1 Pita 5:6, 10)

Otàn 30

Ogbé He to Miyọ́n Ji Lọ

1. Nawẹ osó he tin to yẹdide lọ mẹ nọ yin yiylọdọ?

2. Nupaṣamẹ tẹwẹ Mose mọ to whenuena e plan lẹngbọ etọn lẹ yì osó lọ kọ̀n?

3. Etẹwẹ ogbè de dọ sọn ogbé he to miyọ́n ji lọ mẹ, podọ ogbè mẹnu tọn wẹ?

4. Etẹwẹ Mose gblọn to whenuena Jiwheyẹwhe dọna ẹn dọ e na plan omẹ emitọn lẹ tọ́n sọn Egipti?

5. Etẹwẹ Jiwheyẹwhe dọna Mose nado dọ eyin Islaelivi lẹ kàn mẹhe do e hlan sè?

6. Nawẹ Mose na penugo nado dohia dọ Jiwheyẹwhe wẹ do e hlan gbọn?

Kanbiọ devo lẹ:

1. Hia Eksọdusi 3:1-22.

   Nawẹ numimọ Mose tọn na mí jide dọ, Jehovah na nọgodona mí eyin mí tlẹ lẹndọ mí ma pegan na azọngban de he yin didena mí to agun mẹ gbọn? (Eks. 3:11, 13; 2 Kọl. 3:5, 6)

2. Hia Eksọdusi 4:1-20.

   1. Etẹwẹ diọ to walọ Mose tọn mẹ to owhe 40 he e yizan to Midiani lẹ whenu, podọ etẹwẹ mẹhe jlo na tindo lẹblanulọkẹyi to agun mẹ lẹ sọgan plọn sọn ehe mẹ? (Eks. 2:11, 12; 4:10, 13; Mika 6:8; 1 Tim. 3:1, 6, 10)

   2. Eyin Jehovah tlẹ domẹplọnlọ mí go gbọn titobasinanu etọn gblamẹ, jide tẹwẹ mí sọgan mọyi sọn apajlẹ Mose tọn mẹ? (Eks. 4:12-14; Ps. 103:14; Heb. 12:4-11)

Otàn 31

Mose po Aalọn po Yì Falo Dè

1. Nuyiwadomẹji tẹwẹ azọ́njiawu he Mose po Aalọn po wà lẹ tindo do Islaelivi lẹ ji?

2. Etẹwẹ Mose po Aalọn po dọna Falo, podọ etẹwẹ yin gblọndo Falo tọn?

3. Dile yẹdide lọ dohia do, etẹwẹ jọ to whenuena Aalọn ze opò etọn dlan kọmẹ?

4. Aliho tẹ mẹ wẹ Jehovah plọnnu Falo te, podọ nawẹ ewọ yinuwa gbọn?

5. Etẹwẹ jọ to azọ̀nylankan aotọ lọ godo?

Kanbiọ devo lẹ:

1. Hia Eksọdusi 4:27-31 po 5:1-23 po.

   Etẹ dọ wẹ Falo te to whenuena e dọ dọ: “Yẹn ma yọ́n [Jehovah]”? (Eks. 5:2; 1 Sam. 2:12; Lom. 1:21)

2. Hia Eksọdusi 6:1-13, 26-30.

   1. Linlẹn tẹ mẹ wẹ Jehovah ma hẹn ede zun yinyọnẹn na Ablaham, Isaki, po Jakobu po te? (Eks. 3:13, 14; 6:3; Gẹn. 12:8)

   2. Etẹwẹ yin numọtolanmẹ mítọn nado yọnẹn dọ Jehovah gbẹsọ yí Mose zan dile Mose tlẹ mọdọ emi ma pegan na azọ́n he yin didena emi lọ? (Eks. 6:12, 30; Luku 21:13-15)

3. Hia Eksọdusi 7:1-13.

   1. Apajlẹ tẹwẹ Mose po Aalọn po zedai na devizọnwatọ Jiwheyẹwhe tọn egbehe tọn lẹ gbọn whẹdida Jehovah tọn lilá na Falo po adọgbigbo po dali? (Eks. 7:2, 3, 6; Owalọ 4:29-31)

   2. Nawẹ Jehovah dohia dọ ewọ tindo huhlọn hú yẹwhe Egipti tọn lẹ gbọn? (Eks. 7:12; 1 Otan. 29:12)

Otàn 32

Azọ̀nylankan Ao Lẹ

1. Yí yẹdide he tin tofi lẹ zan nado basi zẹẹmẹ azọ̀nylankan atọ̀n tintan he Jehovah hẹnwa Egipti ji lẹ tọn.

2. Vogbingbọn tẹwẹ tin to azọ̀nylankan atọ̀n tintan lẹ po dehe pò lẹ po ṣẹnṣẹn?

3. Etẹwẹ yin azọ̀nylankan ẹnẹtọ, atọ́ntọ, po ṣidopotọ po?

4. Basi zẹẹmẹ azọ̀nylankan ṣinawetọ, ṣinatọ̀ntọ, po ṣinẹnẹtọ po tọn.

5. Etẹwẹ Jehovah dọna Islaelivi lẹ nado wà jẹnukọnna azọ̀nylankan aotọ lọ?

6. Etẹwẹ yin azọ̀nylankan aotọ lọ, podọ etẹwẹ jọ to ehe godo?

Kanbiọ devo lẹ:

1. Hia Eksọdusi 7:19–8:23.

   1. Dile etlẹ yindọ nujlẹtọ Egipti tọn lẹ penugo nado vọ́ azọ̀nylankan awe he jẹnukọn lẹ nkọ basi, etẹwẹ yé to dandannu glọ nado yigbena to azọ̀nylankan atọ̀ntọ lọ godo? (Eks. 8:18, 19; Mat. 12:24-28)

   2. Nawẹ azọ̀nylankan ẹnẹtọ do nugopipe Jehovah tọn nado basi-hihọ́na omẹ etọn lẹ hia gbọn, podọ nawẹ ehe yinyọnẹn nọ yinuwado omẹ Jiwheyẹwhe tọn lẹ ji dile yé to nukọnpọnhlan “nukunbibia daho” he yin didọdai lọ gbọn? (Eks. 8:22, 23; Osọ. 7:13, 14; 2 Otan. 16:9)

2. Hia Eksọdusi 8:24; 9:3, 6, 10, 11, 14, 16, 23-25; po 10:13-15, 21-23 po.

   1. Pipli awe tẹlẹ wẹ Azọ̀nylankan Ao lọ lẹ dehia, podọ nawẹ ehe nọ yinuwado nukun he mí do nọ pọ́n pipli enẹlẹ hlan to egbehe ji gbọn? (Eks. 8:10, 18, 19; 9:14)

   2. Nawẹ Eksọdusi 9:16 gọalọna mí nado mọnukunnujẹ nuhewutu Jehovah jotẹnna Satani nado gbọṣi aimẹ kakajẹ din mẹ gbọn? (Lom. 9:21, 22)

3. Hia Eksọdusi 12:21-32.

   Nawẹ Juwayi lọ hẹn whlẹngán yọnbasi na mẹsusu gbọn, podọ ohia etẹ tọn wẹ hùnwhẹ Juwayi tọn yin? (Eks. 12:21-23; Joh. 1:29; Lom. 5:18, 19, 21; 1 Kọl. 5:7)

Otàn 33

Yé Dasá Ohù Vẹẹ Lọ

1. Islaelivi sunnu nẹmu wẹ yì sọn Egipti, to pọmẹ hẹ yọnnu lẹ po ovi lẹ po, podọ mẹnu lẹ wẹ hodo yé?

2. Etẹwẹ yin numọtolanmẹ Falo tọn to whenuena e jo Islaelivi lẹ do nado yì godo, podọ etẹwẹ e wà?

3. Etẹwẹ Jehovah wà na alọ Egiptinu lẹ tọn nikaa jẹ omẹ etọn lẹ go?

4. Etẹwẹ jọ to whenuena Mose dlẹn opò etọn do Ohù Vẹẹ lọ ji, podọ etẹwẹ Islaelivi lẹ wà?

5. Etẹwẹ jọ to whenuena Egiptinu lẹ dómọna Islaelivi lẹ biọ ohù lọ mẹ?

6. Nawẹ Islaelivi lẹ do ayajẹ yetọn hia bo dopẹna Jehovah na whlẹngán yetọn wutu gbọn?

Kanbiọ devo lẹ:

1. Hia Eksọdusi 12:33-36.

   Nawẹ Jehovah hẹn ẹn diun dọ omẹ etọn lẹ mọ ahọsumẹ yí na owhe he yé do yin afanumẹ to Egipti lẹpo gbọn? (Eks. 3:21, 22; 12:35, 36)

2. Hia Eksọdusi 14:1-31.

   Nawẹ hogbe Mose tọn he yin kinkàndai to Eksọdusi 14:13, 14 mẹ lẹ nọ yinuwado omẹ Jehovah tọn egbezangbe tọn lẹ ji gbọn dile yé to nukundo awhàn Amagẹdọni tọn? (2 Otan. 20:17; Ps. 91:8)

3. Hia Eksọdusi 15:1-8, 20, 21.

   1. Naegbọn devizọnwatọ Jehovah tọn lẹ dona nọ jihàn pipà tọn hlan ẹn? (Eks. 15:1, 2; Ps. 105:2, 3; Osọ. 15:3, 4)

   2. Apajlẹ tẹwẹ Miliami po yọnnu he tin po e po to Ohù Vẹẹ lọ kọ̀n lẹ po zedai na yọnnu Klistiani lẹ to egbehe na nuhe dù gigopipana Jehovah? (Eks. 15:20, 21; Ps. 68:11)

Otàn 34

Núdùdù Yọyọ De

1. To yẹdide lọ mẹ, etẹwẹ gbẹtọ lẹ to ṣinṣinyan sọn aigba, podọ nawẹ e nọ yin yiylọdọ?

2. Anademẹ tẹwẹ Mose na gbẹtọ lẹ gando manna ṣinṣinyan go?

3. Etẹwẹ Jehovah dọna gbẹtọ lẹ nado nọ wà to azán ṣidopotọ gbè, podọ etẹwutu?

4. Azọ́njiawu tẹwẹ Jehovah nọ wà to whenuena manna yin zizedai jẹ azán ṣinawetọ gbè?

5. Nawẹ Jehovah yí manna do na núdùdù gbẹtọ lẹ dẹnsọ?

Kanbiọ devo lẹ:

1. Hia Eksọdusi 16:1-36 po Osọha lẹ 11:7-9 po.

   1. Etẹwẹ Eksọdusi 16:8 dohia na nuhe dù sisi nina mẹhe yin dide to agun Klistiani tọn mẹ lẹ? (Heb. 13:17)

   2. To zungbo mẹ, nawẹ Islaelivi lẹ nọ yin nuflin egbesọegbesọ dọ yé dona ganjẹ Jehovah go gbọn? (Eks. 16:14-16, 35; Deut. 8:2, 3)

   3. Zẹẹmẹ yẹhiadonu tọn tẹwẹ Jesu basi gando manna go, podọ nawẹ mí mọaleyi sọn “akla sọn olọn mẹ” ehe mẹ gbọn? (Joh. 6:31-35, 40)

2. Hia Jọṣua 5:10-12.

   Owhe nẹmu wẹ Islaelivi lẹ do dù manna, whlepọn tẹwẹ ehe zedonukọnna yé, podọ etẹwẹ mí sọgan plọn sọn kandai ehe mẹ? (Eks. 16:35; Sọh. 11:4-6; 1 Kọl. 10:10, 11)

Otàn 35

Jehovah Na Osẹ́n Etọn Lẹ

1. Fie wẹ Islaelivi lẹ dosla do to nudi osun awe whenuena yé tọ́n sọn Egipti godo?

2. Etẹwẹ Jehovah biọ to akọta lọ si nado wà, podọ etẹwẹ yin gblọndo yetọn?

3. Naegbọn Jehovah do na Mose zannu plẹ́bẹ́ awe?

4. Osẹ́n devo tẹlẹ wẹ Jehovah na Islaelivi lẹ gbọnvona Gbedide Ao lẹ?

5. Osẹ́n awe tẹlẹ wẹ Jesu Klisti dlẹnalọdo taidi dehe klohugan lẹ?

Kanbiọ devo lẹ:

1. Hia Eksọdusi 19:1-25; 20:1-21; 24:12-18; po 31:18 po.

   Nawẹ hogbe he yin kinkàndai to Eksọdusi 19:8 mẹ lẹ gọalọna mí nado mọnukunnujẹ nuhe klandowiwe Klistiani tọn bẹhẹn lẹ mẹ gbọn? (Mat. 16:24; 1 Pita 4:1-3)

2. Hia Deutelonomi 6:4-6; Levitiku 19:18; po Matiu 22:36-40 po.

   Nawẹ Klistiani lẹ nọ do owanyi yetọn na Jiwheyẹwhe po kọmẹnu po hia gbọn? (Malku 6:34; Owalọ 4:20; Lom. 15:2)

Otàn 36

Oyìnvu Sika Tọn Lọ

1. Etẹ wà wẹ gbẹtọ lẹ te to yẹdide lọ mẹ, podọ etẹwutu?

2. Naegbọn Jehovah do gblehomẹ, podọ etẹwẹ Mose wà to whenue e mọ nuhe wà gbẹtọ lẹ te?

3. Etẹwẹ Mose dọna sunnu delẹ nado wà?

4. Etẹwẹ mí dona plọn sọn otàn ehe mẹ?

Kanbiọ devo lẹ:

1. Hia Eksọdusi 32:1-35.

   1. Nawẹ kandai ehe do nukun he Jehovah nọ yí do pọ́n sinsẹ̀n lalo kinkọndopọ hẹ sinsẹ̀n-bibasi nugbo hia gbọn? (Eks. 32:4-6, 10; 1 Kọl. 10:7, 11)

   2. Etẹ go wẹ Klistiani lẹ dona payi to nudide yetọn gando ayidedai lẹ taidi hànjiji po wedudu po go mẹ? (Eks. 32:18, 19; Efe. 5:15, 16; 1 Joh. 2:15-17)

   3. Nawẹ whẹndo Levi tọn ze apajlẹ dagbe de dai na mí na nuhe dù titẹdo dodowiwa go gbọn? (Eks. 32:25-28; Ps. 18:25)

Otàn 37

Gòhọ Sinsẹ̀n-Bibasi Tọn De

1. Nawẹ ohọ̀ he tin to yẹdide lọ mẹ nọ yin yiylọdọ, podọ etẹwẹ e nọ yin yiyizan na?

2. Naegbọn Jehovah do dọna Mose nado basi gòhọ lọ to aliho de mẹ na e nido sọgan wá yin túntún do voovo po awubibọ po?

3. Apotin tẹwẹ tin to abò pẹvi he to vivọnu gòhọ lọ tọn mẹ, podọ etẹwẹ tin to apotin lọ mẹ?

4. Mẹnu wẹ Jehovah de nado yin yẹwhenọ daho, podọ etẹwẹ yẹwhenọ daho nọ wà?

5. Slẹ onú atọ̀n he tin to abò daho gòhọ lọ tọn mẹ lẹ.

6. Onú awe tẹlẹ wẹ tin to lẹdo gòhọtúntún lọ tọn mẹ, podọ etẹwẹ yé nọ yin yiyizan na?

Kanbiọ devo lẹ:

1. Hia Eksọdusi 25:8-40; 26:1-37; 27:1-8; po 28:1 po.

   Etẹwẹ kelubimi he tin to “aki kunnuhó lọ tọn” ji lẹ nọtena? (Eks. 25:20, 22; Sọh. 7:89; 2 Ahọ. 19:15)

2. Hia Eksọdusi 30:1-10, 17-21; 34:1, 2; po Heblu lẹ 9:1-5 po.

   1. Naegbọn Jehovah do zinnudo wiwejininọ to agbasa-liho ji na yẹwhenọ he nọ wazọ́n to gòhọtúntún mẹ lẹ, podọ nawẹ ehe dona yinuwado mí ji to egbehe gbọn? (Eks. 30:18-21; 40:30, 31; Heb. 10:22)

   2. To wekanhlanmẹ apọsteli Paulu tọn hlan Heblu lẹ mẹ, nawẹ e dohia gbọn dọ gòhọtúntún po Osẹ́n alẹnu lọ tọn po masọ yọ́n-na-yizan ba? (Heb. 9:1, 9; 10:1)

Otàn 38

Amẹ́ 12 Lẹ

1. Nawẹ a mọ ohín atin-sinsẹ́n he tin to yẹdide lọ mẹ tọn do, podọ fie wẹ e wá sọn?

2. Naegbọn Mose do amẹ́ 12 hlan aigba Kenani tọn ji?

3. Etẹwẹ amẹ́ ao dọ to whenue yé lẹkọwa Mose dè?

4. Nawẹ amẹ́ awe do jidide hia to Jehovah mẹ gbọn, podọ nawẹ yé nọ yin?

5. Naegbọn Jehovah gblehomẹ, podọ etẹwẹ e dọna Mose?

Kanbiọ devo lẹ:

1. Hia Osọha lẹ 13:1-33.

   1. Mẹnu lẹ wẹ yin dide nado yì bẹ̀ aigba lọ pọ́n, podọ dotẹnmẹ hundote daho tẹwẹ yé tindo? (Sọh. 13:2, 3, 18-20)

   2. Naegbọn pọndohlan Jọṣua po Kalẹbu tọn po do gbọnvo na amẹ́ he pò lẹ tọn, podọ etẹwẹ mí plọn sọn ehe mẹ? (Sọh. 13:28-30; Mat. 17:20; 2 Kọl. 5:7)

2. Hia Osọha lẹ 14:1-38.

   1. Avase tẹwẹ mí dona setonuna ma nado nọ hlunnudọ do afọzedaitọ Jehovah tọn he tin to aigba ji lẹ go? (Sọh. 14:2, 3, 27; Mat. 25:40, 45; 1 Kọl. 10:10)

   2. Nawẹ Osọha lẹ 14:24 dohia dọ Jehovah nọ tindo ojlo nujọnu tọn to devizọnwatọ etọn dopodopo mẹ gbọn? (1 Ahọ. 19:18; Howh. 15:3)

Otàn 39

Opò Aalọn Tọn De Vounvoun lẹ Tọ́n

1. Mẹnu lẹ wẹ ṣiatẹ sọta aṣẹpipa Mose po Aalọn po tọn, podọ etẹwẹ yé dọna Mose?

2. Etẹwẹ Mose dọna Kola po gbẹdohẹmẹtọ etọn 250 lẹ po nado wà?

3. Etẹwẹ Mose dọna gbẹtọ lẹ, podọ etẹwẹ jọ to hodidọ etọn godo tlolo?

4. Etẹwẹ jọ do Kola po gbẹdohẹmẹtọ etọn 250 lẹ po go?

5. Etẹwẹ Eleazali, visunnu Aalọn tọn, yí agbán nuwhẹ́nwan tọn mẹhe kú lọ lẹ tọn do wà, podọ etẹwutu?

6. Naegbọn Jehovah do dike bọ opò Aalọn tọn de vounvoun lẹ tọ́n? (Pọ́n yẹdide.)

Kanbiọ devo lẹ:

1. Hia Osọha lẹ 16:1-49.

   1. Etẹwẹ Kola po gbẹdohẹmẹtọ etọn lẹ po wà, podọ etẹwutu ehe do yin nuyiwa atẹṣiṣi tọn sọta Jehovah? (Sọh. 16:9, 10, 18; Lev. 10:1, 2; Howh. 11:2)

   2. Pọndohlan agọ̀ tẹwẹ Kola po ‘ogán 250 sọn agun lọ mẹ’ po wleawuna? (Sọh. 16:1-3; Howh. 15:33; Isa. 49:7)

2. Hia Osọha lẹ 17:1-11 po 26:10 po.

   1. Etẹwẹ vounvoun he opò Aalọn tọn detọ́n lẹ dohia, podọ naegbọn Jehovah do degbè dọ ni yin sisẹdo do aki lọ mẹ? (Sọh. 17:5, 8, 10)

   2. Onú titengbe tẹwẹ mí sọgan plọn sọn ohia opò Aalọn tọn mẹ? (Sọh. 17:10; Owalọ 20:28; Flp. 2:14; Heb. 13:17)

Otàn 40

Mose Linú Osé Lọ

1. Nawẹ Jehovah penukundo Islaelivi lẹ go gbọn to zungbo mẹ?

2. Whẹgbè tẹwẹ Islaelivi lẹ do to whenue yé dosla do Kadẹṣi?

3. Nawẹ Jehovah na osin gbẹtọ lẹ po kanlin yetọn lẹ po gbọn?

4. To yẹdide lọ mẹ, mẹnu wẹ dawe he to alọdlẹndo ede lọ, podọ naegbọn e do to mọwà?

5. Naegbọn Jehovah gblehomẹ do Mose po Aalọn po go, podọ nawẹ Jehovah wọhẹ yé gbọn?

6. Etẹwẹ jọ to Osó Holi kọ̀n, podọ mẹnu wẹ lẹzun yẹwhenọ daho Islaeli tọn?

Kanbiọ devo lẹ:

1. Hia Osọha lẹ 20:1-13, 22-29 po Deutelonomi 29:5 po.

   1. Etẹwẹ mí plọn sọn aliho he mẹ Jehovah penukundo Islaelivi lẹ go te to zungbo mẹ? (Deut. 29:5; Mat. 6:31; Heb. 13:5; Jak. 1:17)

   2. Nukun tẹwẹ Jehovah yí do pọ́n awugbopo Mose po Aalọn po tọn nado klan oyín etọn do wiwe to Islaeli nukọn? (Sọh. 20:12; 1 Kọl. 10:12; Osọ. 4:11)

