WESẸDOTẸN INTẸNẸT JI TỌN Watchtower Tọn
WESẸDOTẸN INTẸNẸT JI TỌN
Watchtower Tọn
Gungbe
ẹ,ọ,ṣ
  • á
  • à
  • é
  • è
  • Ẹ
  • ẹ
  • ẹ́
  • ẹ̀
  • í
  • ì
  • ó
  • ò
  • Ọ
  • ọ
  • ọ́
  • ọ̀
  • Ṣ
  • ṣ
  • ú
  • ù
  • BIBLU
  • OWE LẸ
  • OPLI LẸ
  • lffi nupinplọn 2
  • Biblu Nọ Namẹ Todido

Video de ma tin na adà ehe

Jaale, nuhahun de wá aimẹ gando video lọ go.

  • Biblu Nọ Namẹ Todido
  • Duvivi Ogbẹ̀ Tọn Kakadoi!—Biblu Pinplọn Bibẹjẹeji
  • Hóvila Lẹ
  • Hosọ Mọnkọtọn
  • DINDONANU DOGỌ
  • BLADOPỌ
  • PỌ́N NUDỌNAMẸ DEVO LẸ
  • Biblu Nọ Namẹ Todido
    Duvivi Ogbẹ̀ Tọn Kakadoi!—Biblu Pinplọn Bibẹjẹeji
  • Todido Tin Dọ Osọ Na Yọ́n
    Hosọ Devo Lẹ
  • Nuhewutu A Gán Donukun Nudagbe lẹ to 2023—Etẹ Biblu Dọ?
    Hosọ Devo Lẹ
  • Todido Tintindo to 2024—Etẹ Biblu Dọ?
    Hosọ Devo Lẹ
Pọ́n Nudevo Lẹ
Duvivi Ogbẹ̀ Tọn Kakadoi!—Biblu Pinplọn Bibẹjẹeji
lffi nupinplọn 2
Nupinplọn 2. Owhè to zizẹ do likun-gle daho he to flala de ji.

NUPINPLỌN 02

Biblu Nọ Namẹ Todido

Zinjẹgbonu
Zinjẹgbonu
Zinjẹgbonu

Lẹdo aihọn pé, mẹsusu wẹ nọ pehẹ nuhahun delẹ he nọ hẹn awubla, lẹnpọn, podọ etlẹ yin awufiẹsa wá na yé. Be a ko pehẹ ninọmẹ de he hẹn we tindo numọtolanmẹ enẹlẹ pọ́n ya? E gán yindọ a to yaji na azọ̀n kavi mẹyiwanna towe de kú jo we do wutu. A gán nọ kanse dewe dọ, ‘Be nulẹ ka na wá pọnte to ogbẹ̀ ehe mẹ gbèdopo ya?’ Gblọndo he Biblu na na kanbiọ ehe vọ́ jide namẹ taun.

1. Todido tẹwẹ Biblu na gando sọgodo go?

Gbọnvona dọ Biblu dọ nuhewutu nuhahun lẹ do gbọn kamẹ-gòmẹ, e sọ bẹ wẹndagbe lọ hẹn dọ nuhahun ehelẹ ma na nọ aimẹ kakadoi, podọ yé nasọ busẹ to madẹnmẹ. Opagbe Biblu tọn lẹ gán hẹn we “tindo sọgodo dagbe de po todido de po.” (Hia Jelemia 29:11, 12.) Opagbe enẹlẹ nọ gọalọna mí nado doakọnna nuhahun he mí to pipehẹ lẹ, nado tindo pọndohlan dagbe, podọ nado tindo ayajẹ he na dẹn-to-aimẹ.

2. Etẹwẹ Biblu dọ gando sọgodo go?

Biblu dọ dọ to sọgodo “okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba.” (Hia Osọhia 21:4.) Nuhahun he gán zọ́n bọ mí na hẹn todido bu to egbehe lẹ—taidi ohẹ́n, whẹdida mawadodo, awutu po okú po—ma nasọ tin ba. Biblu dopà dọ gbẹtọvi lẹ na wá duvivi ogbẹ̀ tọn kakadoi to Paladisi mẹ to aigba ji.

