Hẹn Lizọnyizọn Towe Pọnte Dogọ​—Yí “Mì Gbọṣi Owanyi Jiwheyẹwhe Tọn Mẹ” Zan Nado Jẹ Ahun Nuplọntọ lẹ Tọn Mẹ

NUHEWUTU E DO YIN NUJỌNU: Gbẹtọ lẹ dona plọn nujinọtedo Jehovah tọn lẹ bo nọgbẹ̀ sọgbe hẹ yé whẹpo sinsẹ̀n-bibasi yetọn nido yin alọkẹyi. (Isa 2:3, 4) Owe “Owanyi,” he yin owe awetọ he mí nọ yí do plọnnumẹ, nọ gọalọna Biblu plọntọ lẹ nado yọ́n lehe nunọwhinnusẹ́n Jiwheyẹwhe tọn lẹ gando gbẹzan egbesọ tọn yetọn go do. (Heb 5:14) Mí dona tẹnpọn nado jẹ ahun yetọn mẹ to whenue mí to nuplọn yé, na yé nido tindo mẹwhinwhàn he sọgbe nado basi vọjlado lẹ.—Lo 6:17.

LEHE MÍ SỌGAN WÀMỌ DO:

• Nọ wleawu ganji bo nọ hẹn nuhudo nuplọntọ lọ tọn do ayiha mẹ. Nọ kàn kanbiọ mẹhẹnlẹnnupọn tọn lẹ sè, ehe na gọalọna we nado yọ́n linlẹn po numọtolanmẹ etọn lẹ po gando nuhe plọn mì te go.—Hwh 20:5; be 259

• Nọ yí apotin owe lọ tọn lẹ zan nado gọalọna nuplọntọ lọ nado yọ́n nuhewutu nunọwhinnusẹ́n Biblu tọn lẹ yíyí-do-yizan mẹ do yin nujọnu

• Nọ gọalọna nuplọntọ lọ nado nọ lẹnnupọndo whẹho he gando ayihadawhẹnamẹnu go lẹ ji, amọ́ ma nọ basi nudide lẹ na ẹn blo.—Ga 6:5

• Nọ yí zinzin zan nado yọnẹn eyin e biọ dọ a ni gọalọna nuplọntọ lọ nado yí nunọwhinnusẹ́n Biblu tọn tangan delẹ do yizan mẹ. Nọ yí homẹdagbe do na tuli i nado basi vọjlado lẹ na owanyi etọn na Jehovah wutu.—Hwh 27:11; Joh 14:31