   3. Etẹwẹ mí sọgan plọn sọn aliho he mẹ Mose yinuwa te mẹ to whenue Jehovah domẹplọnlọ e go? (Sọh. 12:3; 20:12, 27, 28; Deut. 32:4; Heb. 12:7-11)

Otàn 41

Odàn Gànvẹẹ Tọn Lọ

1. Etẹwẹ hásá do atin go to yẹdide lọ mẹ, podọ naegbọn Jehovah do dọna Mose nado ze e do finẹ?

2. Nawẹ gbẹtọ lẹ yin mayọndagbenọ na nuhe Jiwheyẹwhe wà na yé lẹpo gbọn?

3. Etẹwẹ gbẹtọ lẹ biọ to Mose si nado wà to whenue Jehovah do odàn adínọ lẹ hlan nado sayana yé?

4. Naegbọn Jehovah dọna Mose nado basi odàn gànvẹẹ tọn de?

5. Etẹwẹ mí sọgan plọn sọn otàn ehe mẹ?

Kanbiọ devo lẹ:

1. Hia Osọha lẹ 21:4-9.

   1. Avase tẹwẹ mí mọyi sọn nuhlundọ Islaelivi lẹ tọn mẹ gando awuwledainanu Jehovah tọn lẹ go? (Sọh. 21:5, 6; Lom. 2:4)

   2. Nawẹ Islaelivi lẹ yí odàn gànvẹẹ tọn lọ zan to owhe kanweko lẹ godo gbọn, podọ afọdide tẹwẹ Ahọlu Hẹzekia ze? (Sọh. 21:9; 2 Ahọ. 18:1-4)

2. Hia Johanu 3:14, 15.

   Nawẹ odàn gànvẹẹ tọn lọ zizedo atin go yin dohia lehe Jesu Klisti yin zizedo yatin ji tọn gbọn? (Gal. 3:13; 1 Pita 2:24)

Otàn 42

Kẹtẹkẹtẹ de Dọho

1. Mẹnu wẹ yin Balaki, podọ naegbọn e dowẹn hlan Balaami?

2. Naegbọn kẹtẹkẹtẹ Balaami tọn do mlọnai to aliji?

3. Etẹwẹ Balaami sè sọn onù kẹtẹkẹtẹ etọn tọn mẹ?

4. Etẹwẹ angẹli de dọna Balaami?

5. Etẹwẹ jọ to whenue Balaami tẹnpọn nado hodẹ̀do Islaeli?

Kanbiọ devo lẹ:

1. Hia Osọha lẹ 21:21-35.

   Naegbọn Islaeli do gbawhàn Ahọlu Sihọni Amolinu lẹ tọn po Ahọlu Ogi Baṣani tọn po? (Sọh. 21:21, 23, 33, 34)

2. Hia Osọha lẹ 22:1-40.

   Etẹwẹ whàn Balaami nado tẹnpọn nado hodẹ̀do Islaeli, podọ etẹwẹ mí sọgan plọn sọn ehe mẹ? (Sọh. 22:16, 17; Howh. 6:16, 18; 2 Pita 2:15; Juda 11)

3. Hia Osọha lẹ 23:1-30.

   Dile etlẹ yindọ Balaami dọho taidi sinsẹ̀n-basitọ Jehovah tọn de, nawẹ nuyiwa etọn lẹ do nudevo pete hia gbọn? (Sọh. 23:3, 11-14; 1 Sam. 15:22)

4. Hia Osọha lẹ 24:1-25.

   Nawẹ kandai Biblu tọn ehe hẹn yise mítọn lodo gando hẹndi lẹndai Jehovah tọn lẹ tọn go gbọn? (Sọh. 24:10; Isa. 54:17)

Otàn 43

Jọṣua Lẹzun Nukọntọ

1. To yẹdide lọ mẹ, mẹnu wẹ yin dawe awe he nọte hẹ Mose lọ lẹ?

2. Etẹwẹ Jehovah dọna Jọṣua?

3. Naegbọn Mose do hẹ́ aga Osó Nebo tọn, podọ etẹwẹ Jehovah dọna ẹn?

4. Owhe nẹmu wẹ Mose tindo to whenuena e kú?

5. Naegbọn gbẹtọ lọ lẹ do blawu, ṣigba whẹwhinwhẹ́n tẹwẹ yé tindo nado jaya?

Kanbiọ devo lẹ:

1. Hia Osọha lẹ 27:12-23.

   Azọngban titengbe tẹwẹ Jọṣua mọyi sọn Jehovah dè, podọ nawẹ Jehovah nọ penukundo omẹ Etọn lẹ go to egbehe gbọn? (Sọh. 27:15-19; Owalọ 20:28; Heb. 13:7)

2. Hia Deutelonomi 3:23-29.

   Naegbọn Jehovah ma do na dotẹnmẹ Mose po Aalọn po nado yì aigba pagbe tọn lọ ji, podọ etẹwẹ mí sọgan plọn sọn ehe mẹ? (Deut. 3:25-27; Sọh. 20:12, 13)

3. Hia Deutelonomi 31:1-8, 14-23.

   Nawẹ hogbe godo tọn he Mose yizan na Islaelivi lẹ dohia dọ e yí whiwhẹ do kẹalọyi mẹplọnlọ Jehovah tọn gbọn? (Deut. 31:6-8, 23)

4. Hia Deutelonomi 32:45-52.

   Nawẹ Ohó Jiwheyẹwhe tọn dona yinuwado gbẹzan mítọn ji gbọn? (Deut. 32:47; Lev. 18:5; Heb. 4:12)

5. Hia Deutelonomi 34:1-12.

   Dile etlẹ yindọ Mose ma mọ Jehovah nukun-sọ-nukun to paa mẹ, etẹwẹ Deutelonomi 34:10 dohia gando haṣinṣan etọn hẹ Jehovah go? (Eks. 33:11, 20; Sọh. 12:8)

Otàn 44

Lahabi Whlá Amẹ́ Lẹ

1. Fie wẹ Lahabi nọ nọ̀?

2. Mẹnu wẹ dawe awe he tin to yẹdide lọ mẹ lẹ, podọ etẹwutu wẹ yé do tin to Jẹliko?

3. Etẹwẹ Ahọlu Jẹliko tọn degbena Lahabi nado wà, podọ etẹwẹ yin gblọndo etọn?

4. Nawẹ Lahabi gọalọna dawe awe lọ lẹ gbọn, podọ etẹwẹ e biọ sọn yé si?

5. Opagbe tẹwẹ amẹ́ awe lọ lẹ do na Lahabi?

Kanbiọ devo lẹ:

1. Hia Jọṣua 2:1-24.

   Nawẹ opagbe Jehovah tọn he yin kinkàndai to Eksọdusi 23:28 mẹ mọ hẹndi gbọn to whenue Islaelivi lẹ tọ́nawhàn Jẹliko? (Jọṣ. 2:9-11)

2. Hia Heblu lẹ 11:31.

   Nawẹ apajlẹ Lahabi tọn zinnudo lehe yise yin nujọnu do ji gbọn? (Lom. 1:17; Heb. 10:39; Jak. 2:25)

Otàn 45

Yé Dasá Tọ̀sisa Jọdani

1. Azọ́njiawu tẹwẹ Jehovah wà na Islaelivi lẹ nido sọgan dasá Tọ̀sisa Jọdani?

2. Azọ́n yise tọn tẹwẹ Islaelivi lẹ dona wà nado sọgan dasá Tọ̀sisa Jọdani?

3. Naegbọn Jehovah dọna Jọṣua nado ṣinyan zannu 12 sọn tọ̀sisa lọ mẹ?

4. Etẹwẹ jọ to whenue yẹwhenọ lẹ tọ́n jẹage sọn Jọdani lọ mẹ tlolo?

Kanbiọ devo lẹ:

1. Hia Jọṣua 3:1-17.

   1. Dile e yin didohia do to kandai ehe mẹ, etẹwẹ mí dona wà nado mọ alọgọ po dona Jehovah tọn po? (Jọṣ. 3:13, 15; Howh. 3:5; Jak. 2:22, 26)

   2. Etẹwẹ jọ to whenue Islaelivi lẹ dasá Tọ̀sisa Jọdani jẹ Aigba Pagbe tọn ji godo, podọ nawẹ ehe pagigona oyín Jehovah tọn gbọn? (Jọṣ. 3:15; 4:18; Ps. 66:5-7)

2. Hia Jọṣua 4:1-18.

   Etẹwẹ yin lẹndai zannu 12 he yin bibẹ sọn Jọdani mẹ bo yin tito do Gilgali lẹ tọn? (Jọṣ. 4:4-7)

Otàn 46

Adó Jẹliko Tọn Lẹ

1. Etẹwẹ Jehovah dọna awhànfuntọ lẹ po yẹwhenọ lẹ po nado wà na azán ṣidopo?

2. Etẹwẹ yé dona wà to azán ṣinawetọ gbè?

3. Dile yin didohia do to yẹdide lọ mẹ, etẹwẹ to jijọ do adó Jẹliko tọn lẹ go?

4. Naegbọn okàn vẹẹ de do yin sìnsìn do fleṣe go?

5. Etẹwẹ Jọṣua dọna awhànfuntọ lẹ nado wà na tòdaho lọ po mẹhe nọ nọ̀ e mẹ lẹ po, ṣigba etẹwẹ dogbọn fataka, sika, gànvẹẹ, po gànyuu po dali?

6. Etẹwẹ amẹ́ awe lọ lẹ yin didọna nado wà?

Kanbiọ devo lẹ:

1. Hia Jọṣua 6:1-25.

   1. Nawẹ awhànfọ he Islaelivi lẹ de lẹdo Jẹliko to azán ṣinawetọ gbè taidi azọ́n yẹwhehodidọ tọn he Kunnudetọ Jehovah tọn lẹ to wiwà to azán godo tọn ehelẹ mẹ gbọn? (Jọṣ. 6:15, 16; Isa. 60:22; Mat. 24:14; 1 Kọl. 9:16)

   2. Nawẹ dọdai he tin to Jọṣua 6:26 mẹ mọ hẹndi to nudi owhe 500 delẹ godo gbọn, podọ etẹwẹ ehe plọn mí gando ohó Jehovah tọn go? (1 Ahọ. 16:34; Isa. 55:11)

Otàn 47

Ajotọ de to Islaeli

1. Mẹnu wẹ dawe lọ he to adọkunnu he yin bibẹ sọn Jẹliko delẹ ze whlá to yẹdide lọ mẹ, podọ mẹnu wẹ yin mẹhe to alọgọna ẹn lẹ?

2. Naegbọn nuyiwa Akani po whẹndo etọn po tọn ylan sọmọ?

3. Etẹwẹ Jehovah dọ to whenue Jọṣua kàn nuhewutu Islaelivi lẹ do ṣíawhàn to Ai sè?

4. Etẹwẹ jọ do Akani po whẹndo etọn po go to whenue yé yin hinhẹnwa Jọṣua nukọn?

5. Onú titengbe tẹwẹ mí plọn sọn owhẹ̀ he yin didá na Akani lọ mẹ?

Kanbiọ devo lẹ:

1. Hia Jọṣua 7:1-26.

   1. Etẹwẹ odẹ̀ Jọṣua tọn lẹ dohia gando haṣinṣan etọn hẹ Mẹdatọ lọ go? (Jọṣ. 7:7-9; Ps. 119:145; 1 Joh. 5:14)

   2. Etẹwẹ apajlẹ Akani tọn dohia, podọ nawẹ ehe yin avase de na mí gbọn? (Jọṣ. 7:11, 14, 15; Howh. 15:3; 1 Tim. 5:24; Heb. 4:13)

2. Hia Jọṣua 8:1-29.

   Azọngban tẹwẹ dopodopo mítọn tindo to agun Klistiani tọn mẹ to egbehe? (Jọṣ. 7:13; Lev. 5:1; Howh. 28:13)

Otàn 48

Gebiọninu lẹ Yinuwa po Nuyọnẹn Po

1. Aliho tẹ mẹ wẹ Gebiọninu lẹ gbọnvo na Kenaninu he nọ nọ̀ tòdaho he lẹdo yé lẹ mẹ te?

2. Dile e yin didohia to yẹdide lọ mẹ do, etẹwẹ Gebiọninu lẹ wà, podọ etẹwutu?

3. Opagbe tẹwẹ Jọṣua po nukọntọ Islaeli tọn lẹ po do na Gebiọninu lẹ, ṣigba etẹwẹ yé wá mọ to azán atọ̀n godo?

4. Etẹwẹ jọ to whenue ahọlu tòdaho devo lẹ tọn sè dọ Gebiọninu lẹ ko dín jijọho hẹ Islaeli?

Kanbiọ devo lẹ:

1. Hia Jọṣua 9:1-27.

   1. Dile e yindọ Jehovah ko degbena akọta Islaeli tọn “nado hù tòmẹnu aigba lọ tọn lẹpo sẹ̀,” jẹhẹnu tẹlẹ wẹ Gebiọninu lẹ hinhẹn dogbẹ̀ dohia? (Jọṣ. 9:22, 24; Mat. 9:13; Owalọ 10:34, 35; 2 Pita 3:9)

   2. Gbọn nuyiwa sọgbe hẹ alẹnu etọn hẹ Gebiọninu lẹ dali, nawẹ Jọṣua ze apajlẹ dagbe dai na Klistiani lẹ to egbehe gbọn? (Jọṣ. 9:18, 19; Mat. 5:37; Efe. 4:25)

2. Hia Jọṣua 10:1-5.

   Nawẹ gbẹtọ susugege lọ nọ hodo apajlẹ Gebiọninu lẹ tọn to egbehe gbọn, bo gbọnmọ dali lẹzun nuyànwẹnna etẹ tọn lẹ? (Jọṣ. 10:4; Zek. 8:23; Mat. 25:35-40; Osọ. 12:17)

Otàn 49

Owhè Nọte Guun

1. Etẹ dọ wẹ Jọṣua te to yẹdide lọ mẹ, podọ etẹwutu?

2. Nawẹ Jehovah gọalọna Jọṣua po awhànfuntọ etọn lẹ po gbọn?

3. Ahọlu kẹntọ nẹmu wẹ jai to Jọṣua nukọn, podọ ojlẹ nẹmu wẹ ehe yí?

4. Naegbọn Jọṣua do má aigba Kenani tọn?

5. Owhe nẹmu wẹ Jọṣua tindo to whenue e kú, podọ etẹwẹ jọ do Islaelivi lẹ go to enẹgodo?

Kanbiọ devo lẹ:

1. Hia Jọṣua 10:6-15.

   To yinyọnẹn mẹ dọ Jehovah hẹn owhè po osun po dote na Islaelivi lẹ, jidide tẹwẹ mí dona tindo to egbehe? (Jọṣ. 10:8, 10, 12, 13; Ps. 18:3; Howh. 18:10)

2. Hia Jọṣua 12:7-24.

   Mẹnu na taun tọn wẹ gbawhàn ahọlu 31 tọn to Kenani, podọ naegbọn ehe do yin nujọnu na mí to egbehe? (Jọṣ. 12:7; 24:11-13; Deut. 31:8; Luku 21:9, 25-28)

3. Hia Jọṣua 14:1-5.

   Nawẹ aigba lọ yin mimá to whẹndo Islaelivi lẹ tọn ṣẹnṣẹn gbọn, podọ etẹwẹ ehe dohia gando lehe nulẹ na yin mimá do to Paladisi mẹ go? (Jọṣ. 14:2; Isa. 65:21; Ezek. 47:21-23; 1 Kọl. 14:33)

4. Hia Whẹdatọ 2:8-13.

   Taidi Jọṣua to Islaeli, mẹnu lẹ wẹ nọ hoavùn sọta atẹṣiṣi to egbehe? (Whẹ. 2:8, 10, 11; Mat. 24:45-47; 2 Tẹs. 2:3-6; Titu 1:7-9; Osọ. 1:1; 2:1, 2)

Otàn 50

Yọnnu Adọgbotọ Awe

1. Mẹnu wẹ whẹdatọ lẹ yin, podọ etẹwẹ yin yinkọ delẹ tọn to yé mẹ?

2. Lẹblanulọkẹyi vonọtaun tẹwẹ Debola tindo, podọ etẹwẹ ehe bẹhẹn?

3. Whenuena Ahọlu Jabini po awhàngán etọn, Sisela po dobuna Islaeli, owẹ̀n he wá sọn Jehovah dè tẹwẹ Debola do na Whẹdatọ Balaki, podọ mẹnu tọn wẹ e dọ gigo lọ na yin?

4. Nawẹ Jaeli do ede hia nado yin yọnnu adọgbotọ de gbọn?

5. Etẹwẹ jọ to okú Ahọlu Jabini tọn godo?

Kanbiọ devo lẹ:

1. Hia Whẹdatọ 2:14-22.

   Nawẹ Islaelivi lẹ hẹn homẹgble Jehovah tọn wá yede ji gbọn, podọ etẹwẹ mí sọgan plọn sọn ehe mẹ? (Whẹ. 2:20; Howh. 3:1, 2; Ezek. 18:21-23)

2. Hia Whẹdatọ 4:1-24.

   Etẹlẹ wẹ yọnnu Klistiani egbezangbe tọn lẹ sọgan plọn sọn apajlẹ yise gọna adọgbigbo Debola po Jaeli po tọn mẹ? (Whẹ. 4:4, 8, 9, 14, 21, 22; Howh. 31:30; 1 Kọl. 16:13)

3. Hia Whẹdatọ 5:1-31.

   Nawẹ ohàn awhàngbigba tọn he Balaki po Debola po ji sọgan taidi odẹ̀ de na awhàn Amagẹdọni tọn he ja lọ gbọn? (Whẹ. 5:3, 31; 1 Otan. 16:8-10; Osọ. 7:9, 10; 16:16; 19:19-21)

Otàn 51

Luti po Naomi Po

1. Etẹwẹ hẹn Naomi wá aigba Moabi tọn ji?

2. Mẹnu wẹ Luti po Olpa po?

3. To whenue Naomi dọna Luti po Olpa po nado lẹkọyi omẹ yetọn lẹ dè, nawẹ dopodopo yetọn yinuwa gbọn?

4. Mẹnu wẹ Boazi, podọ nawẹ e gọalọna Luti po Naomi po gbọn?

5. Nawẹ ovi he Luti po Boazi po ji lọ nọ yin, podọ naegbọn mí dona nọ flin in?

Kanbiọ devo lẹ:

1. Hia Luti 1:1-17.

   1. Apajlẹ dagbe owanyi matin ṣejannabi tọn tẹwẹ Luti dohia? (Luti 1:16, 17)

   2. Nawẹ pọndohlan Luti tọn do aliho he mẹ “lẹngbọ devo” lẹ nọ yinuwa hẹ mẹyiamisisadode lẹ te to egbehe hia gbọn? (Joh. 10:16; Zek. 8:23)

2. Hia Luti 2:1-23.

   Nawẹ Luti ze apajlẹ dagbe dai na jọja yọnnu lẹ to egbehe gbọn? (Luti 2:17, 18; Howh. 23:22; 31:15)

3. Hia Luti 3:5-13.

   1. Nukun tẹwẹ Boazi do pọ́n ojlo Luti tọn nado wlealọ hẹ ẹ kakati nido yin sunnu jọja devo?

   2. Etẹwẹ aliho he mẹ Luti yinuwa te plọn mí gando owanyi nugbo go? (Luti 3:10; 1 Kọl. 13:4, 5)

4. Hia Luti 4:7-17.

   Nawẹ sunnu Klistiani lẹ sọgan taidi Boazi gbọn to egbehe? (Luti 4:9, 10; 1 Tim. 3:1, 12, 13; 5:8)

Otàn 52

Gideoni po Sunnu 300 Etọn lẹ Po

1. Nawẹ Islaelivi lẹ biọ nuhahun susu mẹ gbọn, podọ etẹwutu?

2. Naegbọn Jehovah do dọna Gideoni dọ mẹhe tin to awhànpa etọn mẹ lẹ ko sù hugan?

3. Omẹ nẹmu wẹ pò to whenuena Gideoni dọna mẹhe to budi lẹ nado lẹkọyi whé?

4. To yẹdide lọ yiyizan mẹ, basi zẹẹmẹ lehe Jehovah de sọha sunnu he tin to awhànpa Gideoni tọn mẹ lẹ tọn pò jẹ 300 gbọn.