3. Nawẹ a gán kudeji dọ opagbe Biblu tọn lẹ na wá mọ hẹndi gbọn?

Mẹsusu wẹ nọ donukun nudagbe lẹ to gbẹ̀mẹ, amọ́ yé ma gán sọalọakọ́n dọ todido emitọn lẹ na wá mọ hẹndi. E ma nọ yinmọ na opagbe Biblu tọn lẹ. Eyin mí “nọ yí sọwhiwhe do gbadopọnna Owe-wiwe lẹ,” mí gán wá dejido nuhe Biblu dọ lẹ go. (Owalọ lẹ 17:11) Dile a to Biblu plọn, a na wá penugo nado de eyin vlavo a na yí nuhe e dọ gando sọgodo go lẹ sè.

DINDONANU DOGỌ

Gbadopọnna delẹ to nuhe Biblu dopà etọn na sọgodo lẹ mẹ. Pọ́n lehe todido he Biblu nọ namẹ to alọgọna mẹlẹ to egbehe do.

Bẹplidopọ yẹdide tọn: Yẹdide voovo delẹ he do awusinyẹnnamẹnu he gbẹtọ lẹ to pipehẹ to egbehe lẹ hia yijlẹdo opagbe he Biblu do gando sọgodo go lẹ go. Yẹdide mọnkọtọn devo lẹ sọ tin to odò.

4. Biblu dopà dọ mí na nọgbẹ̀ kakadoi to ninọmẹ pipé lẹ mẹ

Pọ́n opagbe Biblu tọn he bọdego ehelẹ. Detẹ lẹ wẹ whàn we taun? Etẹwutu?

Hia wefọ he yin sislẹ bọdo opagbe ehelẹ go, bo lẹnnupọndo kanbiọ ehelẹ ji:

  • Be a lẹndọ wefọ ehelẹ namẹ todido ya? Be hagbẹ whẹndo tọn towe kavi họntọn towe lẹ sọgan mọ todido yí sọn wefọ ehelẹ mẹ ya?

Yí nukun homẹ tọn do pọ́n lehe e na ṣí na we nado nọgbẹ̀ to aihọn de mẹ

FIE MẸDE MA NA . . .

FIE MẸLẸPO NA . . .

  • blawu, poyọnho kavi kú te.—Isaia 25:8.

  • mọ mẹyiwanna yetọn he kú lẹ te, to whenue yé na yin finfọnsọnku do aigba ji.—Johanu 5:28, 29.

  • jẹazọ̀n kavi tindo oblọ agbasa tọn te.—Isaia 33:24; 35:5, 6.

  • nọ jogún-jogún to agbasa mẹ bo tindo huhlọn jọja whenu tọn te.—Jobu 33:25.

  • jiya whẹdida mawadodo tọn te.—Isaia 32:16, 17.

  • dùnú gọ́ho, tindo owhé dagbe to ota, bo tindo azọ́n dagbe de te.—Salmu lẹ 72:16; Isaia 65:21, 22.

  • jiya na awhàn wutu te.—Salmu lẹ 46:9.

  • tindo jijọho nujọnu tọn te.—Salmu lẹ 37:11.

  • jiya linlẹn agọ̀ lẹ tọn kavi flin nujijọ ylankan lẹ te ba.—Isaia 65:17.

  • nọgbẹ̀ kakadoi to ninọmẹ dagbe hugan lẹ mẹ te.—Salmu lẹ 37:29.

Visunnu he to azọ̀njẹ dai de, wá jẹgangan bo gbò onọ̀ etọn fán. Dawe he ko poyọnho dai de, wá lẹzun jọja bo to kẹkẹvi he mẹ atin-sinsẹ́n po omá lẹ po gọ́ de sisẹ́. Ovi he huvẹ nọ hù taun bọ yé sọ nọ yin hinhẹn nado wazọ́n sinsinyẹn dai lẹ, to atin lẹ do dó jipa de mẹ todin, bosọ wá to bọlu hò. Nawe he sinai do kọmẹ bosọ hósó ede na e jẹflumẹ dai wutu de, fọnṣite todin bọ nukunmẹ etọn sọ gọ́ na ayajẹ.

5. Todido Biblu tọn sọgan hẹn ale wá

Nuhahun lẹ ko zọ́n bọ mẹsusu jẹflumẹ kavi nọ mọ apọ̀. Mẹdelẹ nọ vánkan taun nado hẹn nulẹ pọnte to gbẹ̀mẹ. Pọ́n lehe opagbe he Biblu do dọ nulẹ na pọnte to alọgọna mẹsusu todin do. Hò VIDEO lọ, enẹgodo dọhodo kanbiọ he bọdego lẹ ji.

