Etẹwẹ Ahọluduta Jiwheyẹwhe Tọn Na Wà?
Gblọndo Biblu tọn
Ahọluduta Jiwheyẹwhe tọn na diọtẹnna gandudu gbẹtọvi tọn lẹpo bo na dugán do aigba lọ blebu ji. (Daniẹli 2:44; Osọhia 16:14) To enẹgodo, Ahọluduta Jiwheyẹwhe tọn na . . .
De mẹylankan lẹ sẹ̀, na mímẹpo wẹ ṣejannabi yetọn nọ gbleawuna. “Ṣigba mẹylankan lẹ wẹ yè na sán sọn aihọn mẹ.”—Howhinwhẹn lẹ 2:22.
Doalọtena awhàn lẹpo. “[Jiwheyẹwhe] hẹn awhàn gbọ kakajẹ aigba pòdo.”—Psalm 46:9.
Hẹn vivomẹninọ po hihọ́ po wá aigba ji. “Ṣigba yé na sinai omẹ dopodopo to vẹntin etọn glọ podọ to ovotin etọn glọ; podọ mẹde ma nasọ hẹn yé savo gba.”—Mika 4:4.
Hẹn aigba zun paladisi. “Zungbo po aigba he to atò po na jaya na yé; ozùn na jaya, bosọ gbàsẹ́ di vòvo li.”—Isaia 35:1.
Wleawuna azọ́n dagbe he mẹdopodopo na duvivi etọn. “Omẹ [Jiwheyẹwhe tọn] lẹ na dugbẹ̀ azọ́n alọ yetọn mẹ tọn dẹn. Yé ma na wàzọn yaya.”—Isaia 65:21-23.
De azọ̀n sẹ̀. “Finẹnu lẹ ma to na dọmọ, yẹn to azọ̀njẹ.”—Isaia 33:24.
De mí sọn nuyiwadomẹji yọnhowhe tọn si. “Agbasalan etọn na yin jẹemẹ hú ovi de tọn; e lẹgọ do azán ovu etọn tọn lẹ kọ̀n.”—Job 33:25.
Hẹn oṣiọ lẹ gọwá ogbẹ̀. “Mẹhe to yọdò oflin tọn lẹ mẹ lẹpo na sè ogbè [Jesu tọn] bo tọ́njẹgbonu.”—Johanu 5:28, 29.