5. Nawẹ Gideoni basi titona sunnu 300 etọn lẹ gbọn, podọ nawẹ Islaeli gbawhàn gbọn?

Kanbiọ devo lẹ:

1. Hia Whẹdatọ 6:36-40.

   1. Nawẹ Gideoni tẹnpọn nado mọdona nuhe ojlo Jehovah tọn yin gbọn?

   2. Nawẹ mí nọ dindona nuhe ojlo Jehovah tọn yin gbọn to egbehe? (Howh. 2:3-6; Mat. 7:7-11; 2 Tim. 3:16, 17)

2. Hia Whẹdatọ 7:1-25.

   1. Etẹwẹ mí sọgan plọn sọn apajlẹ omẹ 300 he nọ aṣeji lẹ tọn mẹ to vogbingbọn mẹ na mẹhe ma nọ aṣeji lẹ? (Whẹ. 7:3, 6; Lom. 13:11, 12; Efe. 5:15-17)

   2. Kẹdẹdile sunnu 300 lọ lẹ plọnnu sọn Gideoni pinpọn mẹ do, nawẹ mí nọ plọnnu sọn apajlẹ Gideoni Daho lọ, yèdọ Jesu Klisti tọn mẹ gbọn? (Whẹ. 7:17; Mat. 11:29, 30; 28:19, 20; 1 Pita 2:21)

   3. Nawẹ Whẹdatọ 7:21 gọalọna mí nado tindo pekọ to sinsẹ̀nzọn mítọn mẹ mahopọnna azọ́ndenamẹ mítọn to titobasinanu Jehovah tọn mẹ gbọn? (1 Kọl. 4:2; 12:14-18; Jak. 4:10)

3. Hia Whẹdatọ 8:1-3.

   Eyin mí dona didẹ gbemanọpọ delẹ hẹ mẹmẹsunnu kavi mẹmẹyọnnu de, etẹwẹ mí sọgan plọn sọn aliho he mẹ Gideoni didẹ gbemanọpọ de te hẹ Eflaiminu lẹ mẹ? (Howh. 15:1; Mat. 5:23, 24; Luku 9:48)

Otàn 53

Opagbe Jẹfta Tọn

1. Mẹnu wẹ Jẹfta, podọ ojlẹ tẹ mẹ wẹ e nọgbẹ̀ te?

2. Opagbe tẹwẹ Jẹfta do na Jehovah?

3. Naegbọn Jẹfta do blawu to whenuena e lẹkọyi whégbè to awhàngbigba do Ammọninu lẹ ji godo?

4. Etẹwẹ viyọnnu Jẹfta tọn dọ to whenuena e sè opagbe he otọ́ etọn do?

5. Naegbọn gbẹtọ lẹ do yiwanna viyọnnu Jẹfta tọn?

Kanbiọ devo lẹ:

1. Hia Whẹdatọ 10:6-18.

   Avase tẹwẹ mí dona setonuna gando kandai nugbonọ-mayin Islaeli tọn na Jehovah go? (Whẹ. 10:6, 15, 16; Lom. 15:4; Osọ. 2:10)

2. Hia Whẹdatọ 11:1-11, 29-40.

   1. Nawẹ mí wagbọn do yọnẹn dọ viyọnnu Jẹfta tọn zizejo taidi “avọ́nunina mimẹ̀ de” ma zẹẹmẹdo dọ e yí i do sanvọ́ to miyọ́n mẹ? (Whẹ. 11:31; Lev. 16:24; Deut. 18:10, 12)

   2. Aliho tẹ mẹ wẹ Jẹfta yí viyọnnu etọn do sanvọ́ te?

   3. Etẹwẹ mí sọgan plọn sọn nuyiwa Jẹfta tọn gando opagbe he e do na Jehovah go mẹ? (Whẹ. 11:35, 39; Yẹwh. 5:4, 5; Mat. 16:24)

   4. Nawẹ viyọnnu Jẹfta tọn yin apajlẹ dagbe de na jọja Klistiani lẹ na nuhe dù afọdidona sinsẹ̀nzọn whenu-gigọ́ tọn gbọn? (Whẹ. 11:36; Mat. 6:33; Flp. 3:8)

Otàn 54

Sunnu Huhlọnnọ Hugan Lọ

1. Nawẹ sunnu he tindo huhlọn hugan to aigba ji lọ nọ yin, podọ mẹnu wẹ na ẹn huhlọn lọ?

2. Dile hiẹ sọgan mọ do to yẹdide lọ mẹ, etẹwẹ Samsọni wà na kinnikinni daho de to gbèdopo?

3. Aṣli tẹwẹ Samsọni to didọna Dẹlila to yẹdide lọ mẹ, podọ nawẹ ehe zọ́n bọ alọ Filistininu lẹ tọn jẹ e go gbọn?

4. Nawẹ Samsọni hẹn okú wá na kẹntọ Filistininu 3000 to gbeegbe e kú gbọn?

Kanbiọ devo lẹ:

1. Hia Whẹdatọ 13:1-14.

   Namẹ Manoa po asi etọn po wleawuna apajlẹ dagbe de na mẹjitọ lẹ to ovi yetọn lẹ go pinpọn whẹ́n mẹ gbọn? (Whẹ. 13:8; Ps. 127:3; Efe. 6:4)

2. Hia Whẹdatọ 14:5-9 po 15:9-16 po.

   1. Etẹwẹ kandai lọ gando lehe Samsọni hù kinnikinni de do bo wẹ́n okàn yọyọ he yè yí do blá ẹ lẹ po lehe e yí aglànkahú kẹtẹkẹtẹ de tọn do hù sunnu 1000 do po go dohia gando nuyiwa gbigbọ wiwe Jehovah tọn go?

   2. Nawẹ gbigbọ wiwe nọ gọalọna mí gbọn to egbehe? (Whẹ. 14:6; 15:14; Zek. 4:6; Owalọ 4:31)

3. Hia Whẹdatọ 16:18-31.

   Nawẹ ogbẹ́ ylankan yinuwado Samsọni ji gbọn, podọ etẹwẹ mí sọgan plọn sọn ehe mẹ? (Whẹ. 16:18, 19; 1 Kọl. 15:33)

Otàn 55

Visunnu Pẹvi de Sẹ̀n Jiwheyẹwhe

1. Nawẹ visunnu pẹvi he tin to yẹdide lọ mẹ nọ yin, podọ mẹnu wẹ mẹhe pò lẹ?

2. Odẹ̀ tẹwẹ Hanna hò to whenue e wá gòhọ Jehovah tọn mẹ to gbèdopo, podọ nawẹ Jehovah na ẹn gblọndo gbọn?

3. Owhe nẹmu wẹ Samuẹli tindo to whenue e yin hinhẹn yì gòhọ Jehovah tọn mẹ nado sẹ̀n, podọ etẹwẹ onọ̀ etọn nọ wà na ẹn to whemẹwhemẹ?

4. Nawẹ visunnu Eli tọn lẹ nọ yin, podọ omẹ nankọ wẹ yé?

5. Nawẹ Jehovah ylọ Samuẹli gbọn, podọ owẹ̀n tẹwẹ E do na ẹn?

6. Etẹwẹ Samuẹli wá lẹzun to whenuena e whẹ́n, podọ etẹwẹ jọ to whenue e poyọnho?

Kanbiọ devo lẹ:

1. Hia 1 Samuẹli 1:1-28.

   1. Apajlẹ dagbe tẹwẹ Ẹlkana zedai na tatọ́ whẹndo tọn lẹ na nuhe dù nukọntọ-yinyin to sinsẹ̀n-bibasi nugbo mẹ? (1 Sam. 1:3, 21; Mat. 6:33; Flp. 1:10)

   2. Etẹwẹ mí sọgan plọn sọn apajlẹ Hanna tọn mẹ to whenue mí to ahidi hẹ nuhahun sinsinyẹn de? (1 Sam. 1:10, 11; Ps. 55:22; Lom. 12:12)

2. Hia 1 Samuẹli 2:11-36.

   Nawẹ Eli gbògbéna visunnu etọn lẹ hú Jehovah gbọn, podọ nawẹ ehe yin avase de na mí gbọn? (1 Sam. 2:22-24, 27, 29; Deut. 21:18-21; Mat. 10:36, 37)

3. Hia 1 Samuẹli 4:16-18.

   Owẹ̀n nugbajẹmẹji tọn ẹnẹ-to-pọmẹ tẹwẹ wá sọn awhàngbenu, podọ nawẹ ehe yinuwado Eli ji gbọn?

4. Hia 1 Samuẹli 8:4-9.

   Nawẹ Islaeli hẹn homẹgblena Jehovah sinsinyẹn gbọn, podọ nawẹ mí sọgan yí nugbonọ-yinyin do nọgodona Ahọluduta etọn to egbehe gbọn? (1 Sam. 8:5, 7; Joh. 17:16; Jak. 4:4)

Otàn 56

Sauli—Ahọlu Tintan Islaeli Tọn

1. Etẹ wà wẹ Samuẹli te to yẹdide lọ mẹ, podọ etẹwutu?

2. Naegbọn Jehovah do yiwanna Sauli, podọ omẹ nankọ wẹ e yin?

3. Nawẹ visunnu Sauli tọn nọ yin, podọ etẹwẹ visunnu lọ wà?

4. Naegbọn Sauli do basi avọ́sinsan de kakati nado nọtepọn Samuẹli nado wá basi i?

5. Etẹwẹ mí sọgan plọn sọn kandai he gando Sauli go mẹ?

Kanbiọ devo lẹ:

1. Hia 1 Samuẹli 9:15-21 po 10:17-27 po.

   Nawẹ jlẹkajininọ Sauli tọn gọalọna ẹn nado dapana nuyiwa sọmawhe tọn to whenuena mẹdelẹ dọho gandego po mẹmasi po gbọn? (1 Sam. 9:21; 10:21, 22, 27; Howh. 17:27)

2. Hia 1 Samuẹli 13:5-14.

   Ylando tẹwẹ Sauli wà to Gilgali? (1 Sam. 10:8; 13:8, 9, 13)

3. Hia 1 Samuẹli 15:1-35.

   1. Ylando sinsinyẹn tẹwẹ Sauli wà to whẹho Agagi, ahọlu Amalẹki tọn mẹ? (1 Sam. 15:2, 3, 8, 9, 22)

   2. Nawẹ Sauli tẹnpọn nado suwhẹna nuyiwa etọn bo de whẹgbledomẹ lọ sọn ede ji gbọn? (1 Sam. 15:24)

   3. Avase tẹwẹ mí dona nọ setonuna to whenue mí mọ ayinamẹ yí to egbehe? (1 Sam. 15:19-21; Ps. 141:5; Howh. 9:8, 9; 11:2)

Otàn 57

Jiwheyẹwhe De Davidi

1. Nawẹ visunnu he to yẹdide lọ mẹ nọ yin, podọ nawẹ mí wagbọn do yọnẹn dọ adọgbotọ de wẹ?

2. Fie wẹ Davidi nọ, podọ nawẹ otọ́ etọn po babadaho etọn po nọ yin?

3. Naegbọn Jehovah dọna Samuẹli nado yì owhé Jẹsse tọn gbè to Bẹtlẹhẹm?

4. Etẹwẹ jọ to whenue Jẹsse hẹn visunnu etọn ṣinawe wá Samuẹli nukọn?

5. To whenue Davidi yin hinhẹnwa, etẹwẹ Jehovah dọna Samuẹli?

Kanbiọ devo lẹ:

1. Hia 1 Samuẹli 17:34, 35.

   Nawẹ nujijọ ehelẹ do obá he mẹ adọgbigbo po jidide Davidi tọn do Jehovah go po sinyẹn jẹ hia gbọn? (1 Sam. 17:37)

2. Hia 1 Samuẹli 16:1-14.

   1. Nawẹ hogbe Jehovah tọn he tin to 1 Samuẹli 16:7 mẹ lẹ gọalọna mí nado nọ dapana mẹnukuntahihopọn po awusọhia gbonu tọn po pinpọn gbọn? (Owalọ 10:34, 35; 1 Tim. 2:4)

   2. Nawẹ apajlẹ Sauli tọn dohia dọ eyin Jehovah yí gbigbọ wiwe etọn sọn mẹde ji, gbigbọ ylankan kavi ojlo zogbe na ylanwiwa sọgan gọ́ otẹn he jẹvọ́ lọ mẹ gbọn? (1 Sam. 16:14; Mat. 12:43-45; Gal. 5:16)

Otàn 58

Davidi po Goliati Po

1. Etẹwẹ Goliati dọ to whenue e tọ́nawhàn awhànpa Islaeli tọn?

2. Nawẹ Goliati tọ́nalùn sọ, podọ opagbe tẹwẹ Ahọlu Sauli dona mẹhe na hù Goliati?

3. Etẹwẹ Davidi dọ to whenuena Sauli dọna ẹn dọ e ma sọgan hoavùn hẹ Goliati na yọpọvu de wẹ ewọ?

4. Nawẹ Davidi do jidide etọn to Jehovah mẹ hia gbọn to gblọndo etọn mẹ na Goliati?

5. Dile hiẹ sọgan mọ do to yẹdide lọ mẹ, etẹwẹ Davidi yizan nado hù Goliati, podọ etẹwẹ jọ do Filistininu lẹ go to enẹgodo?

Kanbiọ devo lẹ:

1. Hia 1 Samuẹli 17:1-54.

   1. Etẹ ji wẹ adọgbigbo Davidi tọn sinai do, podọ nawẹ mí sọgan hodo apajlẹ adọgbigbo etọn tọn gbọn? (1 Sam. 17:37, 45; Efe. 6:10, 11)

   2. Naegbọn Klistiani lẹ dona dapana gbigbọ agbàwhinwhlẹn Goliati tọn nkọ to aihundida po ayidedai lẹ po mẹ? (1 Sam. 17:8; Gal. 5:26; 1 Tim. 4:8)

   3. Nawẹ hogbe Davidi tọn lẹ dohia dọ e tindo yise to godonọnamẹ Jiwheyẹwhe tọn mẹ gbọn? (1 Sam. 17:45-47; 2 Otan. 20:15)

   4. Kakati nado basi zẹẹmẹ awhàn lọ tọn taidi agbàwhinwhlẹn to awhànpa voovo awe ṣẹnṣẹn poun, nawẹ kandai ehe dohia dọ yẹwhe lalo lẹ po Jiwheyẹwhe nugbo lọ, Jehovah po ṣẹnṣẹn wẹ awhàn lọ wá aimẹ te na nugbo tọn gbọn? (1 Sam. 17:43, 46, 47)

   5. Nawẹ pipotọ mẹyiamisisadode lẹ tọn nọ hodo apajlẹ Davidi tọn to jidide do Jehovah go mẹ gbọn? (1 Sam. 17:37; Jel. 1:17-19; Osọ. 12:17)

Otàn 59

Nuhewutu Davidi Dona Họ̀n

1. Naegbọn Sauli do whànwu Davidi, ṣigba nawẹ visunnu Sauli tọn Jonatani gbọnvo gbọn?

2. Etẹwẹ jọ to gbèdopo to whenue Davidi to ajalẹn hò na Sauli?

3. Etẹwẹ Sauli dọ Davidi dona wà whẹpo do sọgan dà viyọnnu etọn Mikali, podọ naegbọn Sauli do dọmọ?

4. Whenuena Davidi to ajalẹn hò na Sauli, etẹwẹ jọ whla atọ̀ntọ dile yẹdide lọ dohia do?

5. Nawẹ Mikali gọalọ nado whlẹn Davidi gbọn, podọ etẹwẹ Davidi dona wà na owhe ṣinawe bẹsọn ojlẹ enẹ mẹ?

Kanbiọ devo lẹ:

1. Hia 1 Samuẹli 18:1-30.

   1. Nawẹ owanyi sisosiso he Jonatani tindo na Davidi nọtena owanyi he “lẹngbọ devo” po “lẹngbọpa pẹvi” po tindo to yede ṣẹnṣẹn gbọn? (1 Sam. 18:1; Joh. 10:16; Luku 12:32; Zek. 8:23)

   2. Dile etlẹ yindọ Jonatani wẹ jẹ nado yin whédutọ Sauli tọn, nawẹ 1 Samuẹli 18:4 do taliai ayidego tọn he Jonatani tindo na mẹhe yin dide nado duahọlu lọ hia gbọn?

   3. Nawẹ apajlẹ Sauli tọn dohia dọ awuwhàn sọgan planmẹ biọ ylando sinsinyẹn mẹ gbọn, podọ avase tẹwẹ ehe na mí? (1 Sam. 18:7-9, 25; Jak. 3:14-16)

2. Hia 1 Samuẹli 19:1-17.

   Nawẹ Jonatani ze ogbẹ̀ edetiti tọn do owù mẹ gbọn to whenue e dọ nuhe tin to 1 Samuẹli 19:4, 5 mẹ? (1 Sam. 19:1, 6)

Otàn 60

Abigaili po Davidi Po

1. Nawẹ nawe he jlo na wá pé Davidi to yẹdide lọ mẹ nọ yin, podọ omẹ nankọ wẹ ewọ?

2. Mẹnu wẹ Nabali?

3. Naegbọn Davidi do do delẹ to sunnu etọn lẹ mẹ hlan nado dín nukundagbe Nabali tọn?

4. Etẹwẹ Nabali dọna sunnu Davidi tọn lẹ, podọ nawẹ Davidi yinuwa gbọn?

5. Nawẹ Abigaili do ede hia nado yin yọnnu nuyọnẹntọ de gbọn?

Kanbiọ devo lẹ:

1. Hia 1 Samuẹli 22:1-4.

   Nawẹ whẹndo Davidi tọn ze apajlẹ dagbe dai na nuhe dù godoninọna ode awetọ to agun Klistiani tọn mẹ gbọn? (Howh. 17:17; 1 Tẹs. 5:14)

2. Hia 1 Samuẹli 25:1-43.

   1. Naegbọn Nabali do yin zẹẹmẹ basina taidi nulunọ de? (1 Sam. 25:2-5, 10, 14, 21, 25)

   2. Etẹwẹ asi Klistiani lẹ sọgan plọn sọn apajlẹ Abigaili tọn mẹ to egbehe? (1 Sam. 25:32, 33; Howh. 31:26; Efe. 5:24)

   3. Onú ylankan awe tẹlẹ wẹ Abigaili glọnalina Davidi nado wà? (1 Sam. 25:31, 33; Lom. 12:19; Efe. 4:26)

   4. Nawẹ aliho he mẹ Davidi yinuwa hẹ ohó Abigaili tọn lẹ te sọgan gọalọna sunnu lẹ to egbehe nado tindo pọndohlan Jehovah tọn gando yọnnu lẹ go gbọn? (Owalọ 21:8, 9; Lom. 2:11; 1 Pita 3:7)

Otàn 61

Davidi Duahọlu

1. Etẹwẹ Davidi po Abiṣai po wà to whenuena Sauli to amlọndọ to fie e dosla do?

2. Kanbiọ tẹlẹ wẹ Davidi kanse Sauli?

3. To whenuena Davidi tọ́n sọn Sauli dè, fie wẹ e yì?

4. Etẹwẹ hẹn Davidi blawu tlala bo whàn ẹn nado pà ohàn dagbedagbe de?

5. Owhe nẹmu wẹ Davidi tindo to whenuena e duahọlu to Heblọni, podọ nawẹ delẹ to visunnu etọn lẹ mẹ nọ yin?

6. Fie wẹ Davidi sọ dugán te taidi ahọlu to nukọn mẹ?

Kanbiọ devo lẹ:

1. Hia 1 Samuẹli 26:1-25.

   1. Etẹwẹ hogbe Davidi tọn he yin kinkàndai to 1 Samuẹli 26:11 mẹ lẹ dohia gando tito yẹwhehọluduta tọn go? (Ps. 37:7; Lom. 13:2)

   2. Eyin mí nọ dovivẹnu sinsinyẹn nado do dagbewanyi hia mẹde ṣigba bọ e ma yọ́n pinpẹn etọn, nawẹ hogbe Davidi tọn he tin to 1 Samuẹli 26:23 mẹ lẹ sọgan gọalọna mí nado hẹn pọndohlan he sọgbe go gbọn? (1 Ahọ. 8:32; Ps. 18:20)

2. Hia 2 Samuẹli 1:26.

   Nawẹ Klistiani lẹ sọgan wleawuna “owanyi sisosiso na ode awetọ” to egbehe gbọn dile Davidi po Jonatani po wà do? (1 Pita 4:8; Kọl. 3:14; 1 Joh. 4:12)

3. Hia 2 Samuẹli 5:1-10.

   1. Owhe nẹmu wẹ Davidi do duahọlu, podọ nawẹ ojlẹ gandudu etọn tọn yin mimá gbọn? (2 Sam. 5:4, 5)

   2. Etẹwẹ aṣli kiklo-yinyin Davidi tọn, podọ nawẹ ehe yinuwa taidi nuflinmẹ de na mí to egbehe gbọn? (2 Sam. 5:10; 1 Sam. 16:13; 1 Kọl. 1:31; Flp. 4:13)

Otàn 62

Tukla to Owhé Davidi Tọn Gbè

1. Po alọgọ Jehovah tọn po, etẹwẹ wá jọ do aigba Kenani tọn go to godo mẹ?

2. Etẹwẹ jọ to whèjai dopo to whenuena Davidi tin to aga to họ̀nmẹ etọn?

3. Naegbọn Jehovah do gblehomẹ do Davidi go sinsinyẹn?

4. To yẹdide lọ mẹ, mẹnu wẹ Jehovah dohlan Davidi dè nado dọ ylando etọn na ẹn, podọ etẹwẹ dawe ehe dọ e na jọ do Davidi go?