VIDEO: N’jlo Na Hoavùn Sọta Mawadodo (4:07)

Bẹplidopọ yẹdide tọn: Yẹdide delẹ sọn video lọ ‘N’jlo Na Hoavùn Sọta Mawadodo’ mẹ. 1. Whenue Rafika gbẹ́ yin viyọnnu pẹvi de, e nọ gbẹ̀n sekanfun hẹ mẹhe wá sọn akọ̀ etọn mẹ lẹ. 2. Rafika gọ́ na ayajẹ to whenue e wá plidopọ Kunnudetọ Jehovah tọn lẹ tọn de whla tintan, bo mọdọ gbẹtọ he tindo agbasa sinmẹ voovo lẹ to nuwà dopọ.
  • To video lọ mẹ, whẹdida mawadodo tẹwẹ dotukla Rafika?

  • Dile etlẹ yindọ e ma wọn nuyiwahẹmẹ agọ̀ lọ, nawẹ Biblu gọalọna ẹn gbọn?

Todido he Biblu na mí gando sọgodo go gán gọalọna mí nado duto gbigbọjọ ji, bo doakọnna nuhahun mítọn lẹ po kọdetọn dagbe po. Hia Howhinwhẹn lẹ 17:22 po Lomunu lẹ 12:12 po, enẹgodo dọhodo kanbiọ ehelẹ ji:

  • Be a lẹndọ owẹ̀n todido tọn he to Biblu mẹ gán diọ gbẹzan towe din ya? Gbọnna?

MẸDELẸ NỌ DỌ DỌ: “Odlọ de poun wẹ opagbe he Biblu do gando sọgodo go lẹ yin.”

  • Naegbọn a do lẹndọ e yin nujọnu dọ a ni dindona eyin nugbo wẹ enẹ?

BLADOPỌ

Opagbe he Biblu do gando sọgodo ayajẹnọ de go lẹ nọ na mí todido bo nọ gọalọna mí nado duto nuhahun lẹ ji.

Dogbapọn

  • Naegbọn mẹlẹ do hudo todido tọn?

  • Etẹwẹ Biblu dọ gando sọgodo go?

  • Nawẹ todido tintindo na sọgodo sọgan gọalọna we todin gbọn?

Yanwle

PỌ́N NUDỌNAMẸ DEVO LẸ

Plọn nususu dogọ gando huhlọn he todido tindo go.

“Todido—Fie Wẹ A Sọgan Mọ Te?” (Fọ́n!, 22 avril 2004 tọn)

Pọ́n lehe todido tintindo gando sọgodo go gán gọalọna mẹhe to akọndona azọ̀n jẹmagbọ lẹ do.

“Azọ̀n Jẹmagbọ—Nawẹ Biblu Gán Gọalọ Nado Doakọnna Ẹn Gbọn?” (Hosọ Intẹnẹt ji tọn)

Dile a to video ehe pọ́n, pọ́n lehe hiẹ po hagbẹ whẹndo tọn towe lẹ po na duvivi gbẹninọ tọn to Paladisi sọgodo tọn he Biblu dopà etọn lọ mẹ do.

Pọ́n Dewe Hlan (3:37)

Pọ́n lehe gbẹzan mẹhe nọ yiavùnlọna jlọjẹ gbẹtọvi lẹ tọn de tọn diọ do to whenue e wá yọ́n todido Biblu tọn gando sọgodo go.

“N’Masọ Nọ Lẹndọ N’Dona Diọ Ogbẹ̀ lọ Ba” (Alọnuwe Atọ̀họ̀-Nuhihọ́ lọ Tọn, 1er juillet 2013 tọn)

    Gun Publications | (1976-2025)
    Ṣí Adà Towe
    Hùn Adà Towe
    • Gungbe
    • Dohlan
    • Nujlomẹ Lẹ
    • Copyright © 2025 Watch Tower Bible and Tract Society of Pennsylvania
    • Osẹ́n Nọtẹn lọ Tọn Lẹ
    • Osẹ́n Nudọnamẹ Mẹdetiti Tọn
    • De Osẹ́n Nudọnamẹ Tọn Lẹ
    • JW.ORG
    • Hùn Adà Towe
    Dohlan