Etẹwẹ Mí Sọgan Na Jehovah?

JESU dọ to gbèdopo dọmọ: “Ayajẹ sù to nunamẹ mẹ hú to mimọyi mẹ.” (Owalọ 20:35) Nugbo dodonu tọn enẹ gando haṣinṣan mítọn hẹ Jehovah go. Gbọnna? Jehovah ko na mí nususu he nọ hẹn ayajẹ wá na mí, ṣigba mí tlẹ sọgan sọ mọ ayajẹ he klohugan yí eyin mí nọ basi nunina hlan Jehovah. Etẹwẹ mí sọgan na Jehovah? Howhinwhẹn lẹ 3:9 dọmọ: “Nọ yí nuhọakuẹ towe lẹ do gbògbéna Jehovah.” “Nuhọakuẹ” mítọn lẹ bẹ whenu, nugopipe, huhlọn po nutindo agbasa tọn mítọn lẹ po hẹn. Eyin mí nọ yí nutindo enẹlẹ do nọgodona sinsẹ̀n-bibasi nugbo, be mí to nunina basi na Jehovah niyẹn, podọ mọwiwà nọ hẹn ayajẹ daho wá na mí.

Na nuhe dù nutindo agbasa tọn mítọn lẹ, etẹwẹ na gọalọna mí ma nado yí nukunpẹvi do pọ́n nunina bibasi na Jehovah? Apọsteli Paulu dọna Kọlintinu lẹ nado nọ “de nude dovo” taidi nunina. (1 Kọl. 16:2) Etẹwẹ a sọgan wà eyin a jlo na mọ nudọnamẹ yí dogọ gando aliho he mẹ nunina sọgan yin bibasi te to lẹdo towe mẹ lẹ go? Jaale bo pọ́n apotin he to odò.

E ma yọnbasi nado basi nunina gbọn Intẹnẹt ji to otò lẹpo mẹ. Ṣigba nudọnamẹ gando aliho nunina bibasi tọn lẹ go sọgan yin mimọ to nọtẹn nunina bibasi tọn ji. To otò delẹ mẹ, kandai de yin awuwlena do nọtẹn enẹ ji nado na gblọndo kanbiọ he mẹlẹ nọ saba kanse gando nunina bibasi go lẹ tọn.