5. Tukla tẹlẹ wẹ Davidi tindo?

6. Mẹnu wẹ lẹzun Ahọlu Islaeli tọn bọdo Davidi go?

Kanbiọ devo lẹ:

1. Hia 2 Samuẹli 11:1-27.

   1. Nawẹ alọnu hinhẹn ján to sinsẹ̀nzọn Jehovah tọn mẹ nọ yin hihọ́ na mí gbọn?

   2. Nawẹ Davidi jẹ ylando mẹ gbọn, podọ avase tẹwẹ ehe yin na devizọnwatọ Jehovah tọn lẹ to egbehe? (2 Sam. 11:2; Mat. 5:27-29; 1 Kọl. 10:12; Jak. 1:14, 15)

2. Hia 2 Samuẹli 12:1-18.

   1. Etẹwẹ mẹho lẹ po mẹjitọ lẹ po sọgan plọn sọn aliho he mẹ Natani dọnsẹpọ Davidi nado na ẹn ayinamẹ te mẹ? (2 Sam. 12:1-4; Howh. 12:18; Mat. 13:34)

   2. Naegbọn Jehovah do do lẹblanu hia Davidi? (2 Sam. 12:13; Ps. 32:5; 2 Kọl. 7:9, 10)

Otàn 63

Sọlomọni—Ahọlu Nuyọnẹntọ De

1. Etẹwẹ Jehovah kanse Sọlomọni, podọ nawẹ e gblọn dọ?

2. Na homẹ Jehovah tọn hùn na nuhe Sọlomọni biọ wutu, etẹwẹ e dopagbe nado na ẹn?

3. Whẹho sinsinyẹn tẹwẹ nawe awe delẹ hẹnwa Sọlomọni dè?

4. Dile e yin didohia do to yẹdide lọ mẹ, nawẹ Sọlomọni didẹ nuhahun lọ gbọn?

5. Etẹwẹ yin ninọmẹ lẹ to gandudu Sọlomọni tọn glọ, podọ etẹwutu?

Kanbiọ devo lẹ:

1. Hia 1 Ahọlu lẹ 3:3-28.

   1. Etẹwẹ sunnu he tindo azọngban to titobasinanu Jiwheyẹwhe tọn mẹ to egbehe lẹ sọgan plọn sọn hogbe ahundopo tọn Sọlomọni tọn he tin to 1 Ahọlu lẹ 3:7 mẹ? (Ps. 119:105; Howh. 3:5, 6)

   2. Nawẹ obiọ Sọlomọni tọn yin apajlẹ dagbe nuhe sọgbe nado yin bibiọ to odẹ̀ mẹ lẹ tọn gbọn? (1 Ahọ. 3:9, 11; Howh. 30:8, 9; 1 Joh. 5:14)

   3. Jidide tẹwẹ aliho he mẹ Sọlomọni didẹ whẹho he fọndote to nawe awe lọ lẹ ṣẹnṣẹn te na mí gando gandudu sọgodo tọn Sọlomọni Daho lọ, Jesu Klisti tọn go? (1 Ahọ. 3:28; Isa. 9:6, 7; 11:2-4)

2. Hia 1 Ahọlu lẹ 4:29-34.

   1. Nawẹ Jehovah na gblọndo obiọ he Sọlomọni basi nado sọgan tindo ahun tonusise tọn de gbọn? (1 Ahọ. 4:29)

   2. Eyin mí pọ́n lehe gbẹtọ lẹ dovivẹnu nado wá sè nuyọnẹn Sọlomọni tọn do, etẹwẹ dona yin walọ mítọn gando Ohó Jiwheyẹwhe tọn pinplọn go? (1 Ahọ. 4:29, 34; Joh. 17:3; 2 Tim. 3:16)

Otàn 64

Sọlomọni Gbá Tẹmpli Lọ

1. Ojlẹ nẹmu wẹ e yí to Sọlomọni si nado fó tẹmpli Jehovah tọn gbigbá, podọ naegbọn e do biọ akuẹ susu sọmọ?

2. Abò titengbe nẹmu wẹ tin to tẹmpli lọ mẹ, podọ etẹwẹ yin zizedo abò homẹ tọn lọ mẹ?

3. Etẹwẹ Sọlomọni dọ to odẹ̀ mẹ to whenue tẹmpli lọ yin tadona?

4. Nawẹ Jehovah dohia gbọn dọ emi kẹalọyi odẹ̀ Sọlomọni tọn?

5. Etẹwẹ asi Sọlomọni tọn lẹ hẹn ẹn nado wà, podọ etẹwẹ jọ do Sọlomọni go?

6. Naegbọn Jehovah do gblehomẹ do Sọlomọni go, podọ etẹwẹ Jehovah dọna ẹn?

Kanbiọ devo lẹ:

1. Hia 1 Otannugbo lẹ 28:9, 10.

   Sọgbe hẹ hogbe Davidi tọn he yin kinkàndai to 1 Otannugbo lẹ 28:9, 10 mẹ lẹ, etẹwẹ mí dona dovivẹnu nado nọ wà to gbẹzan egbesọegbesọ tọn mítọn mẹ? (Ps. 19:14; Flp. 4:8, 9)

2. Hia 2 Otannugbo lẹ 6:12-21, 32-42.

   1. Nawẹ Sọlomọni dohia dọ ohọ̀ he gbẹtọ gbá depope ma sọgan hẹn Jiwheyẹwhe Ganhunupotọ lọ gbọn? (2 Otan. 6:18; Owalọ 17:24, 25)

   2. Etẹwẹ hogbe Sọlomọni tọn he tin to 2 Otannugbo lẹ 6:32, 33 mẹ lẹ dohia gando Jehovah go? (Owalọ 10:34, 35; Gal. 2:6)

3. Hia 2 Otannugbo lẹ 7:1-5.

   Kẹd2ẹdile ovi Islaeli tọn lẹ yin whinwhàn nado pagigona Jehovah to whenuena yé mọ gigo etọn do, nawẹ ehe dona yinuwado mí ji to whenuena mí lẹnnupọndo dona he Jehovah nọ kọ̀n do omẹ etọn lẹ ji to egbehe gbọn? (2 Otan. 7:3; Ps. 22:22; 34:1; 96:2)

4. Hia 1 Ahọlu lẹ 11:9-13.

   Nawẹ aliho gbẹninọ tọn Sọlomọni tọn dohia dọ nujọnu wẹ e yin nado gbọṣi nugbonọ-yinyin mẹ kakajẹ opodo gbọn? (1 Ahọ. 11:4, 9; Mat. 10:22; Osọ. 2:10)

Otàn 65

Ahọluduta lọ Yin Mimá

1. Nawẹ dawe awe he tin to yẹdide lọ mẹ lẹ nọ yin, podọ mẹnu wẹ yé yin?

2. Etẹwẹ Ahija wà po awù he to okọ̀ na ẹn po, podọ etẹwẹ nuyiwa enẹ zẹẹmẹdo?

3. Etẹwẹ Sọlomọni tẹnpọn nado wà na Jeloboami?

4. Naegbọn gbẹtọ lẹ do yí Jeloboami do doahọlu do whẹndo ao ji?

5. Naegbọn Jeloboami do basi oyìnvu sika tọn awe, podọ etẹwẹ gbayipe to aigba lọ ji to ojlẹ vude godo?

6. Etẹwẹ jọ do ahọluduta whẹndo awe tọn lọ po tẹmpli Jehovah tọn po go to Jelusalẹm?

Kanbiọ devo lẹ:

1. Hia 1 Otannugbo lẹ 11:26-43.

   Omẹ nankọ wẹ Jeloboami yin, podọ opagbe tẹwẹ Jehovah do na ẹn eyin e yìn osẹ́n Jiwheyẹwhe tọn lẹ? (1 Ahọ. 11:28, 38)

2. Hia 1 Otannugbo lẹ 12:1-33.

   1. Etẹwẹ mẹjitọ lẹ po mẹho agun tọn lẹ sọgan plọn sọn apajlẹ ylankan Lehoboami tọn mẹ gando aṣẹpipa ṣiṣizan go? (1 Ahọ. 12:13; Yẹwh. 7:7; 1 Pita 5:2, 3)

   2. Mẹnu wẹ jọja lẹ dona nọ lẹhlan na ayinamẹ dejidego lẹ to whenuena yé pannukọn nudide gbẹzan tọn sinsinyẹn lẹ? (1 Ahọ. 12:6, 7; Howh. 1:8, 9; 2 Tim. 3:16, 17; Heb. 13:7)

   3. Etẹwẹ sisẹ́ Jeloboami nado do nọtẹn awe ai na sinsẹ̀n-bibasi oyìnvu tọn, podọ nawẹ ehe do yise matindo sinsinyẹn to Jehovah mẹ hia gbọn? (1 Ahọ. 11:37; 12:26-28)

   4. Mẹnu wẹ dọ̀n omẹ ahọluduta whẹndo ao tọn lọ lẹ biọ atẹṣiṣi sọta sinsẹ̀n-bibasi nugbo mẹ? (1 Ahọ. 12:32, 33)

Otàn 66

Jẹzebẹli—Ahọsi Ylankan De

1. Mẹnu wẹ Jẹzebẹli?

2. Naegbọn Ahọlu Ahabi do blawu to gbèdopo?

3. Etẹwẹ Jẹzebẹli wà nado hò vẹngle Naboti tọn yí na asu etọn Ahabi?

4. Mẹnu wẹ Jehovah dohlan nado sayana Jẹzebẹli?

5. Dile hiẹ sọgan mọ do to yẹdide lọ mẹ, etẹwẹ jọ to whenue Jehu jẹ họ̀nmẹ Jẹzebẹli tọn?

Kanbiọ devo lẹ:

1. Hia 1 Ahọlu lẹ 16:29-33 po 18:3, 4 po.

   Nawẹ ninọmẹ lẹ ylan sọ to Islaeli to ojlẹ Ahọlu Ahabi tọn whenu? (1 Ahọ. 14:9)

2. Hia 1 Ahọlu lẹ 21:1-16.

   1. Nawẹ Naboti do adọgbigbo po nugbonọ-yinyin na Jehovah po hia gbọn? (1 Ahọ. 21:1-3; Lev. 25:23-28)

   2. Etẹwẹ mí plọn sọn apajlẹ Ahabi tọn mẹ gando lehe mí sọgan pehẹ flumẹjijẹ do go? (1 Ahọ. 21:4; Lom. 5:3-5)

3. Hia 2 Ahọlu lẹ 9:30-37.

   Etẹwẹ mí sọgan plọn sọn zohunhun Jehu tọn nado wà ojlo Jehovah tọn mẹ? (2 Ahọ. 9:4-10; 2 Kọl. 9:1, 2; 2 Tim. 4:2)

Otàn 67

Jehọṣafati Dejido Jehovah Go

1. Mẹnu wẹ Jehọṣafati, podọ ojlẹ tẹ mẹ wẹ e nọgbẹ̀ te?

2. Naegbọn Islaelivi lẹ do to budi, podọ etẹwẹ susu yetọn lẹ wà?

3. Gblọndo tẹwẹ Jehovah na odẹ̀ Jehọṣafati tọn?

4. Etẹwẹ Jehovah na dotẹnmẹ nado jọ jẹnukọnna awhàn lọ?

5. Etẹwẹ mí sọgan plọn sọn apajlẹ Jehọṣafati tọn mẹ?

Kanbiọ devo lẹ:

1. Hia 2 Otannugbo lẹ 20:1-30.

   1. Nawẹ Jehọṣafati do nuhe devizọnwatọ nugbonọ Jiwheyẹwhe tọn lẹ dona wà to whenue yé pehẹ ninọmẹ budonamẹ tọn lẹ hia gbọn? (2 Otan. 20:12; Ps. 25:15; 62:1)

   2. To whenuena e yindọ Jehovah tindo aliho hodọdopọ tọn tangan de he e nọ yizan to nuyiwa etọn hẹ omẹ etọn lẹ mẹ, aliho tẹwẹ e nọ yizan to egbehe? (2 Otan. 20:14, 15; Mat. 24:45-47; Joh. 15:15)

   3. To whenuena Jiwheyẹwhe na bẹ “awhàn azán daho Jiwheyẹwhe Ganhunupotọ lọ tọn” jẹeji, nawẹ ninọmẹ mítọn na taidi Jehọṣafati tọn nkọ gbọn? (2 Otan. 20:15, 17; 32:8; Osọ. 16:14, 16)

   4. To apajlẹ Levinu lẹ tọn hihodo mẹ, adà tẹwẹ gbehosọnalitọ lẹ po mẹdehlan lẹ po nọ yiwà to azọ́n yẹwhehodidọ lẹdo aihọn pé tọn mẹ to egbehe? (2 Otan. 20:19; Lom. 10:13-15; 2 Tim. 4:2)

Otàn 68

Visunnu Awe He Gọwá Ogbẹ̀ Lẹ

1. Mẹnu wẹ omẹ atọ̀n he tin to yẹdide lọ mẹ lẹ, podọ etẹwẹ jọ do visunnu pẹvi lọ go?

2. Odẹ̀ tẹwẹ Elija hò do ota visunnu lọ tọn mẹ, podọ etẹwẹ jọ bọdego?

3. Nawẹ alọgọtọ Elija tọn nọ yin?

4. Naegbọn Eliṣa do yin yiylọ wá owhé yọnnu de tọn gbè to Ṣunẹmi?

5. Etẹwẹ Eliṣa wà, podọ etẹwẹ jọ do ovi he ko kú lọ go?

6. Dile e yin didohia gbọn Elija po Eliṣa po gblamẹ do, huhlọn tẹwẹ Jehovah tindo?

Kanbiọ devo lẹ:

1. Hia 1 Ahọlu lẹ 17:8-24.

   1. Nawẹ tonusise po yise Elija tọn po yin whiwhlepọn gbọn? (1 Ahọ. 17:9; 19:1-4, 10)

   2. Nawẹ yise asuṣiọsi Zalefati tọn lọ yin ayidego tọn gbọn? (1 Ahọ. 17:12-16; Luku 4:25, 26)

   3. Nawẹ numimọ asuṣiọsi Zalefati tọn lọ do nugbo-yinyin hogbe Jesu tọn he yin kinkàndai to Matiu 10:41, 42 mẹ lẹ tọn hia gbọn? (1 Ahọ. 17:10-12, 17, 23, 24)

2. Hia 2 Ahọlu lẹ 4:8-37.

   1. Etẹwẹ yọnnu Ṣunẹmi tọn lọ plọn mí gando johẹmẹ go? (2 Ahọ. 4:8; Luku 6:38; Lom. 12:13; 1 Joh. 3:17)

   2. Aliho tẹlẹ mẹ wẹ mí sọgan do homẹdagbe hia devizọnwatọ Jiwheyẹwhe tọn lẹ te to egbehe? (Owalọ 20:35; 28:1, 2; Gal. 6:9, 10; Heb. 6:10)

Otàn 69

Viyọnnu de Gọalọna Dawe Asuka De

1. To yẹdide lọ mẹ, etẹ dọ wẹ viyọnnu pẹvi lọ te na nawe lọ?

2. Mẹnu wẹ nawe he tin to yẹdide lọ mẹ, podọ etẹwẹ viyọnnu lọ to wiwà to owhé nawe lọ tọn gbè?

3. Etẹwẹ Eliṣa degbena devizọnwatọ etọn nado dọna Naamani, podọ etẹwutu wẹ Naamani do gblehomẹ?

4. Etẹwẹ jọ to whenuena Naamani dotoaina nuhe devizọnwatọ etọn lẹ dọna ẹn?

5. Naegbọn Eliṣa do gbẹ́ nunina Naamani tọn lẹ, ṣigba etẹwẹ Gehazi wà?

6. Etẹwẹ jọ do Gehazi go, podọ etẹwẹ mí sọgan plọn sọn ehe mẹ?

Kanbiọ devo lẹ:

1. Hia 2 Ahọlu lẹ 5:1-27.

   1. Nawẹ apajlẹ viyọnnu Islaelivi lọ tọn sọgan na tuli jọja lẹ to egbehe gbọn? (2 Otan. 5:3; Ps. 8:2; 148:12, 13)

   2. Naegbọn mí dona nọ hẹn apajlẹ Naamani tọn do ayiha mẹ to whenuena mí mọ ayinamẹ sinai do Owe-wiwe ji de yí? (2 Ahọ. 5:15; Heb. 12:5, 6; Jak. 4:6)

   3. Etẹwẹ mí sọgan plọn sọn apajlẹ Eliṣa tọn yiyijlẹdo Gehazi tọn go mẹ? (2 Ahọ. 5:9, 10, 14-16, 20; Mat. 10:8; Owalọ 5:1-5; 2 Kọl. 2:17)

Otàn 70

Jona po Whèvi Daho lọ Po

1. Mẹnu wẹ Jona, podọ etẹwẹ Jehovah dọna ẹn nado wà?

2. Na Jona ma jlo na yì fie Jehovah do e hlan wutu, etẹwẹ e wà?

3. Etẹwẹ Jona dọna tọjihun-kùntọ lẹ dọ yé ni wà nado sọgan doalọtena jẹhọn sinsinyẹn lọ?

4. Dile hiẹ sọgan mọ do to yẹdide lọ mẹ, etẹwẹ jọ to whenuena Jona siọ biọ otọ̀ lọ mẹ?

5. Nawẹ Jona nọ homẹ na whèvi daho lọ dẹnsọ, podọ etẹwẹ e wà to finẹ?

6. Fie wẹ Jona yì to whenuena e tọ́n sọn homẹ na whèvi daho lọ godo, podọ etẹwẹ ehe plọn mí?

Kanbiọ devo lẹ:

1. Hia Jona 1:1-17.

   Matin ayihaawe, etẹwẹ yin numọtolanmẹ Jona tọn gando azọ́ndenamẹ etọn nado yì dọyẹwheho na Ninevenu lẹ go? (Jona 1:2, 3; Howh. 3:7; Yẹwh. 8:12)

2. Hia Jona 2:1, 2, 10.

   Nawẹ numimọ Jona tọn na mí jide dọ Jehovah na na gblọndo odẹ̀ mítọn lẹ gbọn? (Ps. 22:24; 34:6; 1 Joh. 5:14)

3. Hia Jona 3:1-10.

   1. Tulinamẹ tẹwẹ mí mọyi sọn nugbo lọ mẹ dọ Jehovah zindonukọn nado to Jona yizan mahopọnna awugbopo etọn nado hẹn azọngban etọn di to tintan whenu? (Ps. 103:14; 1 Pita 5:10)

   2. Etẹwẹ numimọ he Jona tindo to whẹho Ninevenu lẹ tọn mẹ plọn mí gando owhẹ̀ agọ̀ didá na mẹhe tin to aigba-denamẹ mítọn ji lẹ go? (Jona 3:6-9; Yẹwh. 11:6; Owalọ 13:48)

Otàn 71

Jiwheyẹwhe Dopagbe Paladisi de Tọn

1. Mẹnu wẹ Isaia, ojlẹ tẹ mẹ wẹ e nọgbẹ̀ te, podọ etẹwẹ Jehovah dohia ẹ?

2. Etẹwẹ hogbe lọ “paladisi” zẹẹmẹdo, podọ etẹwẹ e nọ flin we?

3. Etẹwẹ Jehovah dọna Isaia nado kàn gando Paladisi yọyọ lọ go?

4. Naegbọn Adam po Evi po do hẹn owhé whanpẹnọ yetọn bu?

5. Opagbe etẹ tọn wẹ Jehovah do na mẹhe yiwanna ẹn lẹ?

Kanbiọ devo lẹ:

1. Hia Isaia 11:6-9.

   1. Nawẹ Ohó Jiwheyẹwhe tọn basi zẹẹmẹ jijọho he na nọ kanlin lẹ po gbẹtọvi lẹ po ṣẹnṣẹn to aihọn yọyọ lọ mẹ tọn gbọn? (Ps. 148:10, 13; Isa. 65:25; Ezek. 34:25)

   2. Hẹndi gbigbọmẹ tọn tẹwẹ hogbe Isaia tọn lẹ to mimọ to omẹ Jehovah tọn lẹ ṣẹnṣẹn to egbehe? (Lom. 12:2; Efe. 4:23, 24)

   3. Mẹnu wẹ pipà diọdo he to awusọhia to jijọ gbẹtọvi lẹ tọn mẹ todin po dehe na sọawuhia to aihọn yọyọ lọ mẹ lẹ tọn po dona yin nina? (Isa. 48:17, 18; Gal. 5:22, 23; Flp. 4:7)

2. Hia Osọhia 21:3, 4.

   1. Nawẹ Owe-wiwe dohia gbọn dọ yẹhiadonu-liho wẹ Jiwheyẹwhe na nọhẹ gbẹtọ lẹ te to aigba ji kakati nido yin to agbasa-liho? (Lev. 26:11, 12; 2 Otan. 6:18; Isa. 66:1; Osọ. 21:2, 3, 22-24)

   2. Dasin po awufiẹsa nankọ po wẹ na yin didesẹ? (Luku 8:49-52; Lom. 8:21, 22; Osọ. 21:4)

Otàn 72

Jiwheyẹwhe Gọalọna Ahọlu Hẹzekia

1. Mẹnu wẹ yin dawe he tin to yẹdide lọ mẹ, podọ naegbọn e do jẹflumẹ sọmọ?

2. Wekanhlanmẹ tẹlẹ wẹ Hẹzekia zedonukọnna Jiwheyẹwhe, podọ nawẹ Hẹzekia hodẹ̀ do?

3. Ahọlu nankọ wẹ Hẹzekia yin, podọ owẹ̀n tẹwẹ Jehovah dohlan ẹn gbọn yẹwhegán Isaia gblamẹ?

4. Dile yẹdide lọ dohia do, etẹwẹ angẹli Jehovah tọn wà na Assilianu lẹ?

5. Dile etlẹ yindọ ahọluduta whẹndo awe tọn lọ nọ jijọho mẹ na ojlẹ de, etẹwẹ jọ to okú Hẹzekia tọn godo?

Kanbiọ devo lẹ:

1. Hia 2 Ahọlu lẹ 18:1-36.

   1. Nawẹ hoyidọtọ Assilianu lẹ tọn Labṣakẹ tẹnpọn nado hẹn yise Islaelivi lẹ tọn gbọjọ gbọn? (2 Ahọ. 18:19, 21; Eks. 5:2; Ps. 64:3)

   2. Eyin Kunnudetọ Jehovah tọn lẹ pehẹ agọjẹdomẹtọ lẹ, nawẹ yé nọ hodo apajlẹ Hẹzekia tọn gbọn? (2 Ahọ. 18:36; Ps. 39:1; Howh. 26:4; 2 Tim. 2:24)

2. Hia 2 Ahọlu lẹ 19:1-37.

   1. Nawẹ omẹ Jehovah tọn lẹ nọ hodo apajlẹ Hẹzekia tọn to ojlẹ ayimajai tọn lẹ mẹ gbọn to egbehe? (2 Ahọ. 19:1, 2; Howh. 3:5, 6; Heb. 10:24, 25; Jak. 5:14, 15)

   2. Awhànṣiṣi atọ̀n-to-pọmẹ tẹwẹ Ahọlu Sẹnnakelibi pehẹ, podọ mẹnu wẹ e nọtena to dọdai-liho? (2 Ahọ. 19:32, 35, 37; Osọ. 20:2, 3)

3. Hia 2 Ahọlu lẹ 21:1-6, 16.

   Naegbọn mí sọgan dọ dọ Manassẹ yin dopo to ahọlu he ylan hugan to mẹhe dugán to Jelusalẹm lẹ mẹ? (2 Otan. 33:4-6, 9)

Otàn 73

Ahọlu Dagbe Godo Tọn to Islaeli

1. Owhe nẹmu wẹ Josia tindo to whenuena e lẹzun ahọlu, podọ afọdide tẹwẹ e jẹ zize ji to whenuena e duahọlu na owhe ṣinawe?

