Dogbapọn Wehọmẹ Lizọnyizọn Yẹwhehọluduta Tọn

Kanbiọ he bọdego ehelẹ na yin dogbapọnna to Wehọmẹ Lizọnyizọn Yẹwhehọluduta tọn whenu to osẹ he bẹsọn 27 décembre 2010. Nugopọntọ wehọmẹ tọn na deanana dogbapọn nukunwhiwhe 20 tọn de sinai do azọ́ndenamẹ osẹ he bẹsọn 1er novembre jẹ 27 décembre 2010 tọn lẹ ji.

1. Etẹwẹ mí sọgan plọn sọn hogbe pipà tọn hànjitọ Levinu lẹ tọn he yin kinkandai to 1 Otannugbo lẹ 16:34 mẹ? [w02 15/1 w. 11 huk. 6-7]

2. Dile etlẹ yindọ Davidi ma yin dide nado gbá tẹmpli Jehovah tọn, naegbọn e do dó gbigbọ alọtútlú tọn hia? (1 Otan. 22:5, 9) [w05 1/10 w. 11 huk. 7]

3. Numọtolanmẹ tẹwẹ Ahọlu Davidi jlo dọ visunnu etọn Sọlomọni ni tindo gando Jiwheyẹwhe go? (1 Otan. 28:9) [w08 15/10 w. 7 huk. 18]

4. Naegbọn e do sọgbe nado yí ojlẹmọ oyìn lẹ tọn zan nado wleawuna dodonu ozẹnvla kavi ohù kinkọ̀n lọ tọn? (2 Otan. 4:2-4) [w05 1/12 w. 19 huk. 3; w98 15/6 w. 16 huk. 17]

5. Be tafo zannu tọn awe lọ lẹ kẹdẹ wẹ to aki alẹnu tọn lọ mẹ ya, kavi nudevo lẹ sọ to e mẹ ga? (2 Otan. 5:10) [w06 15/1 w. 31]

6. Etẹwẹ hogbe Sọlomọni tọn he tin to 2 Otannugbo lẹ 6:19, 22, 32 mẹ lẹ dohia? [w05 1/12 w. 19 huk. 9]

7. Etẹwẹ hodidọ lọ “alẹnu ojẹ tọn” he tin to 2 Otannugbo lẹ 13:5 mẹ zẹẹmẹdo? [w05 1/12 w. 20 huk. 2]

8. Nawẹ nunọwhinnusẹ́n he tin to 2 Otannugbo lẹ 17:9, 10 mẹ sọgan yin yiyizan na lizọnyizọn mítọn gbọn? [w09 15/6 w. 12 huk. 7]

9. Nawẹ omẹ Jiwheyẹwhe tọn lẹ na yinuwa sọgbe hẹ 2 Otannugbo lẹ 20:17 gbọn to egbehe? [w03 1/6 w. 21-22 huk. 14-17]

10. Etẹwẹ mí sọgan plọn sọn nuyiwa goyiyi Ahọlu Uzia tọn mẹ? (2 Otan. 26:15-21) [w99 1/12 w. 26 huk. 1-2]