2. Etẹwẹ a mọdọ Josia to wiwà to yẹdide tintan lọ mẹ?

3. Etẹwẹ yẹwhenọ daho lọ mọ to whenuena gbẹtọ lẹ to tẹmpli lọ jlado?

4. Naegbọn Josia do tlẹ́n awù etọn?

5. Wẹndomẹ sọn Jehovah dè tẹwẹ Hulda yẹwhegán yọnnu lọ hẹnwa na Josia?

Kanbiọ devo lẹ:

1. Hia 2 Otannugbo lẹ 34:1-28.

   1. Apajlẹ tẹwẹ Josia zedai na mẹhe sọgan ko jugbọn numimọ sinsinyẹn lẹ mẹ to ovu-whenu? (2 Otan. 33:21-25; 34:1, 2; Ps. 27:10)

   2. Afọdide ayidego tọn tẹlẹ wẹ Josia ze nado dike sinsẹ̀n-bibasi nugbo ni zindonukọn to owhe 8, 12, po 18tọ gandudu etọn tọn po whenu? (2 Otan. 34:3, 8)

   3. Etẹwẹ apajlẹ Ahọlu Josia po Yẹwhenọ Daho Hilkia tọn po plọn mí dogbọn nukunpipedo nọtẹn sinsẹ̀n-bibasi tọn mítọn lẹ go dali? (2 Otan. 34:9-13; Howh. 11:14; 1 Kọl. 10:31)

Otàn 74

Sunnu Adọgbotọ De

1. Mẹnu wẹ dẹpẹ he tin to yẹdide lọ mẹ?

2. Etẹwẹ Jelemia lẹn gando azọ́ndenamẹ etọn nado yin yẹwhegán de go, ṣigba etẹwẹ Jehovah dọna ẹn?

3. Owẹ̀n tẹwẹ Jelemia zindonukọn nado to lilá na gbẹtọ lẹ?

4. Nawẹ yẹwhenọ lẹ tẹnpọn nado doalọtena Jelemia gbọn, ṣigba nawẹ e dohia gbọn dọ emi ma dibu?

5. Etẹwẹ jọ to whenuena Islaelivi lẹ ma diọ sọn aliho ylankan yetọn lẹ ji?

Kanbiọ devo lẹ:

1. Hia Jelemia 1:1-8.

   1. Dile apajlẹ Jelemia tọn dohia do, etẹwẹ nọ hẹn mẹde pegan nado wà sinsẹ̀nzọn na Jehovah? (2 Kọl. 3:5, 6)

   2. Tulinamẹ tẹwẹ apajlẹ Jelemia tọn yin na jọja Klistiani lẹ to egbehe? (Yẹwh. 12:1; 1 Tim. 4:12)

2. Hia Jelemia 10:1-5.

   Nuyijlẹdonugo huhlọnnọ tẹwẹ Jelemia yizan nado do ovọ́-yinyin jidide zizedo boṣiọ lẹ mẹ tọn hia? (Jel. 10:5; Isa. 46:7; Hab. 2:19)

3. Hia Jelemia 26:1-16.

   1. Dile pipotọ mẹyiamisisadode lẹ tọn to owẹ̀n avase tọn lọ lá to egbehe, nawẹ yé nọ flin gbedide Jehovah tọn na Jelemia ‘ma nado gbò ohó de pò do godo’ gbọn? (Jel. 26:2; Deut. 4:2; Owalọ 20:27)

   2. Apajlẹ dagbe tẹwẹ Jelemia zedai na Kunnudetọ Jehovah tọn lẹ to egbehe na nuhe dù avase Jehovah tọn lilá na akọta lẹ? (Jel. 26:8, 12, 14, 15; 2 Tim. 4:1-5)

4. Hia 2 Ahọlu lẹ 24:1-17.

   Kọdetọn awubla tọn tẹlẹ wẹ Juda tindo na nugbonọ-mayin etọn na Jehovah wutu? (2 Ahọ. 24:2-4, 14)

Otàn 75

Sunnu Jọja Ẹnẹ to Babilọni

1. Mẹnu wẹ dẹpẹ ẹnẹ he tin to yẹdide lọ mẹ lẹ, podọ naegbọn yé do tin to Babilọni?

2. Linlẹn tẹlẹ wẹ Nẹbukadnẹzali tindo gando visunnu ẹnẹ lọ lẹ go, podọ gbedide tẹlẹ wẹ e na devizọnwatọ etọn lẹ?

3. Obiọ tẹwẹ Daniẹli basi gando dùdù po nùnù po go na ewọ po họntọn etọn atọ̀n lẹ po?

4. To omá dùdù na azán ao godo, nawẹ awusọhia Daniẹli po họntọn etọn atọ̀n lẹ po tọn te yijlẹdo jọja hatọ yetọn lẹ tọn go?

5. Nawẹ Daniẹli po họntọn etọn atọ̀n lẹ po wá tin to họ̀nmẹ ahọlu lọ tọn gbọn, podọ aliho tẹ mẹ wẹ yé hugan yẹwhenọ lẹ po nuyọnẹntọ lẹ po te?

Kanbiọ devo lẹ:

1. Hia Daniẹli 1:1-21.

   1. Vivẹnu nankọtọn wẹ mí dona do eyin mí na nọavunte to whlepọn lẹ nukọn bo duto madogán lẹ ji? (Dan. 1:8; Gẹn. 39:7, 10; Gal. 6:9)

   2. Aliho tẹlẹ mẹ wẹ jọja lẹ sọgan yin whiwhlepọn kavi yin kọgbidina nado kẹalọyi nuhe mẹdelẹ nọ pọnhlan nado yin ‘onú dojó’ lẹ te? (Dan. 1:8; Howh. 20:1; 2 Kọl. 6:17–7:1)

   3. Nukunnumọjẹnumẹ tẹwẹ kandai Biblu tọn he gando jọja Heblu ẹnẹ lẹ go gọalọna mí nado tindo gando afọdidona oyọnẹn aihọn tọn go? (Dan. 1:20; Isa. 54:13; 1 Kọl. 3:18-20)

Otàn 76

Jelusalẹm Yin Vivasudo

1. Etẹwẹ to jijọ do Jelusalẹm po Islaelivi he tin to yẹdide lọ mẹ lẹ po go?

2. Mẹnu wẹ Ezekiẹli, podọ onú mẹhẹnjọsi tọn tẹlẹ wẹ Jehovah dohia ẹ?

3. Na sisi matindo Islaelivi lẹ tọn na Jehovah wutu, etẹwẹ e magbe nado wà?

4. Etẹwẹ Ahọlu Nẹbukadnẹzali wà to whenuena Islaelivi lẹ ṣiatẹ sọta ẹ?

5. Naegbọn Jehovah do dike bọ vasudo sinsinyẹn ehe wá Islaelivi lẹ ji?

6. Nawẹ aigba Islaeli tọn wá lẹzun fie jẹvọ́ de gbọn, podọ nawẹ ehe dẹnsọ?

Kanbiọ devo lẹ:

1. Hia 2 Ahọlu lẹ 25:1-26.

   1. Mẹnu wẹ Zedekia, etẹwẹ jọ do e go, podọ nawẹ ehe hẹn dọdai Biblu tọn di gbọn? (2 Ahọ. 25:5-7; Ezek. 12:13-15)

   2. Mẹnu wẹ Jehovah gblewhẹdo na nuyiwa nugbonọ-mayin Islaeli tọn lẹpo? (2 Ahọ. 25:9, 11, 12, 18, 19; 2 Otan. 36:14, 17)

2. Hia Ezekiẹli 8:1-18.

   Nawẹ Mẹylọhodotọklisti hodo apajlẹ Islaelivi atẹṣitọ he nọ basi sinsẹ̀n hlan owhè lẹ tọn gbọn? (Ezek. 8:16; Isa. 5:20, 21; Joh. 3:19-21; 2 Tim. 4:3)

Otàn 77

Yé Ma Na Litai

1. Gbedide tẹwẹ Nẹbukadnẹzali, ahọlu Babilọni tọn na gbẹtọ lẹ?

2. Naegbọn họntọn Daniẹli tọn atọ̀n lọ lẹ ma litaina boṣiọ sika tọn lọ?

3. To whenuena Nẹbukadnẹzali na dotẹnmẹ devo jọja Heblu atọ̀n lọ lẹ nado litai, nawẹ yé do jidide hia to Jehovah mẹ gbọn?

4. Etẹwẹ Nẹbukadnẹzali degbena omẹ etọn lẹ nado wà na Ṣadlaki, Mẹṣaki, po Abẹdinẹgo po?

5. Etẹwẹ Nẹbukadnẹzali mọ to whenuena e pọ́n zòhọ lọ mẹ hlan?

6. Naegbọn ahọlu lọ do pagigona Jiwheyẹwhe Ṣadlaki, Mẹṣaki, po Abẹdinẹgo po tọn, podọ apajlẹ tẹwẹ yé zedai na mí?

Kanbiọ devo lẹ:

1. Hia Daniẹli 3:1-30.

   1. Nuyiwa jọja Heblu atọ̀n lọ lẹ tọn tẹwẹ devizọnwatọ Jiwheyẹwhe tọn lẹpo dona hodo apajlẹ etọn to whenue yé pehẹ whlepọn tenọgligo-hinhẹn tọn? (Dan. 3:17, 18; Mat. 10:28; Lom. 14:7, 8)

   2. Onú titengbe tẹwẹ Nẹbukadnẹzali plọn sọn Jehovah Jiwheyẹwhe dè? (Dan. 3:28, 29; 4:34, 35)

Otàn 78

Alọvi de Kannu Do Adó Go

1. Etẹwẹ jọ to whenuena ahọlu Babilọni tọn basi hùnwhẹ daho de bo to kọfo po agbánvla he yin bibẹ sọn tẹmpli Jehovah tọn mẹ to Jelusalẹm lẹ po yizan?

2. Etẹwẹ Bẹlṣazali dọna dawe nuyọnẹntọ etọn lẹ, ṣigba etẹwẹ yé ma penugo nado wà?

3. Etẹwẹ onọ̀ ahọlu lọ tọn dọna ẹn nado wà?

4. Sọgbe hẹ nuhe Daniẹli dọna ahọlu lọ, etẹwutu wẹ Jiwheyẹwhe do do alọ lọ hlan nado wlanwe do adó go?

5. Nawẹ Daniẹli basi zẹẹmẹ hogbe he tin to adó go lọ lẹ tọn gbọn?

6. Etẹwẹ jọ to whenuena Daniẹli gbẹ́ pò to hodọ?

Kanbiọ devo lẹ:

1. Hia Daniẹli 5:1-31.

   1. Do vogbingbọn he tin to obu Jiwheyẹwhe tọn po obu he jẹ Bẹlṣazali ji to whenuena e mọ nukinkan adó go tọn lọ po ṣẹnṣẹn hia. (Dan. 5:6, 7; Ps. 19:9; Lom. 8:35-39)

   2. Nawẹ Daniẹli do adọgbigbo daho de hia gbọn to whenuena e to hodọna Bẹlṣazali po gbẹtọ klogán-klogán etọn lẹ po? (Dan. 5:17, 18, 22, 26-28; Owalọ 4:29)

   3. Nawẹ weta 5tọ owe Daniẹli tọn zinnudo nupojipetọ-yinyin wẹkẹ tọn Jehovah tọn ji gbọn? (Dan. 4:17, 25; 5:21)

Otàn 79

Daniẹli to Odò Kinnikinni lẹ Tọn Mẹ

1. Mẹnu wẹ Daliusi, podọ nukun tẹwẹ e do nọ pọ́n Daniẹli?

2. Etẹwẹ sunnu awuwhàntọ delẹ sisẹ́ Daliusi nado wà?

3. Etẹwẹ Daniẹli wà to whenuena e sè dogbọn osẹ́n yọyọ lọ dali?

4. Naegbọn Daliusi jẹflumẹ sọmọ bọ e ma sọgan damlọn, podọ etẹwẹ e wà to wunkẹngbe etọn?

5. Gblọndo tẹwẹ Daniẹli na Daliusi?

6. Etẹwẹ jọ do sunnu kanylantọ he tẹnpọn nado hù Daniẹli lẹ go, podọ etẹwẹ Daliusi kàn hlan mẹhe tin to ahọluduta etọn mẹ lẹpo?

Kanbiọ devo lẹ:

1. Hia Daniẹli 6:1-28.

   1. Nawẹ osé he yin biblá sọta Daniẹli lọ flinnu mí gando nuhe agọjẹdomẹtọ lẹ ko wà nado doalọtena azọ́n Kunnudetọ Jehovah tọn lẹ tọn to egbehe gbọn? (Dan. 6:7; Ps. 94:20; Isa. 10:1; Lom. 8:31)

   2. Nawẹ devizọnwatọ Jiwheyẹwhe tọn egbezangbe tọn lẹ sọgan hodo apajlẹ Daniẹli tọn na nuhe dù mẹmẹglọ-yinyin na “aṣẹpipa daho lẹ” gbọn? (Dan. 6:5, 10; Lom. 13:1; Owalọ 5:29)

   3. Nawẹ mí sọgan hodo apajlẹ Daniẹli tọn to Jehovah sinsẹ̀n “whepoponu” mẹ gbọn? (Dan. 6:16, 20; Flp. 3:16; Osọ. 7:15)

Otàn 80

Omẹ Jiwheyẹwhe Tọn lẹ Tọ́n sọn Babilọni

1. Dile e yin didohia do to yẹdide lọ mẹ, etẹwẹ Islaelivi lẹ to wiwà?

2. Nawẹ Kilusi hẹn dọdai he Jehovah dọ gbọn Isaia gblamẹ di gbọn?

3. Etẹwẹ Kilusi dọna Islaelivi he ma sọgan lẹkọyi Jelusalẹm lẹ?

4. Etẹwẹ Kilusi na Islaelivi lẹ nado hẹn yì Jelusalẹm?

5. Nawẹ gbejizọnlin Islaelivi lẹ tọn nado lẹkọyi Jelusalẹm dẹnsọ?

6. Owhe nẹmu wẹ ko wayi sọn whenue gbọ́n aigba lọ ko yin hinhẹn jẹvọ́ matin gbẹtọ depope?

Kanbiọ devo lẹ:

1. Hia Isaia 44:28 po 45:1-4 po.

   1. Nawẹ Jehovah zinnudeji dọ dọdai he gando Kilusi go lọ na mọ hẹndi dandan gbọn? (Isa. 55:10, 11; Lom. 4:17)

   2. Etẹwẹ dọdai he Isaia dọ do Kilusi ji dohia gando nugopipe Jehovah Jiwheyẹwhe tọn nado dọ nuhe na jọ to nukọn mẹ lẹ go? (Isa. 42:9; 45:21; 46:10, 11; 2 Pita 1:20)

2. Hia Ẹzla 1:1-11.

   To apajlẹ mẹhe ma sọgan lẹkọyi Jelusalẹm lẹ tọn hihodo mẹ, nawẹ mí sọgan ‘na huhlọn alọ’ mẹhe penugo nado biọ sinsẹ̀nzọn whenu-gigọ́ tọn mẹ lẹ tọn gbọn? (Ẹzla 1:4, 6; Lom. 12:13; Kọl. 4:12)

Otàn 81

Yé Dejido Alọgọ Jiwheyẹwhe Tọn Go

1. Omẹ nẹmu wẹ zingbejizọnlin gaa lọ sọn Babilọni yì Jelusalẹm, ṣigba etẹwẹ yé mọ to whenue yé jẹ finẹ?

2. Etẹ whẹ́whẹ́ wẹ Islaelivi lẹ jẹ didó ji to whenuena yé jẹ Jelusalẹm, ṣigba etẹwẹ kẹntọ yetọn lẹ wà?

3. Mẹnu wẹ Hagai po Zekalia po, podọ etẹwẹ yé dọna gbẹtọ lẹ?

4. Naegbọn Tatenai do wekanhlanmẹ de hlan Babilọni, podọ gblọndo tẹwẹ e mọyi?

5. Etẹwẹ Ẹzla wà to whenuena e sè dogbọn nuhudo lọ dali nado yì vọ́ tẹmpli Jiwheyẹwhe tọn jlado?

6. Etẹwẹ Ẹzla to bibiọ to odẹ̀ mẹ to yẹdide lọ mẹ, nawẹ odẹ̀ etọn mọ gblọndo gbọn, podọ etẹwẹ ehe plọn mí?

Kanbiọ devo lẹ:

1. Hia Ẹzla 3:1-13.

   Eyin mí mọ míde gbede to lẹdo de mẹ, fie agun omẹ Jiwheyẹwhe tọn lẹ tọn depope ma tin te, etẹwẹ mí dona zindonukọn nado to wiwà? (Ẹzla 3:3, 6; Owalọ 17:16, 17; Heb. 13:15)

2. Hia Ẹzla 4:1-7.

   Apajlẹ tẹwẹ Zelubabẹli zedai na omẹ Jehovah tọn lẹ to whẹho bẹwlu yise tọn mẹ? (Eks. 34:12; 1 Kọl. 15:33; 2 Kọl. 6:14-17)

3. Hia Ẹzla 5:1-5, 17 po 6:1-22 po.

   1. Naegbọn agọjẹdomẹtọ lẹ ma penugo nado doalọtena azọ́n tẹmpli lọ gbigbá tọn? (Ẹzla 5:5; Isa. 54:17)

   2. Nawẹ aliho he mẹ mẹho Ju lẹ tọn lẹ yinuwa te na tuli mẹho Klistiani lẹ nado nọ dín anademẹ Jehovah tọn eyin yé pehẹ agọjẹdomẹtọ lẹ gbọn? (Ẹzla 6:14; Ps. 32:8; Lom. 8:31; Jak. 1:5)

4. Hia Ẹzla 8:21-23, 28-36.

   Whẹpo mí nado jẹ nuwiwa de ji, apajlẹ Ẹzla tọn tẹwẹ e na yọ́n dọ mí ni nọ hodo? (Ẹzla 8:23; Ps. 127:1; Howh. 10:22; Jak. 4:13-15)

Otàn 82

Mọldekai po Ẹsteli Po

1. Mẹnu wẹ Mọldekai po Ẹsteli po yin?

2. Naegbọn Ahọlu Ahasuelusi do to asi yọyọ de dín, podọ mẹnu wẹ e de?

3. Mẹnu wẹ Hamani, podọ etẹwẹ gblehomẹna ẹn tlala?

4. Osẹ́n tẹwẹ yin didetọn, podọ etẹwẹ Ẹsteli wà to whenuena e sè owẹ̀n de sọn Mọldekai dè?

5. Etẹwẹ jọ do Hamani go, podọ etẹwẹ jọ do Mọldekai go?

6. Nawẹ Islaelivi lẹ yin whinwhlẹngán sọn kẹntọ yetọn lẹ si gbọn?

Kanbiọ devo lẹ:

1. Hia Ẹsteli 2:12-18.

   Nawẹ Ẹsteli dohia dọ nujọnu wẹ e yin nado wleawuna “gbigbọ abọẹninọ po walọmimiọn tọn po” gbọn? (Ẹst. 2:15; 1 Pita 3:1-5)

2. Hia Ẹsteli 4:1-17.

   Kẹdẹdile dotẹnmẹ yin nina Ẹsteli nado yinuwado sinsẹ̀n nugbo tamẹ do, dotẹnmẹ hundote tẹwẹ yin nina mí to egbehe nado do mẹdezejo po nugbonọ-yinyin mítọn po hia Jehovah? (Ẹst. 4:13, 14; Mat. 5:14-16; 24:14)

3. Hia Ẹsteli 7:1-6.

   Nawẹ omẹ Jiwheyẹwhe tọn susu ko ze ogbẹ̀ yetọn do owù mẹ to homẹkẹn glọ to egbehe kẹdẹdile Ẹsteli wà do gbọn? (Ẹst. 7:4; Mat. 10:16-22; 1 Pita 2:12)

Otàn 83

Adó Jelusalẹm Tọn Lẹ

1. Etẹwẹ yin numọtolanmẹ Islaelivi lẹ tọn to whenuena adó ma tin lẹdo tòdaho yetọn Jelusalẹm?

2. Mẹnu wẹ Nẹhemia?

3. Azọ́n tẹwẹ Nẹhemia nọ wà, podọ naegbọn e do yin nujọnu?

4. Linlin tẹwẹ hẹn Nẹhemia blawu, podọ etẹwẹ e wà?

5. Nawẹ Ahọlu Altakẹlikesi do homẹdagbe hia Nẹhemia gbọn?

6. Nawẹ Nẹhemia basi titona azọ́n adó lọ didó tọn bọ kẹntọ Islaeli tọn lẹ ma penugo nado doalọtena ẹn gbọn?

Kanbiọ devo lẹ:

1. Hia Nẹhemia 1:4-6 po 2:1-20 po.

   Nawẹ Nẹhemia dín anademẹ Jehovah tọn gbọn? (Nẹh. 2:4, 5; Lom. 12:12; 1 Pita 4:7)

2. Hia Nẹhemia 3:3-5.

   Etẹwẹ mẹho lẹ po devizọnwatọ lizọnyizọnwiwa tọn lẹ po sọgan plọn sọn vogbingbọn he tin to nuwiwa Tekoinu lẹ po “mẹgboogbo” yetọn lẹ po tọn ṣẹnṣẹn mẹ? (Nẹh. 3:5, 27; 2 Tẹs. 3:7-10; 1 Pita 5:5)

3. Hia Nẹhemia 4:1-23.

   1. Etẹwẹ na tuli Islaelivi lẹ nado zindonukọn to adó lọ didó mẹ mahopọnna nukundiọsọmẹ sinsinyẹn? (Nẹh. 4:6, 8, 9; Ps. 50:15; Isa. 65:13, 14)

   2. Aliho tẹ mẹ wẹ apajlẹ Islaelivi lẹ tọn nọ na mí tuli te to egbehe?

4. Hia Nẹhemia 6:15.

   Etẹwẹ nugbo lọ dọ adó Jelusalẹm tọn lẹ yin didó bo yin tadona to osun awe gblamẹ dohia gando huhlọn he yise tindo go? (Ps. 56:3, 4; Mat. 17:20; 19:26)

Otàn 84

Angẹli de Dla Malia Pọ́n

1. Mẹnu wẹ yọnnu he tin to yẹdide lọ mẹ?

2. Etẹwẹ Gabliẹli dọna Malia?

3. Nawẹ Gabliẹli basi zẹẹmẹ na Malia dọ ewọ na jivi dile e ma tlẹ ko tindo asu gbọn?

4. Etẹwẹ jọ to whenuena Malia yì dla hẹnnumẹ etọn Elizabẹti pọ́n?

5. Etẹwẹ Josẹfu lẹn to whenuena e sè dọ Malia to ohò, ṣigba naegbọn e do diọlinlẹn?

Kanbiọ devo lẹ:

1. Hia Luku 1:26-56.

   1. Etẹwẹ Luku 1:35 dohia gando ogú mapenọ-yinyin Adam tọn depope he sọgan tin to ovi-zìn Malia tọn mẹ go to whenuena ogbẹ̀ Ovi Jiwheyẹwhe tọn yin tẹndiọna sọn olọn mẹ? (Hag. 2:11-13; Joh. 6:69; Heb. 7:26; 10:5)

   2. Nawẹ Jesu yin gigopana etlẹ yin jẹnukọnna jiji etọn gbọn? (Luku 1:41-43)

   3. Apajlẹ dagbe tẹwẹ Malia zedai na Klistiani he nọ mọ lẹblanulọkẹyi sinsẹ̀nzọn tọn vonọtaun lẹ yí to egbehe lẹ? (Luku 1:38, 46-49; 17:10; Howh. 11:2)

2. Hia Matiu 1:18-25.

   Dile etlẹ yindọ Jesu ma nọ yin yiylọdọ Emmanuẹl, nawẹ nuhe e wà to aigba ji lẹ do zẹẹmẹ yinkọ enẹ tọn hia gbọn? (Mat. 1:22, 23; Joh. 14:8-10; Heb. 1:1-3)

Otàn 85

Jesu Yin Jiji to Kanlinpa de Mẹ

1. Mẹnu wẹ viyẹyẹ he tin to yẹdide lọ mẹ, podọ fie wẹ Malia to titẹ́ ẹ do?

2. Naegbọn Jesu do yin jiji to kanlinpa de mẹ to fie kanlin lẹ tin te?

3. Mẹnu wẹ sunnu he to kanlinpa lọ mẹ biọ to yẹdide lọ mẹ lẹ, podọ etẹwẹ angẹli de dọna yé?

4. Naegbọn Jesu do yin omẹ vonọtaun de?

5. Naegbọn Jesu sọgan yin yiylọdọ Ovi Jiwheyẹwhe tọn?

Kanbiọ devo lẹ:

1. Hia Luku 2:1-20.

   1. Adà tẹwẹ Sesali Augusti yiwà to dọdai he gando jiji Jesu tọn go lẹ hinhẹndi mẹ? (Luku 2:1-4; Mika 5:2)

   2. Nawẹ mẹde sọgan yin hihia dogọ mẹhe yin alọdlẹndo taidi “gbẹtọ ojlo dagbenọ lẹ” gbọn? (Luku 2:14; Mat. 16:24; Joh. 17:3; Owalọ 3:19; Heb. 11:6)

   3. Eyin lẹngbọhọtọ whiwhẹnọ Jude tọn enẹlẹ tindo whẹwhinwhẹ́n nado jaya na jiji Whlẹngántọ lọ tọn, whẹwhinwhẹ́n he klohu tẹwẹ devizọnwatọ Jiwheyẹwhe tọn lẹ tindo nado jaya to egbehe? (Luku 2:10, 11; Efe. 3:8, 9; Osọ. 11:15; 14:6)

Otàn 86

Sunwhlẹvu de Deanana Dawe lọ Lẹ

1. Mẹnu wẹ sunnu he tin to yẹdide lọ mẹ lẹ, podọ naegbọn dopo to yé mẹ do to alọdlẹndo sunwhlẹvu he to sisẹ́ de?

2. Naegbọn Ahọlu Hẹlọdi do gblehomẹ, podọ etẹwẹ e wà?

3. Fie wẹ sunwhlẹvu he to sisẹ́ lọ deanana dawe lọ lẹ yì, ṣigba naegbọn yé gbọn aliho devo do lẹkọyi otò yetọn mẹ?

4. Gbedide tẹwẹ Hẹlọdi na, podọ etẹwutu?

5. Etẹwẹ Jehovah dọna Josẹfu nado wà?

6. Mẹnu wẹ hẹn sunwhlẹvu yọyọ lọ nado sẹ́, podọ etẹwutu?

Kanbiọ devo lẹ:

1. Hia Matiu 2:1-23.

   Nawẹ Jesu ko whẹ́n sọ to whenuena sunwhlẹvu-pọntọ lẹ dla ẹ pọ́n podọ fie wẹ e nọ nọ̀? (Mat. 2:1, 11, 16)

Otàn 87

Jọja Jesu to Tẹmpli Mẹ

1. Owhe nẹmu wẹ Jesu tindo to yẹdide lọ mẹ, podọ fie wẹ e tin te?

2. Etẹwẹ Josẹfu nọ wà po whẹndo etọn po to whemẹwhemẹ?

3. Naegbọn Josẹfu po Malia po lẹkọyi Jelusalẹm to gbejizọnlin azán dopo tọn lọ godo?

4. Fie wẹ Josẹfu po Malia po mọ Jesu te, podọ naegbọn avò vò mẹhe tin to finẹ lẹ?

5. Etẹwẹ Jesu dọna Malia, onọ̀ etọn?

6. Nawẹ mí sọgan hodo apajlẹ Jesu tọn gbọn na nuhe dù nupinplọn gando Jiwheyẹwhe go?

Kanbiọ devo lẹ:

1. Hia Luku 2:41-52.

   1. Dile etlẹ yindọ sunnu lẹ kẹdẹ si wẹ Osẹ́n Mose tọn biọ te nado nọ yì hùnwhẹ whemẹwhemẹ tọn lẹ tẹnmẹ, apajlẹ dagbe tẹwẹ Josẹfu po Malia po zedai na mẹjitọ lẹ to egbehe? (Luku 2:41; Deut. 16:16; 31:12; Howh. 22:6)

   2. Nawẹ Jesu ze apajlẹ dagbe dai na jọja lẹ gando lehe yé sọgan yin tonusetọ na mẹjitọ yetọn lẹ do go gbọn to egbehe? (Luku 2:51; Deut. 5:16; Howh. 23:22; Kọl. 3:20)

2. Hia Matiu 13:53-56.

   Nọvisunnu Jesu tọn ẹnẹ tẹlẹ wẹ yinkọ yetọn yin sislẹ to Biblu mẹ, podọ nawẹ awe to yé mẹ wá yin yiyizan to agun Klistiani tọn mẹ to godo mẹ gbọn? (Mat. 13:55; Owalọ 12:17; 15:6, 13; 21:18; Gal. 1:19; Jak. 1:1; Juda 1)

Otàn 88

Johanu Baptizi Jesu

1. Mẹnu wẹ sunnu awe he tin to yẹdide lọ mẹ lẹ?

2. Nawẹ mẹde nọ yin bibaptizi gbọn?

3. Gbẹtọ nankọ lẹ wẹ Johanu nọ baptizi?

4. Whẹwhinwhẹ́n vonọtaun tẹ wutu wẹ Jesu biọ to Johanu si nado baptizi i?

5. Nawẹ Jiwheyẹwhe dohia gbọn dọ homẹ Emitọn hùn gando baptẹm Jesu tọn go?

6. Etẹwẹ jọ to whenuena Jesu yì nọtẹn ṣokẹdẹninọ tọn de na azán 40?

7. Dọ mẹdelẹ to hodotọ kavi devi Jesu tọn tintan lẹ mẹ, podọ etẹwẹ yin azọ́njiawu tintan he e wà?

Kanbiọ devo lẹ:

1. Hia Matiu 3:13-17.

   Apajlẹ tẹwẹ Jesu zedai na baptẹm devi etọn lẹ tọn? (Ps. 40:7, 8; Mat. 28:19, 20; Luku 3:21, 22)

2. Hia Matiu 4:1-11.

   Nawẹ aliho he mẹ Jesu yí Owe-wiwe zan po azọ́nyinyọnẹn po te na mí tuli nado nọ plọn Biblu to gbesisọ mẹ gbọn? (Mat. 4:5-7; 2 Pita 3:17, 18; 1 Joh. 4:1)

3. Hia Johanu 1:29-51.

   Mẹnu dè wẹ Johanu Baptizitọ lọ deanana devi etọn lẹ hlan, podọ nawẹ mí sọgan hodo apajlẹ etọn gbọn to egbehe? (Joh. 1:29, 35, 36; 3:30; Mat. 23:10)

4. Hia Johanu 2:1-12.

   Nawẹ azọ́njiawu Jesu tọn tintan lọ dohia dọ Jehovah ma nọ tẹ̀ onú dagbe depope devizọnwatọ Etọn lẹ gbọn? (Joh. 2:9, 10; Ps. 84:11; Jak. 1:17)

Otàn 89

Jesu Klọ́ Tẹmpli lọ Wé

1. Naegbọn kanlin lẹ to yinyin sisà to tẹmpli mẹ?

2. Etẹwẹ hẹn homẹgble Jesu?

3. Dile hiẹ sọgan mọ do to yẹdide lọ mẹ, etẹwẹ Jesu wà, podọ gbedide tẹwẹ e na mẹhe to apoe sà lẹ?

4. Etẹwẹ hodotọ Jesu tọn lẹ flin to whenuena yé mọ nuhe e to wiwà?

5. Agbegbe tẹ mẹ wẹ Jesu jugbọn to whenuena e lẹkọ jei Galili?

Kanbiọ devo lẹ:

1. Hia Johanu 2:13-25.

   Eyin mí lẹnnupọndo homẹgble he Jesu dohia na akuẹdiọtọ tẹmpli mẹ tọn lẹ wutu ji, pọndohlan he sọgbe tẹwẹ mí dona tindo gando nuwiwa ajọwiwa tọn lẹ to Plitẹnhọ Ahọluduta tọn mẹ go? (Joh. 2:15, 16; 1 Kọl. 10:24, 31-33)

Otàn 90

Jesu po Yọnnu de po to Dotọ̀ Tó

1. Naegbọn Jesu do nọte to dotọ̀ de tó to Samalia, podọ etẹwẹ e to didọna yọnnu de to finẹ?

2. Naegbọn e do paṣa yọnnu lọ, etẹwẹ Jesu dona ẹn, podọ etẹwutu?

3. Osin wunmẹ tẹ ji wẹ yọnnu lọ lẹndọ Jesu to hodọdo, ṣigba osin tẹ hodọ wẹ Jesu te taun?

4. Naegbọn awuji yọnnu lọ dogbọn nuhe Jesu yọnẹn gando e go lẹ dali, podọ fiẹ wẹ Jesu mọ nudọnamẹ ehelẹ sọn?

5. Nuplọnmẹ tẹwẹ mí sọgan mọyi sọn kandai yọnnu he tin to dotọ̀ tó lọ tọn mẹ?

Kanbiọ devo lẹ:

1. Hia Johanu 4:5-43.

   1. To apajlẹ Jesu tọn hihodo mẹ, nawẹ mí dona nọ yinuwa hẹ mẹhe sinmẹ agbasa tọn kavi akọ̀ yetọn gbọnvo na mítọn lẹ gbọn? (Joh. 4:9; 1 Kọl. 9:22; 1 Tim. 2:3, 4; Titu 2:11)

   2. Ale gbigbọmẹ tọn tẹlẹ wẹ mẹhe lẹzun devi Jesu tọn de nọ mọyi? (Joh. 4:14; Isa. 58:11; 2 Kọl. 4:16)

   3. Nawẹ mí sọgan do pinpẹn-nutọn-yinyọnẹn hia taidi yọnnu Samalianu lọ, he to jejeji nado dọ nuhe e ko plọn lẹ na mẹdevo lẹ gbọn? (Joh. 4:7, 28; Mat. 6:33; Luku 10:40-42)

Otàn 91

Jesu Plọnmẹ to Osó de Ji

1. To yẹdide lọ mẹ, fie wẹ Jesu to mẹplọn te, podọ mẹnu lẹ wẹ sinai sẹpọ ẹ hugan?

2. Etẹwẹ yin yinkọ apọsteli 12 lẹ tọn?

3. Ahọluduta tẹwẹ Jesu to yẹwheho etọn dọ?

4. Etẹwẹ Jesu plọn gbẹtọ lẹ nado nọ hodẹ̀ na?

5. Etẹwẹ Jesu dọ gando aliho he mẹ gbẹtọ lẹ dona nọ yinuwa hẹ ode awetọ te go?

Kanbiọ devo lẹ:

1. Hia Matiu 5:1-12.

   Aliho tẹlẹ mẹ wẹ mí sọgan dohia te dọ nuhudo gbigbọmẹ tọn mítọn lẹ nọ duahunmẹna mí? (Mat. 5:3; Lom. 10:13-15; 1 Tim. 4:13, 15, 16)

2. Hia Matiu 5:21-26.

   Nawẹ Matiu 5:23, 24 zinnudeji dọ haṣinṣan mítọn hẹ mẹmẹsunnu mítọn lẹ nọ yinuwado haṣinṣan mítọn hẹ Jehovah ji gbọn? (Mat. 6:14, 15; Ps. 133:1; Kọl. 3:13; 1 Joh. 4:20)

3. Hia Matiu 6:1-8.

   Etẹwẹ yin delẹ to aliho dodonọ jijlá tọn he Klistiani lẹ dona dapana lẹ mẹ? (Luku 18:11, 12; 1 Kọl. 4:6, 7; 2 Kọl. 9:7)

4. Hia Matiu 6:25-34.

   Etẹwẹ Jesu plọnmẹ dogbọn nuhewutu mí dona dejido Jehovah go na nuhudo agbasa tọn mítọn lẹ dali? (Ẹks. 16:4; Ps. 37:25; Flp. 4:6)

5. Hia Matiu 7:1-11.

   Etẹwẹ apajlẹ ojlofọndotenamẹ tọn he tin to Matiu 7:5 mẹ lọ plọn mí? (Howh. 26:12; Lom. 2:1; 14:10; Jak. 4:11, 12)

Otàn 92

Jesu Fọ́n Oṣiọ Lẹ

1. Mẹnu wẹ otọ́ viyọnnu he tin to yẹdide lọ mẹ tọn, podọ naegbọn ayiha ewọ po asi etọn po tọn ma jai?

2. Etẹwẹ Jailu wà to whenuena e mọ Jesu?

3. Etẹwẹ jọ to whenuena Jesu jei owhé Jailu tọn gbè, podọ owẹ̀n tẹwẹ Jailu sè to aliji?

4. Naegbọn mẹhe tin to owhé Jailu tọn gbè lẹ do kò Jesu?

5. To whenuena Jesu hẹn apọsteli etọn atọ̀n gọna otọ́ po onọ̀ viyọnnu lọ tọn po biọ abò viyọnnu lọ tọn mẹ godo, etẹwẹ e wà?

6. Mẹdevo tẹlẹ wẹ Jesu sọ fọnsọnku, podọ etẹwẹ ehe dohia?

Kanbiọ devo lẹ:

1. Hia Luku 8:40-56.

   Nawẹ Jesu do awuvẹmẹ po lẹnpọn dagbe po hia yọnnu he to ohùn di lọ gbọn, podọ etẹwẹ Klistiani mẹho agun tọn lẹ sọgan plọn sọn ehe mẹ to egbehe? (Luku 8:43, 44, 47, 48; Lev. 15:25-27; Mat. 9:12, 13; Kọl. 3:12-14)

2. Hia Luku 7:11-17.

   Naegbọn mẹhe hẹn mẹvivẹ yetọn bu to okú mẹ lẹ sọgan mọ homẹmiọnnamẹ daho yí sọn gblọndo he Jesu na asuṣiọsi Naini tọn lọ mẹ? (Luku 7:13; 2 Kọl. 1:3, 4; Heb. 4:15)

3. Hia Johanu 11:17-44.

   Nawẹ Jesu dohia dọ jọwamọnu wẹ e yin nado blawu na okú mẹvivẹ de tọn gbọn? (Joh. 11:33-36, 38; 2 Sam. 18:33; 19:1-4)

Otàn 93

Jesu Na Núdùdù Gbẹtọ Susu

1. Onú ylankan tẹwẹ jọ do Johanu Baptizitọ lọ go, podọ etẹwẹ yin numọtolanmẹ Jesu tọn?

2. Nawẹ Jesu na núdùdù gbẹtọgun he hodo e lọ gbọn, podọ nawẹ núdùdù he pò lọ sù sọ?

3. Naegbọn devi lẹ to budi to zánmẹ, podọ etẹwẹ jọ do Pita go?

4. Nawẹ Jesu na núdùdù fọtọ́n susu gbẹtọ lẹ tọn whla awetọ gbọn?

5. Naegbọn e na yin ojlẹ awuvivi tọn de to whenuena Jesu na dugán do aigba ji taidi Ahọlu dide Jiwheyẹwhe tọn?

Kanbiọ devo lẹ:

1. Hia Matiu 14:1-32.

   1. Hinhọ́n tẹwẹ kandai he tin to Matiu 14:23-32 mẹ tá do gbẹtọ-yinyin Pita tọn ji?

   2. Nawẹ kandai Owe-wiwe tọn lẹ dohia dọ Pita wá whèwhín bo duto jijọ sọmawhe tọn etọn ji gbọn? (Mat. 14:27-30; Joh. 18:10; 21:7; Owalọ 2:14, 37-40; 1 Pita 5:6, 10)

2. Hia Matiu 15:29-38.

   Nawẹ Jesu do sisi hia na onú agbasa tọn he Otọ́ etọn wleawuna lẹ gbọn? (Mat. 15:37; Joh. 6:12; Kọl. 3:15)

3. Hia Johanu 6:1-21.

   Nawẹ Klistiani lẹ sọgan hodo apajlẹ Jesu tọn na nuhe gando gandudu lẹ go gbọn to egbehe? (Joh. 6:15; Mat. 22:21; Lom. 12:2; 13:1-4)

Otàn 94

E Yiwanna Yọpọvu Lẹ

1. Etẹ ji wẹ apọsteli lẹ to núdọ̀n do to kọlilẹ yetọn sọn gbejizọnlin gaa de whenu?

2. Naegbọn Jesu ylọ ovi pẹvi de bo ze e dote to ṣẹnṣẹn apọsteli lẹ tọn?

3. Aliho tẹ mẹ wẹ apọsteli lẹ dona plọn nado taidi yọpọvu lẹ te?

4. Nawẹ Jesu dohia to osun vude godo dọ emi yiwanna yọpọvu lẹ gbọn?

Kanbiọ devo lẹ:

1. Hia Matiu 18:1-4.

   Naegbọn Jesu do nọ yí apajlẹ lẹ zan nado plọnnumẹ? (Mat. 13:34, 36; Malku 4:33, 34)

2. Hia Matiu 19:13-15.

   Jẹhẹnu yọpọvu lẹ tọn tẹwẹ mí dona wleawuna eyin mí na tindo mahẹ to dona Ahọluduta lọ tọn lẹ mẹ? (Ps. 25:9; 138:6; 1 Kọl. 14:20)

3. Hia Malku 9:33-37.

   Etẹwẹ Jesu plọn devi etọn lẹ gando ojlo tintindo na otẹn diyin lẹ go? (Malku 9:35; Mat. 20:25, 26; Gal. 6:3; Flp. 2:5-8)

4. Hia Malku 10:13-16.

   Nawẹ Jesu yọ́n dọnsẹpọ sọ, podọ etẹwẹ mẹho agun tọn lẹ sọgan plọn sọn apajlẹ etọn mẹ? (Malku 6:30-34; Flp. 2:1-4; 1 Tim. 4:12)

Otàn 95

Lehe Jesu Nọ Plọnmẹ Do

1. Kanbiọ tẹwẹ dawe de kanse Jesu, podọ etẹwutu?

2. Etẹwẹ Jesu nọ yizan to whedelẹnu nado plọnnumẹ, podọ etẹwẹ mí ko plọn gando Ju lẹ po Samalianu lẹ po go?

3. Etẹwẹ jọ do Ju he zingbejizọnlin jei Jẹliko lọ go to otàn Jesu tọn mẹ?

4. Etẹwẹ jọ to whenuena yẹwhenọ Ju de po Levinu de po jugbọn finẹ?

5. Mẹnu wẹ to alọgọna Juvi he yin awugblena lọ to yẹdide lọ mẹ?

6. To whenuena Jesu dotana otàn etọn godo, kanbiọ tẹwẹ e kanse, podọ etẹwẹ yin gblọndo dawe lọ tọn?

Kanbiọ devo lẹ:

1. Hia Luku 10:25-37.

   1. Kakati nado na gblọndo tlọlọ, nawẹ Jesu gọalọna dawe he yọ́n Osẹ́n ganji de nado lẹnnupọndo whẹho de ji gbọn? (Luku 10:26; Mat. 16:13-16)

   2. Nawẹ Jesu yí apajlẹ lẹ zan nado duto nuvẹun todoaitọ etọn lẹ tọn ji gbọn? (Luku 10:36, 37; 18:9-14; Titu 1:9)

Otàn 96

Jesu Hẹnazọ̀ngbọna Awutunọ Lẹ

1. Etẹwẹ Jesu wà dile e to gbejizọnlinzin lẹdo otò lọ pé?

2. To nudi owhe atọ̀n to baptẹm Jesu tọn godo, etẹwẹ e dọna apọsteli etọn lẹ?

3. Mẹnu lẹ wẹ tin to yẹdide lọ mẹ, podọ etẹwẹ Jesu wà na yọnnu lọ?

4. Naegbọn gblọndo Jesu tọn na agọjẹdonu nukọntọ sinsẹ̀n tọn lẹ tọn do dowinyan yé?

5. To whenuena Jesu po apọsteli etọn lẹ po sẹpọ Jẹliko, etẹwẹ Jesu wà na nukuntọ́nnọ nubiọtọ awe delẹ?

6. Naegbọn Jesu do wà azọ́njiawu lẹ?

Kanbiọ devo lẹ:

1. Hia Matiu 15:30, 31.

   Dohia huhlọn Jehovah tọn tẹwẹ yin didehia to aliho jiawu mẹ gbọn Jesu dali, podọ nawẹ ehe dona yinuwado nukunnumọjẹnumẹ mítọn ji gando nuhe Jehovah dopagbe etọn na aihọn yọyọ lọ go gbọn? (Ps. 37:29; Isa. 33:24)

2. Hia Luku 13:10-17.

   Na Jesu wà delẹ to azọ́njiawu titengbe hugan etọn lẹ mẹ to Gbọjẹzangbe wutu, etẹwẹ ehe dohia mí gando kọgbọ he nkọtọn e na hẹnwana gbẹtọvi lẹ to Gandudu Owhe Fọtọ́n tọn etọn whenu go? (Luku 13:10-13; Ps. 46:9; Mat. 12:8; Kọl. 2:16, 17; Osọ. 21:1-4)

3. Hia Matiu 20:29-34.

   Nawẹ kandai ehe dohia dọ alọnu Jesu tọn ma nọ ján zẹjlẹgo gbede nado gọalọna gbẹtọ lẹ gbọn, podọ etẹwẹ mí sọgan plọn sọn ehe mẹ? (Deut. 15:7; Jak. 2:15, 16; 1 Joh. 3:17)

Otàn 97

Jesu Wá Taidi Ahọlu

1. Etẹwẹ Jesu dọna devi etọn lẹ nado wà to whenuena e wá gbétatò pẹvi de mẹ sẹpọ Jelusalẹm?

2. To yẹdide lọ mẹ, etẹwẹ jọ to whenuena Jesu sẹpọ tòdaho Jelusalẹm tọn?

3. Etẹwẹ ovi pẹvi lẹ wà to whenuena yé mọ bọ Jesu to azọ̀nhẹngbọna nukuntọ́nnọ lẹ po sẹkunọ lẹ po?

4. Etẹwẹ Jesu dọna yẹwhenọ he gblehomẹ lọ lẹ?

5. Nawẹ mí sọgan taidi ovi pẹvi he pagigona Jesu lẹ gbọn?

6. Etẹwẹ devi lẹ jlo nado yọnẹn?

Kanbiọ devo lẹ:

1. Hia Matiu 21:1-17.

   1. Nawẹ Jelusalẹm bibiọ Jesu tọn taidi Ahọlu gbọnvo na awhàngbigba awhàngán lẹ tọn to ojlẹ Lomunu lẹ tọn mẹ gbọn? (Mat. 21:4, 5; Zek. 9:9; Flp. 2:5-8; Kọl. 2:15)

   2. Etẹwẹ jọja lẹ sọgan plọn sọn apajlẹ visunnu Islaeli tọn he yihodọ sọn Psalm 118 mẹ to whenuena Jesu biọ tẹmpli mẹ lọ lẹ tọn mẹ ? (Mat. 21:9, 15; Ps. 118:25, 26; 2 Tim. 3:15; 2 Pita 3:18)

2. Hia Johanu 12:12-16.

   Etẹwẹ odéma he gbẹtọ lẹ yizan nado pagigona Jesu lọ lẹ nọtena? (Joh. 12:13; Flp. 2:10; Osọ. 7:9, 10)

Otàn 98

To Osó Olivie Tọn Ji

1. Fitẹ wẹ Jesu te to yẹdide lọ mẹ, podọ mẹnu lẹ wẹ tin po e po?

2. Etẹwẹ yẹwhenọ lẹ tẹnpọn nado wà na Jesu to tẹmpli mẹ, podọ etẹwẹ e dọna yé?

3. Etẹwẹ apọsteli lẹ kanse Jesu?

4. Naegbọn Jesu do dọ delẹ to nuhe na jọ to aigba ji to whenuena ewọ na to gandu taidi Ahọlu to olọn mẹ lẹ mẹ na apọsteli etọn lẹ?

5. Etẹwẹ Jesu dọ dọ e na jọ whẹpo ewọ nado hẹn opodo wá na ylanwiwa lẹpo to aigba ji?

Kanbiọ devo lẹ:

1. Hia Matiu 23:1-39.

   1. Dile Owe-wiwe ma tlẹ jẹagọdo tẹnmẹ-yinkọ delẹ yiyizan, etẹwẹ hogbe Jesu tọn to Matiu 23:8-11 mẹ lẹ dohia gando tẹnmẹ-yinkọ oklọ tọn lẹ yiyizan to agun Klistiani tọn mẹ go? (Owalọ 26:25; Lom. 13:7; 1 Pita 2:13, 14)

   2. Etẹwẹ Falesi lẹ yizan nado glọnalina gbẹtọ lẹ nado lẹzun Klistiani, podọ nawẹ nukọntọ sinsẹ̀n tọn lẹ nọ yinuwa to aliho dopolọ mẹ to egbehe gbọn? (Mat. 23:13; Luku 11:52; Joh. 9:22; 12:42; 1 Tẹs. 2:16)

2. Hia Matiu 24:1-14.

   1. Nawẹ nujọnu-yinyin linsinsinyẹn tọn yin nùzindeji to Matiu 24:13 mẹ gbọn?

   2. Etẹwẹ hogbe lọ “opodo” he tin to Matiu 24:13 mẹ zẹẹmẹdo? (Mat. 16:27; Lom. 14:10-12; 2 Kọl. 5:10)

3. Hia Malku 13:3-10.

   Hogbe Malku 13:10 tọn tẹlẹ wẹ do niyaniya-yinyin azọ́n wẹndagbe lọ lilá tọn hia, podọ nawẹ hogbe Jesu tọn lẹ dona yinuwado mí ji gbọn? (Lom. 13:11, 12; 1 Kọl. 7:29-31; 2 Tim. 4:2)

Otàn 99

To Abò de mẹ to Petlezìn Ji

1. Dile e yin didohia do to yẹdide lọ mẹ, naegbọn Jesu po apọsteli 12 etọn lẹ po do tin to abò daho de mẹ to petlezìn ji?

2. Mẹnu wẹ dawe he to yìyì lọ, podọ etẹ wà gbé wẹ e jei?

3. Núdùdù vonọtaun tẹwẹ Jesu bẹjẹeji to núdùdù Juwayi tọn godo?

4. Nujijọ tẹwẹ hùnwhẹ Juwayi tọn nọ flin Islaelivi lẹ, podọ etẹwẹ núdùdù vonọtaun ehe nọ flin hodotọ Jesu tọn lẹ?

5. Etẹwẹ Jesu dọna hodotọ etọn lẹ to Tenu-Núdùdù Oklunọ tọn lọ godo, podọ etẹwẹ yé wà?

Kanbiọ devo lẹ:

1. Hia Matiu 26:14-30.

   1. Nawẹ Matiu 26:15 dohia dọ Juda desọn ojlo mẹ nado de Jesu hia wẹ gbọn?

   2. Lẹndai awe-to-pọmẹ tẹwẹ hùnsọndai Jesu tọn hẹndi? (Mat. 26:27, 28; Jel. 31:31-33; Efe. 1:7; Heb. 9:19, 20)

2. Hia Luku 22:1-39.

   Linlẹn tẹ mẹ wẹ Satani biọ Juda mẹ te? (Luku 22:3; Joh. 13:2; Owalọ 1:24, 25)

3. Hia Johanu 13:1-20.

   1. Sọgbe hẹ kandai he tin to Johanu 13:2 mẹ, be Juda sọgan yin whẹgbledo na nuhe e wà ya, podọ nuplọnmẹ tẹwẹ devizọnwatọ Jiwheyẹwhe tọn lẹ sọgan mọyi sọn ehe mẹ? (Gẹn. 4:7; 2 Kọl. 2:11; Gal. 6:1; Jak. 1:13, 14)

   2. Apajlẹ dagbe tẹwẹ Jesu zedai? (Joh. 13:15; Mat. 23:11; 1 Pita 2:21)

4. Hia Johanu 17:1-26.

   Linlẹn tẹ mẹ wẹ Jesu hodẹ̀ na devi etọn lẹ nado “yin dopo” te? (Joh. 17:11, 21-23; Lom. 13:8; 14:19; Kọl. 3:14)

Otàn 100

Jesu to Jipa Mẹ

1. Fie wẹ Jesu po apọsteli etọn lẹ po yì to whenuena yé tọ́n sọn abò petlezìn ji tọn lọ mẹ, podọ etẹwẹ e dọna yé nado wà?

2. Etẹwẹ Jesu mọ to whenuena e lẹkọwa fie apọsteli lẹ te, podọ whla nẹmu wẹ ehe jọ?

3. Mẹnu lẹ wẹ biọ jipa lọ mẹ, podọ dile e sọawuhia do to yẹdide lọ mẹ, etẹwẹ Juda Iskaliọti wà?

4. Naegbọn Juda do donùnùgo na Jesu, podọ etẹwẹ Pita wà?

5. Etẹwẹ Jesu dọna Pita, ṣigba etẹwutu wẹ Jesu ma do biọ dọ Jiwheyẹwhe ni do angẹli lẹ hlan?

Kanbiọ devo lẹ:

1. Hia Matiu 26:36-56.

   1. Nawẹ aliho he mẹ Jesu na ayinamẹ devi etọn lẹ te yin apajlẹ dagbe de na mẹho agun tọn lẹ to egbehe gbọn? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Etẹwẹ yin pọndohlan Jesu tọn gando avùnhonu lẹ yiyizan sọta gbẹtọ hatọ de go? (Mat. 26:52; Luku 6:27, 28; Joh. 18:36)

2. Hia Luku 22:39-53.

   Whenuena angẹli de sọawuhia nado na huhlọn Jesu to jipa Gẹtsemani tọn mẹ, be ehe dohia dọ yise Jesu tọn depò wẹ ya? Basi zẹẹmẹ. (Luku 22:41-43; Isa. 49:8; Mat. 4:10, 11; Heb. 5:7)

3. Hia Johanu 18:1-12.

   Nawẹ Jesu basi hihọ́na devi etọn lẹ sọn nukundiọsọmẹtọ etọn lẹ si gbọn? (Joh. 10:11, 12; 18:1, 6-9; Heb. 13:6; Jak. 2:25)

Otàn 101

Jesu Yin Hùhù

1. Mẹnu wẹ yin omẹ tintan he doalọ to okú Jesu tọn mẹ?

2. Etẹwẹ apọsteli lẹ wà to whenuena Jesu yin wiwle gbọn nukọntọ sinsẹ̀n tọn lẹ dali?

3. Etẹwẹ jọ to owhé Kaifa, yẹwhenọ daho lọ tọn gbè?

4. Naegbọn Pita tọ́n bo yì viavi?

5. To whenuena Jesu yin hinhẹn lẹkọyi Pilati dè, nawẹ yẹwhenọ daho lẹ dawhá dọ?

6. Etẹwẹ jọ do Jesu go to Ahọluzangbe (vendredi) whèmẹ, podọ opagbe tẹwẹ e do na dopo to ylanwatọ he yin whiwhè do atin go to apá etọn lẹ mẹ?

7. Fie wẹ Paladisi he Jesu dọho etọn lọ na tin te?

Kanbiọ devo lẹ:

1. Hia Matiu 26:57-75.

   Aliho tẹ mẹ wẹ hagbẹ Whẹdatẹn Daho Ju lẹ tọn lẹ dohia te dọ ahun yetọn ylan? (Mat. 26:59, 67, 68)

2. Hia Matiu 27:1-50.

   Naegbọn mí sọgan dọ dọ e ma yin lẹnvọjọ nujọnu tọn wẹ Juda dohia? (Mat. 27:3, 4; Malku 3:29; 14:21; 2 Kọl. 7:10, 11)

3. Hia Luku 22:54-71.

   Etẹwẹ mí sọgan plọn sọn lehe Pita mọ́n Jesu gbọn to ozán he mẹ e yin didehia bo yin wiwle te lọ mẹ? (Luku 22:60-62; Mat. 26:31-35; 1 Kọl. 10:12)

4. Hia Luku 23:1-49.

   Nawẹ Jesu yinuwa hlan oylan he yin wiwà do e lẹ gbọn, podọ etẹwẹ mí sọgan plọn sọn ehe mẹ? (Luku 23:33, 34; Lom. 12:17-19; 1 Pita 2:23)

5. Hia Johanu 18:12-40.

   Etẹwẹ dohia dọ dile obu gbẹtọ tọn tlẹ duto Pita ji na ojlẹ gli de, e sọ mọ huhlọn yí bo lẹzun apọsteli ayidego tọn de? (Joh. 18:25-27; 1 Kọl. 4:2; 1 Pita 3:14, 15; 5:8, 9)

6. Hia Johanu 19:1-30.

   1. Pọndohlan jlẹkaji tọn tẹwẹ Jesu tindo gando agbasanu lẹ go? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Nawẹ hogbe godo tọn he Jesu dọ jẹnukọnna okú etọn lẹ yin hodidọ awhàngbigba tọn he dohia dọ e ko suwhẹna nupojipetọ-yinyin Jehovah tọn gbọn? (Joh. 16:33; 19:30; 2 Pita 3:14; 1 Joh. 5:4)

Otàn 102

Jesu to Ogbẹ̀

1. Mẹnu wẹ nawe he tin to yẹdide lọ mẹ, mẹnu sọ wẹ dawe awe lọ lẹ, podọ fie wẹ yé te?

2. Naegbọn Pilati do dọna yẹwhenọ lẹ nado do awhànfuntọ lẹ hlan nado ṣọ́ yọdò Jesu tọn?

3. Etẹwẹ angẹli de wà to afọnnu fuu to azán atọ̀ntọ okú Jesu tọn godo, ṣigba etẹwẹ yẹwhenọ lẹ wà?

4. Naegbọn e paṣa yọnnu delẹ to whenuena yé yì yọdò Jesu tọn kọ̀n?

5. Naegbọn Pita po Johanu po do họ̀nwezun yì yọdò Jesu tọn kọ̀n, podọ etẹwẹ yé mọ?

6. Etẹwẹ jọ do agbasa Jesu tọn go, ṣigba etẹwẹ e wà nado dohia devi etọn lẹ dọ emi tin to ogbẹ̀?

Kanbiọ devo lẹ:

1. Hia Matiu 27:62-66 po 28:1-15 po.

   Nawẹ yẹwhenọ daho lẹ, Falesi lẹ, po mẹho Ju lẹ tọn lẹ po waylando do gbigbọ wiwe go to fọnsọnku Jesu tọn whenu gbọn? (Mat. 12:24, 31, 32; 28:11-15)

2. Hia Luku 24:1-12.

   Nawẹ kandai fọnsọnku Jesu tọn dohia dọ Jehovah nọ pọ́n yọnnu lẹ hlan taidi kunnudetọ he go yè sọgan dejido lẹ gbọn? (Luku 24:4, 9, 10; Mat. 28:1-7)

3. Hia Johanu 20:1-12.

   Nawẹ Johanu 20:8, 9 gọalọna mí nado mọdọ e nọ biọ homẹfa to whenuena mí ma mọnukunnujẹ hẹndi dọdai Biblu tọn de mẹ ganji gbọn? (Howh. 4:18; Mat. 17:22, 23; Luku 24:5-8; Joh. 16:12)

Otàn 103

Yé to Abò He Ohọ̀n Etọn to Súsú de Mẹ

1. Etẹwẹ Malia dọna dawe he e lẹndọ jipa-họ́tọ de wẹ lọ, ṣigba etẹwẹ hẹn ẹn nado mọdọ Jesu wẹ mẹlọ na taun tọn?

2. Etẹwẹ jọ do devi awe he to zọnlinzin jei gbétatò Emausi tọn mẹ lọ lẹ go?

3. Onú jiawu tẹwẹ jọ to whenuena devi awe lọ lẹ dọna apọsteli lẹ dọ yé mọ Jesu?

4. Whla nẹmu wẹ Jesu sọawuhia hodotọ etọn lẹ?

5. Etẹwẹ Tọmasi dọ to whenuena e sè dọ devi lẹ mọ Oklunọ, ṣigba etẹwẹ jọ to azán ṣinatọ̀n godo?

Kanbiọ devo lẹ:

1. Hia Johanu 20:11-29.

   Sọgbe hẹ nuhe tin to Johanu 20:23 mẹ, be Jesu to didọ dọ gbẹtọvi lẹ tindo aṣẹ nado jo ylando lẹ namẹ wẹ ya? Basi zẹẹmẹ. (Ps. 49:2, 7; Isa. 55:7; 1 Tim. 2:5, 6; 1 Joh. 2:1, 2)

2. Hia Luku 24:13-43.

   Nawẹ mí sọgan jla ahun mítọn do nado kẹalọyi nugbo Biblu tọn lẹ gbọn? (Luku 24:32, 33; Ẹzla 7:10; Mat. 5:3; Owalọ 16:14; Heb. 5:11-14)

Otàn 104

Jesu Lẹkọyi Olọn Mẹ

1. Devi nẹmu wẹ mọ Jesu to nujijọ de whenu, podọ etẹ ji wẹ e dọhodo na yé?

2. Etẹwẹ Ahọluduta Jiwheyẹwhe tọn yin, podọ nawẹ gbẹninọ na te to aigba ji to gandudu owhe fọtọ́n Jesu tọn whenu?

3. Azán nẹmu wẹ Jesu do sọawuhia devi etọn lẹ, ṣigba etẹwẹ ojlẹ ko sọ̀ na ẹn todin nado wà?

4. Whẹpo Jesu do jo devi etọn lẹ do nado yì olọn mẹ, etẹwẹ e dọna yé nado wà?

5. Etẹwẹ to jijọ to yẹdide lọ mẹ, podọ nawẹ Jesu bu do yé gbọn?

Kanbiọ devo lẹ:

1. Hia 1 Kọlintinu lẹ 15:3-8.

   Etẹwẹ gọalọna apọsteli Paulu nado dọho gando fọnsọnku Jesu tọn go po jide po sọmọ, podọ etẹlẹ ji wẹ Klistiani lẹ sọgan dọhodo po jide po to egbehe? (1 Kọl. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Hia Owalọ lẹ 1:1-11.

   Nawẹ azọ́n yẹwhehodidọ tọn lọ ko gbayipe sọ dile e yin didọdai do to Owalọ lẹ 1:8 mẹ? (Owalọ 6:7; 9:31; 11:19-21; Kọl. 1:23)

Otàn 105

Yé Nọte to Jelusalẹm

1. Dile yẹdide lọ dohia do, etẹwẹ jọ do hodotọ Jesu tọn he to tenọpọn ẹn to Jelusalẹm lẹ go?

2. Nupaṣamẹ tẹwẹ mẹhe basi dlapọn wá Jelusalẹm lẹ tindo numimọ etọn?

3. Zẹẹmẹ tẹwẹ Pita basi na gbẹtọ lẹ?

4. Etẹwẹ yin numọtolanmẹ gbẹtọ lẹ tọn to whenuena yé sè ohó Pita tọn lẹ, podọ etẹwẹ e dọna yé nado wà?

5. Gbẹtọ nẹmu wẹ yí baptẹm to azán Pẹntikọsti owhe 33 W.M. tọn enẹ gbè?

Kanbiọ devo lẹ:

1. Hia Owalọ lẹ 2:1-47.

   1. Nawẹ hogbe Pita tọn he tin to Owalọ lẹ 2:23, 36 mẹ dohia dọ akọta Juvi lẹ tọn blebu wẹ tindo mahẹ to okú Jesu tọn mẹ gbọn? (1 Tẹs. 2:14, 15)

   2. Nawẹ Pita ze apajlẹ dagbe de dai na nuhe dù hoyijlẹdohogo sọn Owe-wiwe mẹ gbọn? (Owalọ 2:16, 17, 29, 31, 36, 39; Kọl. 4:6)

   3. Nawẹ Pita yí tintan to “họnhungan ahọluduta olọn tọn lẹ” he Jesu dopagbe etọn na ẹn lẹ mẹ zan gbọn? (Owalọ 2:14, 22-24, 37, 38; Mat. 16:19)

Otàn 106

Yé Yin Didesọn Gànpamẹ

1. Etẹwẹ jọ do Pita po Johanu po go to whèmẹ gbèdopo to whenuena yé jei tẹmpli mẹ?

2. Etẹwẹ Pita dọna dawe sẹkunọ de, podọ etẹwẹ Pita na ẹn he hugan akuẹ?

3. Naegbọn nukọntọ sinsẹ̀n tọn lẹ do gblehomẹ, podọ etẹwẹ yé wà na Pita po Johanu po?

4. Etẹwẹ Pita dọna nukọntọ sinsẹ̀n tọn lẹ, podọ avase tẹwẹ yé na apọsteli lẹ?

5. Naegbọn nukọntọ sinsẹ̀n tọn lẹ do to awuwhàn, ṣigba etẹwẹ jọ to whenuena apọsteli lẹ yin zizedo gànpamẹ whla awetọ?

6. Etẹwẹ yin gblọndo apọsteli lẹ tọn to whenuena yé yin zize yì Whẹdatẹn Daho Ju lẹ tọn mẹ?

Kanbiọ devo lẹ:

1. Hia Owalọ lẹ 3:1-10.

   Dile etlẹ yindọ mí ma tindo aṣẹ nado nọ wà azọ́njiawu lẹ to egbehe, nawẹ hogbe Pita tọn he yin kinkàndai to Owalọ lẹ 3:6 mẹ lẹ gọalọna mí nado mọ nuhọakuẹ-yinyin owẹ̀n Ahọluduta lọ tọn gbọn? (Joh. 17:3; 2 Kọl. 5:18-20; Flp. 3:8)

2. Hia Owalọ lẹ 4:1-31.

   Eyin mí pehẹ homẹkẹn, nawẹ mí sọgan hodo apajlẹ mẹmẹsunnu Klistiani mítọn owhe kanweko tintan whenu tọn lẹ tọn gbọn? (Owalọ 4:29, 31; Efe. 6:18-20; 1 Tẹs. 2:2)

3. Hia Owalọ lẹ 5:17-42.

   Nawẹ mẹhe ma yin Kunnudetọ delẹ to hohowhenu podọ to egbehe ko do lẹnpọn dagbe hia gando azọ́n yẹwhehodidọ tọn lọ go gbọn? (Owalọ 5:34-39)

Otàn 107

Yé Dlan Zannu Do Stefani

1. Mẹnu wẹ Stefani, podọ etẹwẹ Jiwheyẹwhe to alọgọna ẹn nado wà?

2. Etẹwẹ Stefani dọ he hẹn homẹgble nukọntọ sinsẹ̀n tọn lẹ tlala?

3. To whenuena dawe lọ lẹ dọ̀n Stefani jẹgbonu sọn tòdaho lọ mẹ, etẹwẹ yé wà na ẹn?

4. Mẹnu wẹ dẹpẹ he ṣite to agawu lẹ kọ̀n to yẹdide lọ mẹ?

5. Jẹnukọnna okú Stefani tọn, odẹ̀ tẹwẹ e hò hlan Jehovah?

6. To apajlẹ Stefani tọn mẹ, etẹwẹ mí dona wà eyin mẹde wà nuhe ylan do mí go?

Kanbiọ devo lẹ:

1. Hia Owalọ lẹ 6:8-15.

   Aliho oklọ tọn tẹlẹ wẹ nukọntọ sinsẹ̀n tọn lẹ nọ yizan nado hẹnalọdotena azọ́n yẹwhehodidọ Kunnudetọ Jehovah tọn lẹ tọn? (Owalọ 6:9, 11, 13)

2. Hia Owalọ lẹ 7:1-60.

   1. Etẹwẹ gọalọna Stefani nado yiavunlọna wẹndagbe lọ po kọdetọn dagbe po to Whẹdatẹn Daho Ju lẹ tọn nukọn, podọ etẹwẹ mí sọgan plọn sọn apajlẹ etọn mẹ? (Owalọ 7:51-53; Lom. 15:4; 2 Tim. 3:14-17; 1 Pita 3:15)

   2. Pọndohlan tẹwẹ mí dona wleawuna gando mẹhe nọ jẹagọdo azọ́n mítọn lẹ go? (Owalọ lẹ 7:58-60; Mat. 5:44; Luku 23:33, 34)

Otàn 108

To Aliji Jei Damasku

1. Etẹwẹ Saulu wà to okú Stefani tọn godo?

2. Nujiawu tẹwẹ jọ to whenue Saulu to aliji jei Damasku?

3. Etẹwẹ Jesu dọna Saulu nado wà?

4. Anademẹ tẹlẹ wẹ Jesu na Anania, podọ nawẹ Saulu penugo nado mọnú whladopo dogọ gbọn?

5. Yinkọ tẹwẹ wá yiaga na Saulu, podọ nawẹ ewọ yin yiyizan gbọn?

Kanbiọ devo lẹ:

1. Hia Owalọ lẹ 8:1-4.

   Nawẹ homẹkẹn sinsinyẹn he fọ́n do agun Klistiani tọn yọyọ he yin didoai lọ ji gọalọ nado hẹn yise Klistiani tọn gbayipe gbọn, podọ onú mọnkọtọn tẹwẹ jọ to egbehe? (Owalọ 8:4; Isa. 54:17)

2. Hia Owalọ lẹ 9:1-20.

   Azọ́ndenamẹ atọ̀n-to-pọmẹ tẹwẹ Jesu dohia dọ emi tindo to linlẹn mẹ na Saulu? (Owalọ 9:15; 13:5; 26:1; 27:24; Lom. 11:13)

3. Hia Owalọ lẹ 22:6-16.

   Nawẹ mí sọgan taidi Anania gbọn, podọ naegbọn enẹ do yin nujọnu? (Owalọ 22:12; 1 Tim. 3:7; 1 Pita 1:14-16; 2:12)

4. Hia Owalọ lẹ 26:8-20.

   Nawẹ lehe Saulu lẹzun Klistiani gbọn sọgan yin tulinamẹnu de na mẹhe tindo alọwlemẹ mayisenọ lẹ to egbehe gbọn? (Owalọ 26:11; 1 Tim. 1:14-16; 2 Tim. 4:2; 1 Pita 3:1-3)

Otàn 109

Pita Dla Kọneliọsi Pọ́n

1. Mẹnu wẹ dawe he to taliai to yẹdide lọ mẹ?

2. Etẹwẹ angẹli de dọna Kọneliọsi?

3. Etẹwẹ Jiwheyẹwhe dohia Pita to numimọ mẹ to whenuena e tin to petlezìn ji to owhé Simọni tọn gbè to Jọppa?

4. Naegbọn Pita do dọna Kọneliọsi dọ e ma dona jẹklo bo litaina emi?

5. Naegbọn awuji devi Ju he hodo Pita lẹ?

6. Onú titengbe tẹwẹ mí dona plọn sọn dlapọn he Pita basi yì Kọneliọsi dè mẹ?

Kanbiọ devo lẹ:

1. Hia Owalọ lẹ 10:1-48.

   Etẹwẹ hogbe Pita tọn lẹ he yin mimọ to Owalọ lẹ 10:42 mẹ dohia gando azọ́n wẹndagbe Ahọluduta lọ tọn lilá go? (Mat. 28:19; Malku 13:10; Owalọ 1:8)

2. Hia Owalọ lẹ 11:1-18.

   Nawẹ Pita yinuwa gbọn to whenuena e họnwun dọ Jehovah to anadena Kosi lẹ, podọ nawẹ mí sọgan hodo apajlẹ etọn gbọn? (Owalọ 11:17, 18; 2 Kọl. 10:5; Efe. 5:17)

Otàn 110

Timoti—Alọgọtọ Yọyọ Paulu Tọn

1. Mẹnu wẹ sunnu jọja he tin to yẹdide lọ mẹ, fie wẹ e nọ nọ̀, podọ nawẹ onọ̀ etọn po onọ̀ daho etọn po nọ yin?

2. Etẹwẹ Timoti dọ to whenuena Paulu kanse e eyin e jlo na kọnawudopọ hẹ Sila po Paulu po nado dọyẹwheho na gbẹtọ lẹ to aigba he dẹn taun lẹ ji?

3. Fie whẹ́whẹ́ wẹ hodotọ Jesu tọn lẹ yin yiylọdọ Klistiani te?

4. Tòdaho tẹlẹ wẹ Paulu, Sila po Timoti po dlapọn tlolo he yé tọ́n sọn Antioku?

5. Nawẹ Timoti gọalọna Paulu gbọn, podọ kanbiọ tẹwẹ jọja egbezangbe tọn lẹ dona nọ kanse yede?

Kanbiọ devo lẹ:

1. Hia Owalọ lẹ 9:19-30.

   Nawẹ apọsteli Paulu do wuntuntun hia to whenuena e pehẹ nukundiọsọmẹtọ wẹndagbe lọ tọn lẹ gbọn? (Owalọ 9:22-25, 29, 30; Mat. 10:16)

2. Hia Owalọ lẹ 11:19-26.

   Nawẹ kandai he tin to Owalọ lẹ 11:19-21, 26 mẹ dohia dọ gbigbọ Jehovah tọn to anadena azọ́n yẹwhehodidọ tọn lọ gbọn?

3. Hia Owalọ lẹ 13:13-16, 42-52.

   Nawẹ Owalọ lẹ 13:51, 52 dohia dọ devi lẹ ma dike homẹkẹn ni hẹn yé gbọjọ gbọn? (Mat. 10:14; Owalọ 18:6; 1 Pita 4:14)

4. Hia Owalọ lẹ 14:1-6, 19-28.

   Nawẹ hogbe lọ “yé ze yé do alọmẹ na Jehovah” nọ gọalọna mí ma nado yin magbọjẹnọ to whenuena mí to alọgọna mẹyọyọ lẹ gbọn? (Owalọ 14:21-23; 20:32; Joh. 6:44)

5. Hia Owalọ lẹ 16:1-5.

   Nawẹ ojlo dagbe he Timoti dohia nado gboadà dohia dọ nujọnu wẹ e yin nado nọ wà “onú lẹpo na wẹndagbe lọ tọn wutu” gbọn? (Owalọ 16:3; 1 Kọl. 9:23; 1 Tẹs. 2:8)

6. Hia Owalọ lẹ 18:1-11, 18-22.

   Etẹwẹ Owalọ lẹ 18:9, 10 dohia gando adà he Jesu lọsu nọ yiwà to anadidena azọ́n yẹwhehodidọ tọn lọ mẹ go, podọ jide tẹwẹ enẹ na mí to egbehe? (Mat. 28:20)

Otàn 111

Visunnu de He Damlọn

1. Mẹnu wẹ visunnu he tin to aigba to yẹdide lọ mẹ, podọ etẹwẹ jọ do e go?

2. Etẹwẹ Paulu wà to whenuena e mọdọ visunnu lọ ko kú?

3. Fie wẹ Paulu, Timoti, po mẹhe to gbejizọnlinzin hẹ yé lẹ po jei, podọ etẹwẹ jọ to whenue yé nọte to Miletu?

4. Avase tẹwẹ yẹwhegán Agabu na Paulu, podọ nawẹ nuhe yẹwhegán lọ dọ lẹ mọ hẹndi gbọn?

Kanbiọ devo lẹ:

1. Hia Owalọ lẹ 20:7-38.

   1. Sọgbe hẹ hogbe Paulu tọn he tin to Owalọ lẹ 20:26, 27 mẹ, nawẹ mí sọgan “wé sọn ohùn gbẹtọ lẹpo tọn mẹ” gbọn? (Ezek. 33:8; Owalọ 18:6, 7)

   2. Nawẹ mẹho agun tọn lẹ dona nọ “tẹdo ohó nugbo lọ go gligli” to mẹpinplọn whenu gbọn? (Owalọ 20:17, 29, 30; Titu 1:7-9; 2 Tim. 1:13)

2. Hia Owalọ lẹ 26:24-32.

   Nawẹ Paulu yí tòvi-yinyin Lomu tọn etọn zan nado hẹn azọ́ndenamẹ yẹwhehodidọ tọn he e mọyi sọn Jesu dè lọ di gbọn? (Owalọ 9:15; 16:37, 38; 25:11, 12; 26:32; Luku 21:12, 13)

Otàn 112

Tọjihun Yetọn Siọ to Lopo de Ji

1. Etẹwẹ jọ do tọjihun he mẹ Paulu tin te go dile e gbọn yakẹ lopo Klete tọn ji jei?

2. Etẹwẹ Paulu dọna mẹhe tin to tọjihun lọ mẹ lẹ?

3. Nawẹ ohún lọ gbà do flinflin gbọn?

4. Anademẹ tẹlẹ wẹ awhàngán he to nukunpedo yé go lọ na, podọ gbẹtọ nẹmu wẹ jẹage awuyẹyẹ-afọyẹyẹ?

5. Nawẹ lopo he ji yé jẹ lọ nọ yin, podọ etẹwẹ jọ do Paulu go to whenuena aimẹ pọnte?

Kanbiọ devo lẹ:

1. Hia Owalọ lẹ 27:1-44.

   Nawẹ otàn gbejizọnlin Paulu tọn yì Lomu tọn hihia nọ hẹn jide mítọn lodo to gbesisọ-yinyin kandai Biblu tọn mẹ gbọn? (Owalọ 27:16-19, 27-32; Luku 1:3; 2 Tim. 3:16, 17)

2. Hia Owalọ lẹ 28:1-14.

   Eyin tòmẹnu Malita tọn mayisenọ lẹ yin whinwhàn sọmọ nado do “homẹdagbe vonọtaun” hia Paulu po gbẹdohẹmẹtọ etọn he tindo numimọ húnsiọmẹ tọn lẹ po, etẹwẹ Klistiani lẹ dona yin whinwhàn nado wà podọ titengbe to aliho tẹ mẹ? (Owalọ 28:1, 2; Heb. 13:1, 2; 1 Pita 4:9)

Otàn 113

Paulu to Lomu

1. Mẹnu wẹ Paulu dọyẹwheho na to whenue e tin to gànpamẹ to Lomu?

2. To yẹdide lọ mẹ, mẹnu wẹ mẹdlapọntọ he to wekan to tafo ji lọ, podọ etẹ wà na Paulu wẹ e te?

3. Mẹnu wẹ Epafloditu yin, podọ etẹwẹ e hẹn to whenuena e lẹkọyi Filippi?

4. Naegbọn Paulu do kanwehlan họntọn vivẹ etọn Filemọni?

5. Etẹwẹ Paulu wà to whenuena e yin tuntundote, podọ etẹwẹ jọ do e go to godo mẹ?

6. Mẹnu wẹ Jehovah yizan nado kàn owe Biblu tọn godo tọn lẹ, podọ etẹ ji wẹ owe Osọhia tọn dọhodo?

Kanbiọ devo lẹ:

1. Hia Owalọ lẹ 28:16-31 po Filippinu lẹ 1:13 po.

   Nawẹ Paulu yí whenu etọn zan to whenuena e tin to gànpamẹ to Lomu gbọn, podọ nuyiwadomẹji tẹwẹ yise mawhango etọn tindo do agun Klistiani tọn ji? (Owalọ 28:23, 30; Flp. 1:14)

2. Hia Filippinu lẹ 2:19-30.

   Hogbe pinpẹn-nutọn-yinyọnẹn tọn tẹwẹ Paulu yizan na Timoti po Epafloditu po, podọ nawẹ mí sọgan hodo apajlẹ Paulu tọn gbọn? (Flp. 2:20, 22, 25, 29, 30; 1 Kọl. 16:18; 1 Tẹs. 5:12, 13)

3. Hia Filemọni 1-25.

   1. Dodonu tẹ ji wẹ Paulu dotuhomẹna Filemọni nado wà nuhe sọgbe te, podọ nawẹ ehe sọgan deanana mẹho agun tọn lẹ to egbehe gbọn? (File. 9; 2 Kọl. 8:8; Gal. 5:13)

   2. Nawẹ hogbe Paulu tọn he yin mimọ to Filemọni 13, 14 mẹ lẹ dohia dọ e nọ na sisi ayihadawhẹnamẹnu mẹdevo lẹ tọn to agun mẹ gbọn? (1 Kọl. 8:7, 13; 10:31-33)

4. Hia 2 Timoti 4:7-9.

   Taidi apọsteli Paulu, nawẹ mí sọgan tindo jide dọ Jehovah na dona mí eyin mí gbọṣi nugbonọ-yinyin mẹ kakajẹ opodo gbọn? (Mat. 24:13; Heb. 6:10)

Otàn 114

Opodo Ylanwiwa Lẹpo Tọn

1. Naegbọn Biblu dọho gando osọ́ lẹ go to olọn mẹ?

2. Nawẹ awhàn he Jiwheyẹwhe na fùn sọta mẹylankan he tin to aigba ji lẹ nọ yin yiylọdọ, podọ etẹwẹ yin lẹndai awhàn enẹ tọn?

3. Sọgbe hẹ yẹdide lọ, Mẹnu wẹ na yin nukọntọ to awhàn lọ mẹ, naegbọn e ṣinyọ́n jẹgbakun, podọ etẹwẹ ohí etọn zẹẹmẹdo?

4. Eyin mí lẹkọyi Otàn 10tọ, po 15tọ po mẹ, naegbọn e ma dona paṣa mí dọ Jiwheyẹwhe na và mẹylankan lẹ sudo?

5. Nawẹ Otàn 33, 36, po 76tọ po dohia mí dọ Jiwheyẹwhe na và mẹylankan lẹ sudo eyin yé tlẹ sọalọakọ́n dọ yé to sinsẹ̀n ẹn gbọn?

Kanbiọ devo lẹ:

1. Hia Osọhia 19:11-16.

   1. Nawẹ Owe-wiwe hẹn ẹn họnwun dọ Jesu Klisti wẹ yin mẹhe to osọ́ wewe lọ kùn gbọn? (Osọ. 1:5; 3:14; 19:11; Isa. 11:4)

   2. Nawẹ ohùn he húnhún do agawu Jesu tọn go dohia dọ ayihaawe matin dọ e na duto awhàn lọ ji mlẹnmlẹn gbọn? (Osọ. 14:18-20; 19:13; Isa. 63:1-6)

   3. Mẹnu lẹ wẹ na ko kọnawudopọ to awhànpa he hodo Jesu to osọ́ wewe etọn ji lẹ mẹ? (Osọ. 12:7; 19:14; Mat. 25:31, 32)

Otàn 115

Paladisi Yọyọ de to Aigba Ji

1. Ninọmẹ tẹlẹ wẹ Biblu dlẹnalọdo dọ mí na duvivi etọn to Paladisi aigba ji tọn mẹ?

2. Etẹwẹ yin opagbe Biblu tọn na mẹhe na nọgbẹ̀ to Paladisi mẹ lẹ?

3. Whetẹnu wẹ Jesu na hẹn ẹn diun dọ diọdo jiawu ehelẹ wá aimẹ?

4. To whenuena Jesu tin to aigba ji, etẹwẹ e wà nado do nuhe e na wá wà taidi Ahọlu Ahọluduta Jiwheyẹwhe tọn hia?

5. Etẹ go wẹ Jesu po ganduhẹmẹtọ etọn lẹ po na penukundo to whenuena yé na dugán do aigba ji sọn olọn mẹ?

Kanbiọ devo lẹ:

1. Hia Osọhia 5:9, 10.

   Naegbọn mí sọgan deji dọ mẹhe na dugán do aigba ji to Gandudu Owhe Fọtọ́n tọn lọ whenu lẹ na yin ahọlu po yẹwhenọ mẹtọnhopọntọ po lẹblanunọ lẹ po? (Efe. 4:20-24; 1 Pita 1:7; 3:8; 5:6-10)

2. Hia Osọhia 14:1-3.

   Etẹwẹ e zẹẹmẹdo dọ oyín Otọ́ lọ po Lẹngbọvu lọ tọn po yin kinkàn do nukọn na gbẹtọ 144000 lọ lẹ? (1 Kọl. 3:23; 2 Tim. 2:19; Osọ. 3:12)

Otàn 116

Lehe Mí Sọgan Nọgbẹ̀ Kakadoi Do

1. Etẹwẹ mí dona yọnẹn eyin mí jlo na nọgbẹ̀ kakadoi?

2. Dile yẹdide viyọnnu pẹvi lọ po họntọn etọn lẹ po tọn dohia do, nawẹ mí sọgan plọnnu gando Jehovah Jiwheyẹwhe po Jesu po go gbọn?

3. Owe devo tẹwẹ a mọ to yẹdide lọ mẹ, podọ naegbọn mí dona nọ hia ẹ whẹwhẹ?

4. To yidogọ mẹ na nupinplọn gando Jehovah po Jesu po go, onú devo tẹwẹ mí dona wà nado mọ ogbẹ̀ madopodo yí?

5. Nuplọnmẹ tẹwẹ mí mọyi sọn Otàn 69tọ mẹ?

6. Etẹwẹ apajlẹ dagbe visunnu pẹvi Samuẹli tọn lọ he tin to Otàn 55tọ mẹ dohia mí?

7. Nawẹ mí sọgan hodo apajlẹ Jesu Klisti tọn gbọn, podọ eyin mí wàmọ etẹwẹ na yin ale mítọn to nukọn mẹ?

Kanbiọ devo lẹ:

1. Hia Johanu 17:3.

   Nawẹ Owe-wiwe dohia gbọn dọ oyọnẹn Jehovah Jiwheyẹwhe po Jesu Klisti po tọn tintindo bẹ nususu hẹn hugan onú lẹ pinplọn do tamẹ poun gbọn? (Mat. 7:21; Jak. 2:18-20; 1 Joh. 2:17)

2. Hia Psalm 145:1-21.

   1. Etẹwẹ delẹ to whẹwhinwhẹ́n susugege he mí tindo nado nọ pagigona Jehovah lẹ mẹ? (Ps. 145:8-11; Osọ. 4:11)

   2. Nawẹ Jehovah yin “yinyọ́n hlan mẹpopo” gbọn, podọ nawẹ ehe dona hẹn mí dọnsẹpọ ẹ hugan gbede pọ́n gbọn? (Ps. 145:9; Mat. 5:43-45)

   3. Eyin mí yiwanna Jehovah sisosiso, etẹwẹ ehe na whàn mí nado wà? (Ps. 119:171, 172, 175; 145:11, 12, 21)